O delegado territorial de Lugo, Javier Arias, explicou que esta semana rematan os traballos nos últimos 12,6 quilómetros que quedaban entre Xustás e Moncelos, aos que se destinaron 1,5M€
Cospeito, 17 de setembro de 2025. A Xunta de Galicia culmina esta semana a rehabilitación do firme en todo o trazado da estrada autonómica LU-113 ao finalizar os traballos no último tramo que quedaba pendente, 12,6 quilómetros entre Xustás (Cospeito) e Moncelos (Abadín).
O delegado territorial de Lugo, Javier Arias, comprobou hoxe o resultado das obras e explicou que só resta o repintado dalgunhas marcas viarias que se acometen estes días. Subliñou que a Consellería de Vivenda e Planificación de Infraestruturas leva investidos máis de 5,5 millóns de euros nas últimas catro anualidades para completar o acondicionamento da vía, dos que 1,5 millóns corresponden á intervención actual.
Arias destacou que a LU-113, con algo máis de 30 quilómetros, é unha das principais conexións da provincia coa cornixa cantábrica, enlazando a estrada N-640 en Rozas (Castro de Rei) coa autovía A-8 en Abadín. Procedeuse á reparación do firme, aplicación dunha nova capa de rodadura e renovación da sinalización en toda a súa extensión.
“A Xunta -afirmou o delegado- inviste na conservación das estradas da súa titularidade para ofrecer aos usuarios as mellores condicións de confort e seguridade”. Ao respecto, engadiu que este ano destínanse 68 millóns de euros a este fin.
O Dúo Eclipse será o encargado de poñer a música nunha nova tarde-noite chea de ritmo, baile e bo ambiente no Guateque de Arruguiñas. A cita é este sábado, 28 de febreiro na Casa do Mar de San Cibrao ás 19:30 h. Ademais, o alumnado de 2º de Bacharelato, en colaboración coa Oficina de Voluntariado Xuvenil, ofrecerá bingo e chocolate para completar a festa. O evento conta tamén coa colaboración da Asociación de Xubilados Terramar.
O Restaurante Oviedo-2 será o encargado de elaborar o caldo, o compango e as filloas de sobremesa. O acto incluirá tamén lectura de poemas e música, coa participación de Eli García-Bouso, que interpretará algunhas pezas inspiradas en Rosalía de Castro. O prezo do xantar será de 15 euros para socios/as e 20 euros para non socios/as. As persoas interesadas poden inscribirse enviando un correo a agrupacionfranciscolanza@gmail.com ou mediante unha mensaxe de WhatsApp ao 699 809 606.
Neste espazo radiofónico, de 12 a 14 horas, Félix Jorquera falará coa directora do IES de Foz, Leticia Maseda, co coordinador do evento, José Ríos, así como con alumnado e profesorado participante e moi implicado nos Campionatos Internacionais de Baristas e Catas de Café, que estes días enchen Foz de xente e de aroma cafeteiro.
Os propietarios, Javier Montero e Tita Iglesias, recolleron o recoñecemento na Coruña, agradecendo o apoio da clientela, do seu equipo —formado integramente por mulleres— e da propia guía. O establecemento mantén esta recomendación desde 2021 e suma tamén un Sol Repsol, obtido en 2024 e renovado para 2026. O hotel restaurante Javier Montero abriu as súas portas en novembro de 2018.
Unha comedia orientada para público adulto dirixida por Cándido Pazó. Hora: 20.30. Sipnose: 1880, Curros Enríquez é denunciado polo bispo de Ourense por uns poemas do seu libro Aires da miña terra, un dos piares do Rexurdimento Galego. A pesar da opinión contraria do fiscal, un xuíz dá curso á denuncia e o célebre escritor é procesado e condenado.
A xornada comezou cun aperitivo no bar O Colorado, onde os socios se reuniron para o tradicional brinde previo ao xantar. O encontro continuou no Restaurante Asturias nun ambiente de fraternidade, gozando dun cocido digno de exaltación e dunha longa sobremesa. Durante a velada, os asistentes compartiron lembranzas e falaron das actividades que a asociación prepara para o futuro, nun ano no que Os Cacholeiros se achegan ao seu 35º aniversario. A entidade aproveita esta celebración para reivindicar unha vez máis os pratos tradicionais, elaborados con produtos locais e de tempada, e o labor dos establecementos hostaleiros do concello e da comarca.
