Lourenzá, 26 de setembro de 2025. A programación da XXXIII Festa da Faba de Lourenzá, que se celebrará do venres 3 ao domingo 5 de outubro, inclúe actividades como degustacións e venda de fabas o sábado e o domingo, exposicións e demostracións de artesáns, showcookings, cata de viño, concentración de vehículos clásicos e varias actuacións musicais.
Os actos do programa comezarán o venres ás 19:30 horas no Claustro do Mosteiro de San Salvador coa presentación do libro titulado A Faba e Nós, de Alberto V. Serantes. No mesmo lugar ás 20:30 horas haberá unha cata de viño comentada a cargo da adega Melillas e fillos (D.O. Valdeorras); e ás 21:00 horas actuará o grupo Mar Aberto, de Foz. As actividades desta xornada rematarán cunha verbena, na que actuará o dúo Belinda e a discoteca móbil The Sound Project; será no Campo dos Bolos desde as 22:30 horas.
O sábado ás 11:00 horas abrirán as casetas dos fabeiros na Praza do Conde Santo e o stand institucional do Concello de A Fonsagrada; empezarán as demostracións e exposicións de artesáns e alimentación nas prazas e rúas da vila; a feira exposición de automoción e vehículos agrícolas no Cantón; e a XI Vespafaba & Clásicos na rúa Fernández del Riego. Tamén desde as 11:00 horas haberá pasarrúas con Souto Ximaro.
As actividades do sábado continuará ás 12:00 horas co pregón a cargo de Pepe Peinó na Praza do Conde Santo. Ás 12:30 horas terá lugar un showcooking a cargo do cociñeiro Andrés Torreiros na Praza Linares Rivas. Ás 13:30 horas haberá sesión vermú coa orquestra Alianza, no Campo dos Bolos, onde ás 13:30 horas comezará a degustación popular da Faba de Lourenzá, con viños da adega Melillas e fillos (D.O. Valdeorras) e café por cortesía do departamento de Hostalería do IES de Foz; ás 16:00 horas empezará un pasarrúas da charanga Mekánica Rolling Band; ás 17:00 horas terá lugar na Praza Linares Rivas un obradoiro infantil de cociña, a cargo de A Morena, para elaborar fajitas con fabas; ás 19:00 horas actuará o grupo Tiruleque no Claustro; e desde as 22:30 horas haberá verbena coa actuación da orquestra Alianza, o cantante laurentino Jonydasvie e The Sound Project, no Campo dos Bolos.
E o domingo ás 8:00 horas abrirá o mercado de fabas ao por maior no mercado comarcal; desde as 10:00 horas estarán abertas as casetas dos fabeiros na Praza do Conde Santo; ás 11:00 horas retomaranse as actividades da XI Vespafaba & Clásicos na rúa Fernández del Riego e comezará un pasarrúas da charanga BB+; ás 11:30 horas haberá un showcooking a cargo do cociñeiro Andrés Torreiro na Praza Linares Rivas, onde ás 13:00 horas terá lugar o Faba Bingo; ás 13:30 horas empezará unha sesión vermú co grupo La Tremenda, no Campo dos Bolos, onde desde as 13:30 horas terá lugar a degustación popular da Faba de Lourenzá, con viños da adega Melillas e fillos (D.O. Valdeorras) e café por cortesía do departamento de Hostalería do IES de Foz; ás 17:00 horas haberá un obradoiro infantil de cociña a cargo de A Morena, para elaborar galletas con chocolate, na Praza Linares Rivas; e ás 18:30 horas comezará un festival folclórico, coa Asociación Cultural Osorio Gutiérrez e S.C.R. Ledicia, de Burela, no Claustro, onde tamén será o acto de clausura da XXXIII Festa da Faba.
Ademais nos bares da vila serviranse tapas elaboradas con fabas de Lourenzá e durante o sábado e o domingo un tren turístico levará aos veciños e visitantes a percorrer a Ruta das Fabas.
A organización da Festa de Faba tamén anuncia que de 18:00 a 19:00 haberá hora silenciosa, na que “as atraccións infantís funcionarán sen son para que as persoas do espectro autista ou aquelas cunha grande sensibilidade a certos sons tamén poidan disfrutar desta festa”.
O grupo, composto por cinco mulleres e sete homes cunha media de 26 anos, foi recibido pola subdelegada do Goberno, Olimpia López, que lles agradeceu o compromiso co servizo público e destacou o papel esencial da Policía Nacional na seguridade cidadá. Oito axentes estarán na Comisaría de Lugo, dous en Monforte e dous en Viveiro. Ao finalizar as prácticas, escollerán destino definitivo segundo a puntuación obtida no proceso selectivo.
A iniciativa busca poñer en valor a diversidade cultural do municipio a través da gastronomía, convidando ás persoas de diferentes países a elaborar pratos típicos que se ofrecerán de forma gratuíta ao público. O Concello asumirá o custo dos ingredientes e asignará a cada participante un posto identificado co seu país de orixe. As inscricións poden realizarse ata o 29 de xullo enviando un correo a feiras@vilalba.es. Rouco chamou á participación para seguir construíndo unha Vilalba aberta e integradora, nunha feira que quere consolidarse como espazo de convivencia e dinamización da feira tradicional.
Ata o 4 de agosto poderán realizarse as renovacións, mantendo as tarifas aprobadas en asemblea: 200 € e 250 € para adultos, e acceso gratuíto para menores grazas ao convenio coa Fundación Imdecum, con opción voluntaria de abono infantil por 40 € con reserva de asento. A partir do 5 de agosto activaranse as novas altas. Os abonos poderán tramitarse a través de CLUBER ou presencialmente na oficina do club, con horario de mañá e tarde en xullo e só de mañá en agosto.
A Presidenta Carmela López destacou o valor deste produto emblemático da Mariña e o traballo do sector pesqueiro. Rocío Rivera e Herminia Pernas puxeron en valor a tradición mariñeira de Burela e o papel dos mariñeiros da Moncloa. O público degustou 450 tapas elaboradas con bonito nunha xornada que serviu de escaparate desta cita gastronómica e de convite a visitar Burela a próxima fin de semana.
As crianzas desfrutaron dunha refrescante xornada con inchables e xogos acuáticos na contorna do complexo deportivo da Veiga.
Trátase dunha mostra de 28 fotografías de gran formato do naturalista Ezequiel Martínez que reivindica a diversidade e a conservación da fauna salvaxe. A iniciativa, organizada polo Concello da Pastoriza en colaboración con ABANCA e Afundación dentro do proxecto Corrente cultural, poderá visitarse de balde ata o 26 de agosto. As imaxes, acompañadas de textos divulgativos elaborados por especialistas de Naturnova, amosan especies emblemáticas como o oso pardo, a cegoña, o cervo ou a aguia imperial, convidando a reflexionar sobre a importancia de protexer o patrimonio natural.
O campo de fútbol do Cascabeiro acolleu o pasado sábado a III Festa do Mexillón, organizada polo Celta Barreiros. Centos de persoas achegáronse a gozar dunha tarde de gastronomía e de música. En total foron servidas 670 racións entre veciñanza e visitantes, que saborearon mexillóns e lacón. Os organizadores amosasen satisfeitos da acollida: “estamos contentos pola boa resposta dos asistentes”. E tiveron palabras de agradecemento “para os Concellos de Barreiros e de Foz pola boa colaboración”.
