Ribadeo, 24 de setembro de 2025. Ribadeo supera as 10.050 persoas censadas no municipio. O alcalde, Dani Vega, subliña que esta é unha vila chea de oportunidades.
O rexedor declarou que “Ribadeo sigue avanzando. Gañamos en poboación. Xa somos máis de 10.050 veciñas e veciños que estamos censados en Ribadeo. E polo tanto, Ribadeo convértese nesa vila que avanza, nesa vila chea de oportunidades. Estamos satisfeitos co dato, pero moi esixentes no día a día e seguir traballando e seguir xestionando para que Ribadeo non pare, senón todo contrario que Ribadeo avance”.
Vega aludiu ás oportunidades desde un punto de vista laboral: “con novas empresas, con empresas que seguen apostando polo relevo xeracional ou empresas que se traspasan, pero en definitiva durante estes 2 anos máis de 40 empresas se crearon e seguen en Ribadeo. Desde un punto de vista laboral, tamén a baixada de prezo do polígono industrial, agora está a 35 euros o m², polo tanto competitivo, xa hai 3 empresas que firmaron para constituír e crear a súa empresa aquí e cinco mais en procesos de negociación. Tamén agradecer a SEPES todo o traballo que fixo co Concello e seguir apostando por un pobo cheo de oportunidades desde un punto de vista laboral”.
O alcalde indicou que “Ribadeo avanza tamén nun sistema educativo, nun sistema que hai que agradecer tanto aos institutos como á formación profesional, tanto ao Porta da Auga como a Pedro Murias, que seguimos crecendo en novos ciclos formativos, o instituto todo o traballo que fai, os dous colexios tanto o concertado como o público, que agora tamén vamos investir en melloras no entorno do colexio público, con ese novo cerre perimetral, coa escola de idiomas e coa escola infantil. Creo que hai unha chea de oportunidades desde un punto de vista educativo, que poucas vilas poden dicir o mesmo”.
Dani Vega fixo referencia á mellora no sistema sanitario: “seguimos esixindo e a Xunta neste momento está cumprindo cun servizo sanitario que está atendendo a todas as persoas. E nosoutros vamos ser moi exixentes e por iso dentro de pouco xa firmaremos o convenio coa Xunta de Galicia para entregar os terreos para ter un novo centro de saúde”.
E engadiu: “tamén somos conscientes de que Ribadeo sigue cun dinamismo, cunha vida cultural, cun dinamismo asociativo, cun pobo que é un referente no mundo do deporte. Acabamos de ser, por segunda vez, premiados coa mellor xestión deportiva de todo Galicia.
Tamén ese dinamismo contribúe a que moitas familias veñan aquí, porque os seus fillas e as súas fillas poden ter oportunidades desde un punto de vista da actividade deportiva. Nestes momentos estamos investindo e mellorando o pavillón ou en breve o de Cubelas, tamén estamos traballando para xestionar un campo de herba artificial e seguir mellorando todas as instalacións deportivas, tamén actuando desde un punto de vista da conservación dos edificios”.
Dani Vega cre que “Ribadeo está cheo de oportunidades e hai un dinamismo na vida para as persoas con mais idade. Temos un centro social, un centro de día, dúas residencias, unha feita e acabamos de facer toda unha reforma pintando os espazos internos e dotando de equipamento como camas cota cero e acabando xa a primeira fase da obra da residencia hospital asilo. Agora xa vamos licitar o que ven sendo a cociña, o que ven sendo a lavandería e rapidamente tamén o equipamento. Tamén temos moitas actividades. Creo que poucos pobos poden ter tantas actividades como ten Ribadeo hoxe, actividades para todas as persoas, como todas as actividades que se fan en Preto de Ti, traballando a saúde mental, a ximnasia, en definitiva, toda unha chea de actividades que nos converten nun referente desde un punto de vista do benestar social, do benestar das persoas”.
O alcalde recalcou: “Ribadeo ábrese constantemente para que todo o mundo poida ter unha oportunidade aquí, acollemos a todas as persoas cos brazos abertos e dicir alto e claro
que Ribadeo sigue avanzando e a moi bo paso”.
Dez minutos antes das 21:30 horas do xoves, o 112 Galicia foi informado polo persoal de Adif dun tren detido no medio dun túnel en Mogor, Mañón, debido a unha chapa metálica no medio da vía. Así, aínda que as doce persoas que viaxaban a bordo estaban ilesas, precisaban medios de rescate para baixalas do convoi e desprazalas ata o apeadeiro máis próximo. Nestas tarefas colaboraron a Garda Civil, os Bombeiros do Eume, o GES de Ortigueira e os voluntarios de Protección Civil de Mañón. Finalmente, as persoas foron rescatadas e evacuadas a outro tren, que as levou ata o apeadeiro sen maiores complicacións. Desde alí, continuaron a súa viaxe en taxi.
Competirán durante tres días xunto a outras dezaseis escolas de todo o mundo, elaborando catro propostas de pizza: Polbo á galega, con polbo galego, queixo San Simón e allada picante; Bosque galego, con crema de castañas e mel picante; Terra meiga, con zorza picante; e Rapadoira, con setas, queixo azul e pera. As estudantes viaxan acompañadas pola súa profesora, Conchi Carreiras, coa que levan tempo preparando as receitas. Esta é a terceira participación do IES de Foz neste certame, no que xa acadaron un segundo posto en edicións anteriores. A actividade forma parte do programa Erasmus+ da FP, financiado pola Unión Europea, que facilita a participación do alumnado en competicións de habilidades profesionais por toda Europa.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
Ás 15:15 horas deste martes, un particular solicitou asistencia sanitaria tras a caída dun raio no lugar de Castro de Igrexa (Cazás, Xermade). Varias persoas sentiron os efectos da descarga eléctrica e unha delas quedou atolada. Tras dar aviso ao Servizo de Urxencias Sanitarias de Galicia-061, Garda Civil e Protección Civil, a persoa afectada foi evacuada consciente ao Hospital Universitario Lucus Augusti.
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas.
Co sol ocultándose e a lúa asomando entre as torres de Donlebún, o músico e divulgador reivindicou o poder evocador e transformador do bravú fronte á morriña paralizante. Na sala de lectura da biblioteca, Souto explicou a evolución do rock bravú no imaxinario galego, evocando as músicas populares que acompañaron durante décadas os remolques dos pascualiños e os labores comunitarios, e lembrando a vitalidade de grupos como Skornabois, Diplomáticos de Monte Alto, Xenreira, Zënzar, Pinto de Herbón ou os Rastreiros. A boa lembranza da súa anterior visita levou ao artista a pechar a velada interpretando o “Himno de Ribadeo”, composto por Arturo Mogo, nun final cheo de afecto pola vila e pola súa identidade cultural.
A viaxe, enmarcada no proxecto «Relevo Xeracional: O Futuro do Mar» e organizada en colaboración co GALP Itsas Garapen Elkartea, permitiu achegarse a iniciativas como Kofradia Basque Seafood, a Escola de Pesca de Ondarroa, AZTI, Albaola ou o Itsas Museo de Donosti, así como a proxectos vinculados directamente á actividade pesqueira e á divulgación, incluíndo o uso de realidade virtual. O intercambio con Euskadi permitiu coñecer modelos que combinan formación, investigación, transmisión do coñecemento e modernización do sector, contribuíndo a identificar novas vías para facilitar a incorporación da mocidade á actividade pesqueira e garantir a continuidade das comunidades costeiras galegas.
