Cun 3-0 no marcador ao descanso, o conxunto laranxa logra a remontada durante a segunda parte
Burela, 20 de setembro. Estrea da tempada 25/26 da 2ª División de Fútbol Sala que comeza cun bonito encontro entre dous rivais que se coñecen moi ben as caras. O CD Burela FS viaxou a Zaragoza para enfrontarse ao Wanapix, ás 19.00h desta tarde no pavillón S.XXI, equipo co que os laranxas de David Rial se levan enfrontando en ambas categorías, playoff e incluso nalgunha pretempada, dende que chegou na tempada 2022/2023. Primeira parte para o Wanapix e segunda parte para o Burela, que se foi ao descanso cun 3-0 e logrou remontar durante os últimos 20 minutos cun resultado final 3-3.
Comeza o encontro con dúas ocasións do Burela pero xa no minuto 3 Kike Liao logra o 1-0 tras rematar dende a área un balón que se lle escapa a Starna a pase de Augusto tras unha boa carreira pola banda. Parada espectacular de Starna no minuto 8 salvando un balón que case entra xunto ao pau. O Burela tamén tivo a ocasión nos pés de Jason, repelida por Iván Bernad. No minuto 14 Adri Ortega anota o segundo fusilando a portería nun saque de falta directo. Puido acortar distancias Pitero tras una perda perigosa, pero foi o Wanapix o que volveu a marcar, de novo por medio de Kike Liao, cunha punteira dende a banda esquerda que se colou polo pau corto. Antes do descanso buscou o conxunto galego cambiar o ritmo do partido co xogo de cinco, pero o conxunto aragonés aguantou eses dous últimos minutos indo ao intermedio con tres goles de vantaxe.
Séntalle ben o descanso ao Burela que lle da a volta ao partido nesta segunda parte. Propón o xogo de cinco co porteiro Joao Silva subindo constantemente, o que incomoda aos locales e alenta ao conxunto burelense. Pitero logra acortar distancias aproveitando un rexeite de Iván Bernad tras un forte disparo de Marquinho e posteriormente continúan apretando os de David Rial con outra ocasión de Charly nun man a man co meta aragonés. Tras ocasións de Ortego, Raúl López e Izan chega o punto de inflexión. Brasesco é expulsado por dobre amarela e, cando xusto se remataban os dous minutos de inferioridade, Marquinho logra o 3-2 que anota sen porteiro cun balón ao segundo pau. Nos minutos finais o Burela pon a guinda co xogo de cinco, cun gol de Izan que toca nun defensor dos locais. A minuto e medio do final Marquinho ve a segunda amarela e tamén é expulsado, pero o conxunto aragonés perde a ocasión de levar os tres puntos non logrando materializar o gol, repartíndose os puntos entre dous equipos moi igualados tras un partido frenético.
Ficha Técnica Wanapix 3-3 Burela FS
Wanapix (3): Iván Bernad; Quique Hernando, Brasesco, Kike Liao, Augusto -quinteto inicial-, Raúl López, Adrián Ortego, Óscar Villanueva, Óscar Andreu, Alegre, Richi Felipe, Samuel Freire, Saúl Viñals.
Burela FS (3): Starna; Pitero, Jason, Charly Izan, -quinteto inicial-, Meira, Marqiunho, Alberto e João Silva (P)
Goles: 1-0, min. 3: Kike Liao. 2-0, min. 13: Adrián Ortego. 3-0, min.15: Kike Liao. 3-1, min.25: Pitero. 3-2, min. 36: Marquinho- 3-3, min. 38: Izan.
Árbitros: Cristian Cubero, Jorge Moreno, Richard Darío Álvarez, Nerea Camargo.
Incidencias: Viron a tarxeta amarela, por parte do Wanapix; Augusto e Iván Bernad. Por parte do Burela FS; Charly e David Rial. Dobre amarela e expulsión para Brasesco por parte do Wanapix e Marquinho por parte do Burela FS.
Estará dedicada á figura de Leopoldo Calvo-Sotelo, xa que neste 2026 cúmprese o centenario do nacemento de quen fora presidente do Goberno. No acto interviñeron o presidente do RCNR, Pablo Fernández, o director territorial de Deportes da Xunta, Manuel Otero, un dos fillos do tamén alcalde honorario de Ribadeo Víctor Calvo-Sotelo, e o rexedor ribadense, Dani Vega. Todos exaltaron a práctica deportiva na ría, a labor desenvolvida polo Real Club Náutico e a vinculación de Leopoldo Calvo-Sotelo co estuario. Entre o público asistente estaban máis membros da familia Calvo-Sotelo, directivos e ex directivos do RCNR, edís de Ribadeo e representantes de Acisa.
O grupo, composto por cinco mulleres e sete homes cunha media de 26 anos, foi recibido pola subdelegada do Goberno, Olimpia López, que lles agradeceu o compromiso co servizo público e destacou o papel esencial da Policía Nacional na seguridade cidadá. Oito axentes estarán na Comisaría de Lugo, dous en Monforte e dous en Viveiro. Ao finalizar as prácticas, escollerán destino definitivo segundo a puntuación obtida no proceso selectivo.
A iniciativa busca poñer en valor a diversidade cultural do municipio a través da gastronomía, convidando ás persoas de diferentes países a elaborar pratos típicos que se ofrecerán de forma gratuíta ao público. O Concello asumirá o custo dos ingredientes e asignará a cada participante un posto identificado co seu país de orixe. As inscricións poden realizarse ata o 29 de xullo enviando un correo a feiras@vilalba.es. Rouco chamou á participación para seguir construíndo unha Vilalba aberta e integradora, nunha feira que quere consolidarse como espazo de convivencia e dinamización da feira tradicional.
Ata o 4 de agosto poderán realizarse as renovacións, mantendo as tarifas aprobadas en asemblea: 200 € e 250 € para adultos, e acceso gratuíto para menores grazas ao convenio coa Fundación Imdecum, con opción voluntaria de abono infantil por 40 € con reserva de asento. A partir do 5 de agosto activaranse as novas altas. Os abonos poderán tramitarse a través de CLUBER ou presencialmente na oficina do club, con horario de mañá e tarde en xullo e só de mañá en agosto.
A Presidenta Carmela López destacou o valor deste produto emblemático da Mariña e o traballo do sector pesqueiro. Rocío Rivera e Herminia Pernas puxeron en valor a tradición mariñeira de Burela e o papel dos mariñeiros da Moncloa. O público degustou 450 tapas elaboradas con bonito nunha xornada que serviu de escaparate desta cita gastronómica e de convite a visitar Burela a próxima fin de semana.
As crianzas desfrutaron dunha refrescante xornada con inchables e xogos acuáticos na contorna do complexo deportivo da Veiga.
Trátase dunha mostra de 28 fotografías de gran formato do naturalista Ezequiel Martínez que reivindica a diversidade e a conservación da fauna salvaxe. A iniciativa, organizada polo Concello da Pastoriza en colaboración con ABANCA e Afundación dentro do proxecto Corrente cultural, poderá visitarse de balde ata o 26 de agosto. As imaxes, acompañadas de textos divulgativos elaborados por especialistas de Naturnova, amosan especies emblemáticas como o oso pardo, a cegoña, o cervo ou a aguia imperial, convidando a reflexionar sobre a importancia de protexer o patrimonio natural.
