Os actos terán lugar ás seis e media da tarde, trinta minutos antes de que comece o partido entre o Racing de Ferrol e o Real Madrid Castilla
Viveiro, 1 de agosto de 2025. O estadio de Cantarrana pasará a chamarse estadio Kiko Rey. O histórico xogador viveirense recibirá unha homenaxe este sábado 2 de agosto ás 18.30 horas, media hora antes do inicio do partido entre o Racing de Ferrol e o Real Madrid Castilla, correspondente ao Memorial Luís de Carlos.
O recoñecemento chega tras o acordo acadado por unanimidade no Pleno do Concello de Viveiro celebrado o pasado 13 de maio, no que se aprobou pasar a chamar o campo municipal co nome de quen fora un dos futbolistas máis destacados da historia local e que chegou a xogar en Primeira División.
A alcaldesa Mariña Gueimunde subliñou que «Kiko Rey é unha figura moi querida pola veciñanza e cunha traxectoria que levamos no corazón. O seu nome forma parte da identidade futbolística de Viveiro e agora tamén quedará ligado para sempre ao seu estadio».
Ocorreu pasadas as 15:30 horas. Un traballador tivo que ser evacuado ao hospital logo de caerlle o tronco dunha árbore enriba mentres realizaba tarefas no monte en Cervo. Aínda que estaba liberado e consciente, precisaba asistencia sanitaria. Os profesionais de Urxencias Sanitarias de Galicia-061 trasladárono finalmente ao Hospital de Burela. Neste operativo tamén participaron a Garda Civil e a Policía Local de Cervo.
O presidente, José Manuel Gómez Puente, destacou o bo tempo e o reencontro do grupo nun percorrido de 22 km entre Pedrafita e Triacastela. A próxima etapa será o 1 de maio, entre Triacastela e Sarria, e xa está aberta a inscrición no teléfono 623 22 68 25.
Ás doce en punto, tres foguetes —un por cada palabra do nome oficial— foron lanzados desde O Castrodouro, capital histórica do termo municipal e orixe da localidade, pois alí, hai 806 anos, Afonso IX concedeu o título de vila e todo un distrito que administrar; episodio histórico do que deriva o nome do concello. Os veciños reunidos mostraron a súa satisfacción pola recuperación da denominación histórica, afirmando moitos deles que nunca deixaran de empregar o nome completo. Do mesmo xeito, os maiores agradeceron aos impulsores da iniciativa a restitución do topónimo que a historia legou ao municipio alfocés.
Castro destacou o labor da Asociación e o potencial da tradición do ferro como motor económico, social e cultural para Riotorto, subliñando a importancia de impulsar iniciativas que garantan futuro para estes oficios. A Deputación de Lugo mantén unha colaboración estable coa entidade, cunha achega de 14.000 euros. No marco deste apoio, a Asociación avanzou na documentación dos oficios do ferro, catalogando ferramentas, técnicas e a historia das antigas “ferrerías de monte”.
O responsable provincial destacou "o traballo realizado pola organización ao longo destes anos para consolidar unha proba deportiva de primeiro nivel, que atrae tanto deportistas do máximo nivel competitivo como participación popular"
