Burela vivirá unha fin de semana de música co Osa do Mar

Burela, 1 de setembro de 2025. O deputado de Mocidade Daniel García participou este venres na presentación do cartel do Osa do Mar de Burela, que e celebrará do 5 ao 7 de setembro en Burela coa colaboración da Vicepresidencia da Deputación de Lugo, entre outros patrocinadores públicos e privados.

Diego Campo e Marcos Gueimunde, da Asociación Fanto Fantini, debullaron no acto organizado na nave de Produart o programa por días do festival, que reunirá unha vintena de bandas e artistas do panorama galego e estatal.

Na súa intervención, Daniel García referiuse ao Osa do Mar como “un festival que estivo sempre á vangarda e que é un referente para outros festivais que foron xurdindo ao longo destes anos na provincia” e destacou “a implicación e o compromiso da organización con Burela e coas súas sinais de identidade, que fai que o festival se viva con felicidade na vila”.

O responsable provincial ratificou “o apoio ao Osa do Mar, co que se colaborou desde a primeira edición” e incidíu na aposta da Vicepresidencia da Deputación polos festivais que nacen do tecido asociativo e que ofrecen escenarios para bandas galegas e emerxentes, que tiveron un papel chave na puxanza e no recoñecemento actual dos artistas e bandas galegas”