Viveiro, 5 de agosto de 2025. O Concello de Viveiro presentou a programación da XLV Mostra Folklórica Internacional, un evento xa consolidado como un dos máis importantes da axenda cultural do municipio e que se desenvolverá do 6 ao 10 de agosto. Organizada polo grupo Bágoas da Terra, reúne nesta edición agrupacións procedentes de Galicia, País Vasco, Polonia, Chile, Senegal, Portugal e Murcia.
A Mostra forma parte da rede internacional de festivais do CIOFF, organismo asociado á Unesco, e combina tradición e diversidade cultural a través da música, o baile e o traxe tradicional.
O programa inclúe actividades para todos os públicos, con especial atención á infancia, como a Mostra Infantil o xoves 7 ás 20:30h na Praza Maior, con participación de grupos da Mariña e como convidado especial o grupo vasco Elai Alai Dantza eta Musika Taldea de Portugalete.
O venres 8, ás 22:30h, celebrarase o concerto de música folk a cargo do Grupo Folk “Bágoas da Terra”, que ofrecerá un repertorio que mestura sons tradicionais e composicións propias.
O sábado 9 ás 12:00h, terá lugar o tradicional Desfile das Nacións polas rúas de Viveiro, dende o Conservatorio Profesional de Música de Viveiro. Ca participación dos grupos que forman parte desta edición da Mostra Folklórica Internacional. A continuación a recepción oficial no Conservatorio Profesional de Música. Esa mesma noite, ás 22:00h, o público poderá gozar do espectáculo “Especial Polonia”, a cargo do recoñecido ballet “Zespół Piesni i Tanca ŁANY”, que tamén participará na gala final.
O punto culminante será o domingo 10 ás 20:30h, coa Gran Gala Internacional na Praza Maior, na que actuarán a Compañía de Danzas Tradicionales Kirqui Wayra (Chile), o Ballet Folclórico Jammu (Senegal), o Grupo Etnográfico da Areosa (Portugal), Coros y Danzas Francisco Salzillo (Murcia), o xa citado grupo polaco “ŁANY”, e o anfitrión Bágoas da Terra.
Durante toda a semana tamén haberá audicións musicais polas rúas de Viveiro, nas que os corpos de música dos grupos participantes ofrecerán concertos espontáneos para achegar o folclore ao día a día da veciñanza.
Ademais, do 5 ao 10 de agosto, a Biblioteca Municipal acollerá a exposición “Indumentaria tradicional galaico-asturiana na súa traxectoria do Camiño de Santiago”, aberta ao público.
O Concello de Viveiro anima a toda a cidadanía e visitantes a desfrutar desta cita cultural que promove o intercambio entre culturas, a preservación das tradicións e a convivencia a través da danza e da música.
O delegado territorial da Xunta en Lugo participou este martes nos actos programados con motivo da festividade da Patroa de Ribadeo, Santa María do Campo.
Destacou o apoio da Deputación ao sector primario a través da Granxa Gayoso Castro, centro de referencia en recría, formación e innovación. O evento, organizado pola Asociación Pura Raza Cabalo Galego, incluíu o concurso morfolóxico de distintas categorías —ponis, cabalos do país, cruzados, percheróns, Pura Raza Galega e andadura serrada e chapeada— e unha exhibición de doma de alta escola con eguas de pura raza galega.
Nesta ocasión, a homenaxeada foi a de Román. Tras unha recepción ás portas do concello, a veciñanza da parroquia desprazouse a pé ata a Igrexa de Santa María co grupo tradicional Cerna de Árbol. Na misa, cantada pola Coral Polifónica Vilalbesa, realizáronse as ofrendas e púxose en valor a tradición “dos canteiros e os traballos en pedra” en Román, unha parroquia cun destacado patrimonio histórico e cultural. Tras a celebración na igrexa, os veciños e veciñas de Román compartiron uns pinchos de fraternidade no Centro Cultural.
A celebración estivo organizada pola asociación cultural Ourofest coa colaboración do Concello do Valadouro e contou co apoio do Goberno galego. Villares participou na celebración litúrxica, que contou coa actuación do coro da Escola de Música ‘Ao Compás do Río Ouro’, e compartiu coa veciñanza esta xornada festiva de especial arraigo na localidade.
O corte afectará ao tramo que vai desde o principio da vía ata o punto quilométrico 0,900. Para facilitar a execución das obras, será necesario que non haxa vehículos estacionados nese treito. Os traballos, executados pola empresa Jose No Mantiñan E Hijos Construcciones, S.A., forman parte dun proxecto conxunto para a mellora e acondicionamento de varias estradas provinciais no municipio de Xove, cun investimento total superior aos 800.000 euros.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
Daniel García reafirmou o apoio ao festival, que conta cunha colaboración estable e continuada da Vicepresidencia provincial desde a primeira edición e valorou "o impulso que a Asociación Fanto Fantini lle dá ano a ano ao festival, cun programa que vai máis alá do cartel musical e que profundiza na súa identificación e o seu vínculo con Burela e coa Mariña". A Vicepresidencia da Deputación achega 25.000 euros ao patricinio desta edición do Osa do Mar.
