O Congreso será inaugurado este xoves ás 17:30 horas, no Salón dos Chaos, pola Deputada de Réxime Interior, Promoción do Territorio e Turismo e o Alcalde da Fonsagrada
Lugo, 17 de setembro de 2025. O Presidente da Deputación de Lugo, José Tomé Roca, recibiu este mércores no Pazo de San Marcos aos representantes do I Congreso de Turismo de Embalses de España, entre eles o Presidente de FEMEMBALSES, Luis Fernando García Nicolás, a Secretaria Xeral da entidade, Maite BardajíLanau, e alcaldes e alcaldesas de concellos con encoros de toda España.
Tomé Roca deulles a benvida á provincia e mantivo unha reunión cos participantes do foro, no que se abordará entre mañá e o venres na Fonsagrada o aproveitamento das augas de interior como motor turístico, no marco do proxecto TUREMBALSES do que forma parte a institución provincial.“É un pracer dar a benvida á provincia de Lugo a este congreso pioneiro, que pon o foco nun recurso con enorme potencial turístico como son os encoros”, subliñou.
O Presidente subliñou ademais que a provincia aposta por un modelo de turismo sostible, equilibrado e desestacionalizado, que xere riqueza e emprego de calidade no conxunto do territorio. Afirmou que “estamos convencidos de que unha xestión intelixente do turismo é un motor de desenvolvemento para o rural, que contribúe á cohesión territorial e a frear as dinámicas demográficas negativas”. Así mesmo, lembrou que a oferta turística da provincia de Lugo “sempre estivo vinculada á auga: a costa da Mariña, os ríos, lagos e encoros, as illas fluviais do Miño ou o éxito das rutas en catamarán pola Ribeira Sacra”.
“Buscamos un turismo que combine patrimonio cultural, histórico e natural; adaptado a diferentes perfís de visitantes e accesible a todos os orzamentos. Apostamos pola calidade porque queremos que quen nos visita queira volver”, engadiu o mandatario provincial.
Durante o encontro, o mandatario provincial entregou aos participantes folletos de promoción turística da provincia e un paraugas institucional.
A Fonsagrada, escenario do foro
O I Congreso de Turismo de Embalses arrincará este xoves ás 17:30 horas na Fonsagrada coa inauguración a cargo da Deputada de Réxime Interior, Promoción do Territorio e Turismo, Pilar García Porto, o Alcalde e Deputado provincial, Carlos López López, e a Subdirectora Xeral de Desenvolvementoe Sostenibilidade Turística da Secretaría de Estado de Turismo do Goberno de España, Ilona Shekyants Kazaryan.
O encontro reunirá a expertos, institucións, empresas e entidades sociais para poñer en valor os encoros como recursos estratéxicos para un turismo sostible, innovador e competitivo no medio rural. Na cita, abordaranse cuestións clave como a potencialidade do turismo de embalses, gobernanza e xestión sostible dos encoros como recurso turístico, dixitalización e calidade da oferta, oportunidades de negocio e cooperación entre territorios, e retos e oportunidades.
O proxecto TUREMBALSES está impulsado polas Deputacións de Cáceres, Lugo e Badajoz, FEMEMBALSES, a ADI Sierra Oeste de Madrid, a Mancomunidade Valle Norte do Lozoya e a Asociación Navarra Tierras de Iranzu, co obxectivo de posicionar as augas de interior como destinos turísticos sostibles e motores de desenvolvemento rural en España. Da Federación de Asociacións e Municipios con Centrais Hidroeléctricas e Embalses (FEMEMBALSES) hai 530 asociados de toda España. Na provincia de Lugo están integrados 12 concellos, que son: A Fonsagrada, Negueira de Muñiz, Pantón, Paradela, Portomarín, Quiroga, Ribas de Sil, Sober, O Páramo, O Saviñao, Guntín e Taboada.
As crianzas desfrutaron dunha refrescante xornada con inchables e xogos acuáticos na contorna do complexo deportivo da Veiga.
O campo de fútbol do Cascabeiro acolleu o pasado sábado a III Festa do Mexillón, organizada polo Celta Barreiros. Centos de persoas achegáronse a gozar dunha tarde de gastronomía e de música. En total foron servidas 670 racións entre veciñanza e visitantes, que saborearon mexillóns e lacón. Os organizadores amosasen satisfeitos da acollida: “estamos contentos pola boa resposta dos asistentes”. E tiveron palabras de agradecemento “para os Concellos de Barreiros e de Foz pola boa colaboración”.
Familias, amizades e persoas de todas as idades viviron cada xogada e cada aplauso, evidenciando que o fútbol é tamén unha oportunidade para fortalecer a convivencia e a unión da veciñanza. O municipio felicitou á Selección Española polo seu título mundial, un éxito histórico que fixo vibrar a toda a comunidade.
O acto está organizado pola Asociación de Irmandade Locudy, nunha proposta cultural que pon o foco na relación entre Galicia e Bretaña a través da figura de Castelao.
Era o único ocupante do vehículo. O 112 Galicia tivo coñecemento do accidente uns minutos despois das 10:00 horas deste domingo. Segundo indicou un particular, un coche caera por un desnivel duns 20 metros no quilómetro 2 da LU-P-6104. Desde a Sala de Operacións do 112 Galicia informouse ao Servizo de Urxencias Sanitarias de Galicia-061, aos Bombeiros de Barreiros, á Garda Civil de Tráfico e á Agrupación de Voluntarios de Protección Civil de Trabada. Unha vez no punto, os servizos de emerxencias indicaron que había unha persoa falecida, único ocupante do vehículo, sen que nada se puidera facer por salvarlle a vida.
A cita, consolidada como un referente do verán cultural no municipio, reuniu na Praza dos Campos á formación anfitriona do encontro, a Agrupación La Sidrina, de Lugones (Asturias) e o Grupo Folklórico Estampas de México. A programación continuou o sábado coa celebración do Festival Folklórico Infantil. Villares puxo en valor o labor que o grupo Mistura desenvolve durante todo o ano na conservación e difusión do patrimonio cultural galego, así como a importancia de iniciativas coma este festival “para manter vivas as tradicións e dinamizar a vida social e cultural dos nosos concellos”.
A eucaristía, un dos actos centrais das festas patronais de Foz, continuou coa tradicional procesión e coa ofrenda floral en memoria das persoas falecidas no mar. A mandataria provincial formou parte da comitiva xunto a numerosos veciños e veciñas, visitantes, membros da corporación municipal e a pregoeira desta edición, María Nelle Castro Neira, focense moi vinculada ás festas desde a infancia.
