A Mariña, 1 de setembro de 2025. Este venres, 5 de setembro, comeza a sexta edición dos Plans con corazón, unha exitosa iniciativa coa que coñecer a riqueza dos 16 concellos que compoñen A Mariña Lucense. As primeiras actividades terán lugar os días 5, 6 e 7 de setembro nos municipios de Viveiro, O Valadouro e Mondoñedo, respectivamente. Serán plans moi especiais cos que adentrarse na historia e na paisaxe destes lugares da man dos guías locais, expertos coñecedores do territorio.
VIVEIRO – Venres 5 setembro -10.30h.
Galdo, un concello que deu leña! Con Noela Feal
Visita para coñecer o antigo Concello de Galdo e a súa historia vinculada a persoeiros históricos como Pardo de Cela, a liñaxe dos Vivero ou María de las Alas Pumariño. Visita á Panadería de Forno de Leña de Galdo e participación dunha experiencia interactiva.
O VALADOURO – Sábado 6 setembro – 9.30h.
O Cadramón, cumio da Mariña con Boris Vilar
Ruta de 12 quilómetros para afondar en como o ser humano comparte, dende tempos ancestrais, este espazo agreste coas bestas, o lobo e a orografía de montaña debuxada polo glaciarismo e que conta cun altísimo valor natural e paisaxístico. Ademais, escoitarase a historia do lugar a través da memoria de Indalecio, un dos últimos pastores nestas terras.
MONDOÑEDO – Domingo 7 setembro – 9.30h.
Mondoñedo: val de auga e raíces con Ana Pena
Ruta da Auga ata a fervenza do Salto do Coro e visita ao produtor de porco celta Celtagal, membro do Colectivo de Gastronomía da Mariña.
Información e reservas
Plans con corazón é un programa promovido pola Mancomunidade de Concellos da Mariña en colaboración coa Xunta de Galicia e a Deputación de Lugo.
Aínda quedan prazas libres nas actividades desta primeira fin de semana, polo que as persoas que o desexen poden reservar a súa praza a través do enlace: https://amarinalucense.gal/gl/a-marina-plans-con-corazon
As prazas son limitadas e cada actividade terá un custo que varía dos 5€ (inscrición individual), 9€ (inscrición en parella) e 15€ (inscrición grupal para un máximo de 5 persoas), un prezo que inclúe a visita guiada e os seguros de Responsabilidade Civil e accidentes.
Entre o 5 de setembro e o 12 de outubro terán lugar as 16 rutas e visitas guiadas polos 16 concellos, cunha variedade de propostas e percorridos que abranguen desde contornas urbanas ata espazos rurais, desde o litoral ata a Serra do Xistral, nunha iniciativa coa que coñecer o territorio e desfrutar actividades de lecer singulares.
As saídas son lideradas por guías oficiais de Galicia, coñecedores do patrimonio local, e tamén por perfís especializados en xeoloxía e ornitoloxía. Todos eles colaboran coa empresa Volta Montana para configurar esta iniciativa, coa que amosar A Mariña como un destino atractivo e diverso, contribuír á desestacionalización do turismo –xa que promove viaxes e visitas fóra dos meses de maior afluencia– e ampliar o coñecemento do territorio a nivel local. Un proxecto para conectar coa esencia da Mariña e descubrir os seus recursos máis singulares.
Os guías oficiais serán Noela Feal, Carmen Delia, Ana Pena e Boris Vilar, guías locais acreditados co selo de calidade turística SICTED para o destino A Mariña Lucense; o guía especialista en xeoloxía Iván Rodríguez; e o guía especializado en ornitoloxía Carlos Gil.
As sesións de lingua de signos, nas que os nenos e nenas aprenderon a comunicarse dun xeito diferente, divertido e inclusivo, e o taller de emocións ambas actividades da man de Rosa, e as súas acompañantes caninas Vilma e Tila, axudaron a conectar coas nosas emocións, a aprender a expresalas e tamén a reforzar valores como o respecto, a empatía e o coidado dos animais. A través do contacto con Tila e Vilma, os pequenxs viviron unha experiencia enriquecedora, aprendendo que os cans tamén poden ser grandes mestres e aliados para o noso benestar emocional.
A ficha poderase recoller no Rexistro do Concello ou descargala da web 
Así concluiu a campaña O noso comercio é vida, vive Ribadeo, que se veu desenvolvendo desde o pasado 14 de agosto, grazas ao premio á excelencia comercial, que a Dirección Xeral de Comercio da Xunta lle outorgou a Acisa neste 2025. A campaña incluíu Xoves Abertos, Mercados de Rúa, Experiencias de Calidade, concertos musicais na rúa, propostas refrescantes na hostalería e actividades multiaventura para todas as idades. Tamén este domingo tivo lugar un obradoiro de concienciación destinado aos máis pequenos e pequenas da casa, que se celebrou na Praza de Abastos.
A este acto, que tivo lugar no auditorio da localidade vilalbesa Carmen Estévez, tamén asistiu a Alcaldesa de Vilalba, Marta Rouco, a Subdelegada do Goberno en Lugo, Isabel Rodríguez, e o Alcalde do Concello de Xermade, Roberto García, entre outras autoridades. Tras a entrega deste galardón, no que se incluíron varias actuacións musicais, tivo lugar a lectura do pregón das Festas de San Ramón e Santa María a cargo das fotógrafas vilalbesas Inma Purriños e Yolanda Purriños.
O público, maioritariamente infantil, quedou encantado coa habilidade e a creatividade do artista. Joshua Kenneth presentou un repertorio de trucos e ilusións que deixaron aos espectadores coa boca aberta, á vez que poideron participar activamente nalgúns dos trucos e rindo tamén coas ocurrencias do ilusionista que representaba o espectáculo “Ler para crer” (Ler Conta Moito). A xornada seguiu cunha exitosa sardiñada popular animada pola charanga NBA e pola noite verbena coa actuación do grupo América e o musical de La Ocaband titulado “Camiñantes e Cantantes”.
O evento, de acceso libre e gratuíto, ten como obxectivo achegar o concepto das comunidades enerxéticas e as súas vantaxes á cidadanía. A charla celebrarase o xoves, 4 de setembro, ás 20:00h no Teatro da Beneficencia. Durante a xornada explicaranse as oportunidades que ofrecen as comunidades enerxéticas para a explotación dos recursos locais, os seus beneficios económicos e ambientais, e os pasos necesarios para a posta en marcha deste tipo de iniciativas.
A empresa mariñá líder en transportes e loxística a nivel internacional será clave para a supervivencia do club neste curso.
