Ribadeo, 5 de agosto, 2025. Os días 7 e 8 de agosto, Ribadeo converterase de novo nun punto de encontro para o cine “de aquí” coa celebración da IV Edición do Festival de Cine Curto de Ribadeo, organizado polo colectivo creativo Areas Movedizas. Este proxecto botou a andar no 2022 coa intención de facer grande o cine curto achegándoo á xente da contorna, e co obxectivo de amosar que aquí tamén se fai cine, promovendo curtametraxes vencelladas á Mariña Lucense, Galicia e Asturias, e poñendo en valor o traballo de creadoras e creadores dos departamentos audiovisuais ligados a estas zonas.
Nesta edición, o festival presenta oito novas curtametraxes seleccionadas: “Corre, Adela”, de Alba Pino; “Azkena”, de Ane Inés Landeta e Lorea Lyons; “Ratiña”, de Alicia Úbeda; “Monstera”, de Diego R. Aballe; “Curmán”, de Alejandro Jato; “La Reina de los Idiotas”, de J.K. Álvarez; “Campolivar”, de Alicia Moncholí; e “Komando Marmitako”, de Ane Nafarrate e Uxue Botas. A diversidade temática e formal destas pezas, que mestura xéneros diversos como drama, comedia, biopic, animación ou experimental, reflicte o espírito do Festival: seleccionar boas historias, crear comunidade arredor dunha pantalla e dar valor ao criterio do público, que novamente decidirá cos seus votos a curta gañadora.
O xoves 7 de agosto, ás 20 horas, no Cine Ribadeo, terá lugar a proxección das oito curtametraxes. O venres 8 de agosto, tamén ás 20 horas, no Teatro de Ribadeo, celebrarase a Gala Final, onde se desvelará o proxecto gañador. Ambas xornadas contarán coa presenza da actriz galega Mabel Rivera, madriña desta edición, quen xa presentara unha curta no Festival e que agora regresa para entregar o trofeo e acompañar ao público. Rivera é unha figura clave do cine e da televisión en Galicia, cunha recoñecida traxectoria en películas como Mar Adentro, pola que recibiu o Premio Goya á Mellor Actriz de Reparto.
A Gala Final incluirá tamén a actuación musical do grupo ribadense Kornucopia, que combina pop, folk e música tradicional cunha posta en escena enérxica e cercana, sumando así música en directo á festa do cine curto. Ademais, como novidade este ano, o Festival contará coa presenza da creadora de contido Prado Rúa, divulgadora cultural en galego que dinamizará as alfombras vermellas e photocall de ambas xornadas, ás 19:30 horas, achegando así o evento ás redes sociais e aos seus máis de 45.000 seguidores.
O equipo organizador, a asociación Areas Movedizas, está formado por catro profesionais do sector audiovisual, cun impulso renovado, experiencia en diversos departamentos do cine e o obxectivo de manter Ribadeo como punto de encontro entre cineastas: Carme Rodríguez, Gloria González, Mónica Arnanz e Sergio García-Ramos. Nesta cuarta edición, o Festival presenta tamén unha nova identidade gráfica desenvolvida polo deseñador Manu Cajal, mantendo como protagonista a súa mascota O Mariñán, diseñada por Elvira ELR e que xa se converteu nun símbolo recoñecible do proxecto. A sinerxía co tecido económico e social da vila tamén se reforza, contando co apoio da Xunta de Galicia, Concello de Ribadeo, Hotel Aduana, Cine Ribadeo e Delira Gastronómica, institucións e colaboradores que fan posible o Festival.
Co obxectivo de consolidar os valores principais do proxecto e preparar o camiño cara á celebración do seu quinto aniversario, o Festival de Cine Curto de Ribadeo aposta por seguir medrando sen perder a autenticidade coa que naceu: crear un espazo para o cine feito dende aquí, con amor polo audiovisual e polas persoas que o fan e o desfrutan.
O grupo, composto por cinco mulleres e sete homes cunha media de 26 anos, foi recibido pola subdelegada do Goberno, Olimpia López, que lles agradeceu o compromiso co servizo público e destacou o papel esencial da Policía Nacional na seguridade cidadá. Oito axentes estarán na Comisaría de Lugo, dous en Monforte e dous en Viveiro. Ao finalizar as prácticas, escollerán destino definitivo segundo a puntuación obtida no proceso selectivo.
A iniciativa busca poñer en valor a diversidade cultural do municipio a través da gastronomía, convidando ás persoas de diferentes países a elaborar pratos típicos que se ofrecerán de forma gratuíta ao público. O Concello asumirá o custo dos ingredientes e asignará a cada participante un posto identificado co seu país de orixe. As inscricións poden realizarse ata o 29 de xullo enviando un correo a feiras@vilalba.es. Rouco chamou á participación para seguir construíndo unha Vilalba aberta e integradora, nunha feira que quere consolidarse como espazo de convivencia e dinamización da feira tradicional.
Ata o 4 de agosto poderán realizarse as renovacións, mantendo as tarifas aprobadas en asemblea: 200 € e 250 € para adultos, e acceso gratuíto para menores grazas ao convenio coa Fundación Imdecum, con opción voluntaria de abono infantil por 40 € con reserva de asento. A partir do 5 de agosto activaranse as novas altas. Os abonos poderán tramitarse a través de CLUBER ou presencialmente na oficina do club, con horario de mañá e tarde en xullo e só de mañá en agosto.
A Presidenta Carmela López destacou o valor deste produto emblemático da Mariña e o traballo do sector pesqueiro. Rocío Rivera e Herminia Pernas puxeron en valor a tradición mariñeira de Burela e o papel dos mariñeiros da Moncloa. O público degustou 450 tapas elaboradas con bonito nunha xornada que serviu de escaparate desta cita gastronómica e de convite a visitar Burela a próxima fin de semana.
As crianzas desfrutaron dunha refrescante xornada con inchables e xogos acuáticos na contorna do complexo deportivo da Veiga.
Trátase dunha mostra de 28 fotografías de gran formato do naturalista Ezequiel Martínez que reivindica a diversidade e a conservación da fauna salvaxe. A iniciativa, organizada polo Concello da Pastoriza en colaboración con ABANCA e Afundación dentro do proxecto Corrente cultural, poderá visitarse de balde ata o 26 de agosto. As imaxes, acompañadas de textos divulgativos elaborados por especialistas de Naturnova, amosan especies emblemáticas como o oso pardo, a cegoña, o cervo ou a aguia imperial, convidando a reflexionar sobre a importancia de protexer o patrimonio natural.
O campo de fútbol do Cascabeiro acolleu o pasado sábado a III Festa do Mexillón, organizada polo Celta Barreiros. Centos de persoas achegáronse a gozar dunha tarde de gastronomía e de música. En total foron servidas 670 racións entre veciñanza e visitantes, que saborearon mexillóns e lacón. Os organizadores amosasen satisfeitos da acollida: “estamos contentos pola boa resposta dos asistentes”. E tiveron palabras de agradecemento “para os Concellos de Barreiros e de Foz pola boa colaboración”.
