Viveiro homenaxeou ao exfutbolista Kiko Rey

Viveiro, 2 de agosto de 2025.- O delegado da Xunta en Lugo, Javier Arias, participou esta tarde no acto de homenaxe ao exfutbolista viveirense Kiko Rey, celebrado no estadio de Cantarrana no marco do partido entre o Real Madrid Castilla e o Racing de Ferrol. A Xunta de Galicia quixo sumarse a este recoñecemento público a unha figura emblemática do deporte galego, que conta coa Medalla ao Mérito Deportivo da Comunidade.

Durante o acto descubriuse unha placa co novo nome da instalación, que pasa a chamarse oficialmente Estadio Kiko Rey, como mostra do apoio unánime do pobo de Viveiro e das institucións ao legado deportivo e humano do homenaxeado.

Arias destacou a traxectoria exemplar de Kiko Rey tanto nos campos de xogo como fóra deles, e puxo en valor o compromiso da Xunta co deporte galego e co recoñecemento das persoas que representan os seus valores.