O Burela non logra sobrepoñerse a un Guadalcacín que foi superior durante todo o partido, salvo nos dez últimos minutos
Burela, 20 de setembro. Segundo encontro en Vista Alegre entre o CD Burela FS e o Guadalcacín FSF hoxe ás 18.30h, no que, debido ao mermado plantel coas ausencias de Gabi e Silvia Rubal, foron convocadas dúas xogadoras xuvenís, Fátima e Antía. Un Burela que loitou os tres puntos pero non logrou vencer a un Guadalcacín bastante reforzado que se mostrou superior durante todo o encontro salvo nos últimos 10 minutos nos que o Burela logra facerse ver anotando un gol e con varias ocasións que non lograron materializarse. Preocupación nunha torcedura de nocello de Cris Blanco que ten que ser retirada da pista durante a segunda parte e que esperamos que se quede nun susto.
Arranca o partido atacando o Guadalcacín sen lograr tirar a porta e no minuto 4 a primeira ocasión para o Burela cun disparo de Sandra que atrapa Sandra Buzón non permitindo o remato de Laura Barranco. Salvaa co pé a mesma Laura nun disparo de Delia no minuto 6 e posteriormente, Ana Eliza nun disparo cruzado de Elena Aragón e noutra ocasión similar protagonizada por Lora. Tras un peligrosísimo pau de Ame Romero nun disparo dende o borde da área chega o primeiro das visitantes tras unha recuperación nun saque de banda, cun disparo frontal de Lora que se coa xunto ao pau. Chega o segundo, de novo da man de Lora nunha boa combinación na área.
Na segunda parte continúa impoñéndose o Guadalcacín anotando o terceiro xa aos tres minutos, cun disparo de Rocío Molina dende os 5 metros, un balón que se lle escapa a Ana Eliza das mans tras un saque de banda. Pouco despois chega o cuarto, tamén por parte de Rocío Molina, que regatea á porteira brasileira na área tras unha boa transición. No minuto 30 espabila o Burela cunha primeira ocasión de Lara que case chega rematar un balón que acaba saíndo polo fondo da pista, pouco antes de lanzala ao traveseiro Sydorenko nun disparo frontal que puido ser a ocasión máis clara das burelenses en todo o encontro. Por fin chega o primeiro tanto das locais nunha boa combinación entre Laura Barranco, que a recupera no medio da pista, con Sydorenko e que finaliza Lara rematando dende a área.
Ficha Técnica Burela FS 1-4 Guadalcacín FSF
Burela FS (1): Ana Eliza (C); Cris Blanco, Sandra, Lara, Irene -quinteto inicial-, Laura Barranco, Sydorenko, Marina.
Guadalcacín FSF (4): Sandra Buzón; Lora, Ame Romero, Jussara, Laura Dávila -quinteto inicial-, Elena Aragón, Delia (C), Rocío Molina, María López.
Goles: 0-1, min. 12: Lora. 0-2, min. 18: Lora. 0-3, min. 23: Rocío Molina. 0-4, min. 27; Rocío Molina. 1-4, min. 37: Lara.
Árbitros: Paula Álvarez, Borja Darriba e Eva López.
Incidencias: Viron tarxeta amarela, por parte das locais, Lara e por parte das visitantes, Rocío Molina.
Ás 16 horas deste mércores, o 112 Galicia tivo constancia dunha saída de vía a través do sistema de aviso e-Call do vehículo accidentado. Ocorreu no quilómetro 6 da LU-861, á altura de Santaballa. O propio implicado explicou nese momento que precisaba axuda para saír do vehículo. Nada máis ter constancia, os xestores do 112 Galicia solicitaron a acción de Urxencias Sanitarias de Galicia-061, Garda Civil de Tráfico, Bombeiros de Vilalba e servizos de mantemento da estrada. Os bombeiros axudaron a retirar á persoa do vehículo, mais non foi necesario excarcerar.
O centro conta con espazos para forza, cardio, adestramento funcional e alta intensidade, ademais de propostas acuáticas, ciclo indoor, pilates e programas Les Mills. Dispón tamén dunha área de relax con baño de vapor, duchas especiais e hidromasaxe. O director, Javier Canel, destaca que o obxectivo é ofrecer alternativas para que cada persoa atope o tipo de exercicio que mellor se adapte ás súas necesidades. En setembro, o centro ofrece unha proba gratuíta de tres días e matrícula de balde para novas inscricións.
A partir das 12:00 horas poranse á venda 10.000 abonos ao prezo mínimo garantido, dispoñibles exclusivamente na web oficial do festival. Os prezos serán de 195 € para o abono normal e 295 € para o Pandemonium, con opción de incluír camiseta. A organización recomenda acceder puntualmente á cola virtual e lembra que as entradas deben adquirirse só por canles oficiais para evitar falsificacións. O Resurrection Fest volverá reunir miles de asistentes en Viveiro nunha das grandes citas musicais do verán.
O programa inclúe unha actuación vermú de A Requinta de Lampai ás 14:00, un obradoiro de baile tradicional ás 17:30, os cantos de taberna polos bares a partir das 20:00, pinchos para os grupos participantes ás 22:30 e unha foliada aberta ás 23:30. Os grupos interesados poden inscribirse no 605582624.
A xornada incluirá feira de artesanía desde as 11:30, inauguración ás 12:30 e xantar popular ás 14:45, con tickets dispoñibles ata o 9 de setembro. Haberá showcookings, degustacións, pasarrúas, xogos tradicionais, concentración de Vespas e demostracións de oficios. A organización espera repetir o éxito da última edición, na que se serviron uns 800 pratos.
O delegado territorial da Xunta en Lugo participou este martes nos actos programados con motivo da festividade da Patroa de Ribadeo, Santa María do Campo.
Destacou o apoio da Deputación ao sector primario a través da Granxa Gayoso Castro, centro de referencia en recría, formación e innovación. O evento, organizado pola Asociación Pura Raza Cabalo Galego, incluíu o concurso morfolóxico de distintas categorías —ponis, cabalos do país, cruzados, percheróns, Pura Raza Galega e andadura serrada e chapeada— e unha exhibición de doma de alta escola con eguas de pura raza galega.
