O PP veta a proposta do BNG de negar todo tipo de financiamento público para a instalación de Altri

Carme da Silva: “Non se trata dun expediente administrativo, trátase de amosar a posición política e debe ser rotunda en contra de Altri”

Madrid, 16 de setembro de 2025. A iniciativa do BNG para reclamar que o Goberno do Estado non destine “nin un só euro” de fondos públicos para a instalación dunha macrocelulosa no corazón da Galiza foi vetada pola maioría absoluta do Partido Popular no Senado. A senadora do BNG, Carme da Silva, denuncia a posición dos populares que, no canto de defender os intereses dos galegos e galegas, están a actuar como comerciais de Altri e sinala que “non se trata dun expediente administrativo” senón de “amosar a posición política” que “debe ser rotunda en contra de Altri”.

Nova oportunidade para reconsiderar posturas e “escoitar o clamor da sociedade galega”

A senadora nacionalista chamou ao resto de forzas políticas a recapacitar e reconsiderar a súa postura en relación á instalación da macrocelulosa que Altri quere instalar no corazón da Galiza. “Non se trata dun expediente administrativo, do que se trata é de amosar a posición política e debe ser clara: que Altri non reciba recursos públicos que lle permita levar a cabo este atentado ambiental” enfatiza Carme da Silva durante a súa intervención.

Neste sentido, Carme sinalou que o Goberno galego do Partido Popular está “actuando como comercial da empresa no canto de exercer como defensor e garante dos dereitos da sociedade galega”. Do mesmo xeito, continuou, débese abandonar toda ambigüidade, rectificar a súa postura e rexeitar que Altri reciba recursos públicos. “Hai unanimidade na sociedade galega. Hai que escoitar o clamor da sociedade e non conceder fondos públicos para que se instale o macroproxecto de Altri no corazón da Galiza” asevera.

Incompatibilidade co medio: o verán como proba

“Este verán, a Galiza padeceu unha vaga de lumes que aínda continúa co incendio de Barreiros. Estes lumes que arrasaron o noso país evidencia a necesidade dun xiro radical na política rural, territorial e forestal. Altri redundaría nesta política de forestal ao basearse na plantación de eucalipto e a súa transformación en pasta de papel” sinala a senadora do BNG durante a defensa da moción. Deste xeito, ampliaría e aumentaría agravaría o problema da eucaliptización que existe na Galiza e agravaría o problema dunha “política forestal pirófita que provoca que ano tras ano haxa incendios”.

Do mesmo xeito, a instalación desta macrocelulosa -subliña da Silva- provocaría un maior abandono do sector agrogandeiro polo que “iría radicalmente en contra do que hipocritamente di defender o Partido Popular, que é o asentamento de poboación no rural e a defensa do sector pesqueiro e marisqueiro”.

Outro feito que pon de manifesto a incompatibilidade da instalación desta macrocelulosa na Galiza coa necesidade de captación de auga que tería. “O embalse de Porto de Mouros, este verán, estaba a 39% de capacidade. As sequías recorrentes e o turbinado poñen de manifesto que é un auténtico disparate que se execute a instalación desta fábrica” afirma a senadora do punto de vista ambiental.