Tomé Roca subliñou que “é un orgullo para nós que a Reserva da Biosfera Terras do Miño chegue a miles de persoas de toda España a través deste boleto. Esta é unha oportunidade única e excepcional para dar a coñecer a beleza deste territorio e a súa riqueza natural e paisaxística”
Lugo, 18 de outubro de 2025. O Presidente da Deputación de Lugo, José Tomé Roca, e o Deputado de Medio Ambiente, Carlos López López, veñen de presentar a imaxe que protagonizará o boleto do sorteo da Lotería Nacional do próximo xoves 23 de outubro. O décimo inclúe unha fotografía dun enclave paisaxístico da Reserva da Biosfera Terras do Miño concretamente, do Muíño da Ruxida situado no concello de Guitiriz.
Tomé Roca subliñou que “é un orgullo para nós que a Reserva da Biosfera Terras do Miño chegue a miles de persoas de toda España a través deste boleto. Esta é unha oportunidade única e excepcional para dar a coñecer a beleza deste territorio e a súa riqueza natural e paisaxística”.
O máximo representante da institución provincial recordou que “esta iniciativa demostra unha vez máis que desde a Deputación de Lugo realizamos un importante esforzo para potenciar e poñer en valor as Reservas da Biosfera xestionadas pola institución -Terras do Miño e Os Ancares Lucenses-.
Nesta liña, destacou proxectos como “a programación de actividades gratuítas que organizamos para fomentar o lecer saudable e a educación ambiental; o Concurso de Fotografía co que poñemos en valor o seu patrimonio etnográfico; iniciativas de divulgación científica, apoio ao turismo sostible e ao desenvolvemento local, ou o mantemento de infraestruturas como o Centro de Interpretación Terras do Miño, entre outras moitas accións”. Así mesmo, recordou tamén que “as Reservas destacan tamén pola súa aposta polo ecoturismo, a educación ambiental, a innovación social, a loita contra o despoboamento rural e a protección da biodiversidade”.
Ocorreu pasadas as 15:30 horas. Un traballador tivo que ser evacuado ao hospital logo de caerlle o tronco dunha árbore enriba mentres realizaba tarefas no monte en Cervo. Aínda que estaba liberado e consciente, precisaba asistencia sanitaria. Os profesionais de Urxencias Sanitarias de Galicia-061 trasladárono finalmente ao Hospital de Burela. Neste operativo tamén participaron a Garda Civil e a Policía Local de Cervo.
Subliñou o traballo colectivo, o papel do voluntariado e a participación de arredor de mil corredores. Tamén puxo en valor o impacto económico e social da proba e o apoio institucional que permite o seu crecemento, incluída a difusión en streaming que levou a CAMOVI e a Viveiro a todo o mundo.
O presidente, José Manuel Gómez Puente, destacou o bo tempo e o reencontro do grupo nun percorrido de 22 km entre Pedrafita e Triacastela. A próxima etapa será o 1 de maio, entre Triacastela e Sarria, e xa está aberta a inscrición no teléfono 623 22 68 25.
Ás doce en punto, tres foguetes —un por cada palabra do nome oficial— foron lanzados desde O Castrodouro, capital histórica do termo municipal e orixe da localidade, pois alí, hai 806 anos, Afonso IX concedeu o título de vila e todo un distrito que administrar; episodio histórico do que deriva o nome do concello. Os veciños reunidos mostraron a súa satisfacción pola recuperación da denominación histórica, afirmando moitos deles que nunca deixaran de empregar o nome completo. Do mesmo xeito, os maiores agradeceron aos impulsores da iniciativa a restitución do topónimo que a historia legou ao municipio alfocés.
Viveiro, 20 de abril, 2026. A proba volveu converter Viveiro nun punto destacado do deporte e da convivencia, ademais de supoñer un impulso económico para o municipio. María Loureiro destacou que a Camovi “é un exemplo de colaboración e esforzo colectivo, que sitúa Viveiro no mapa e dinamiza a economía local”. O Partido Socialista lembra o seu apoio histórico á carreira e reafirma o seu compromiso para seguir contribuíndo ao seu crecemento. O PSOE agradece tamén á veciñanza a súa acollida e implicación, fundamentais para que o evento continúe medrando ano tras ano.
Castro destacou o labor da Asociación e o potencial da tradición do ferro como motor económico, social e cultural para Riotorto, subliñando a importancia de impulsar iniciativas que garantan futuro para estes oficios. A Deputación de Lugo mantén unha colaboración estable coa entidade, cunha achega de 14.000 euros. No marco deste apoio, a Asociación avanzou na documentación dos oficios do ferro, catalogando ferramentas, técnicas e a historia das antigas “ferrerías de monte”.
O responsable provincial destacou "o traballo realizado pola organización ao longo destes anos para consolidar unha proba deportiva de primeiro nivel, que atrae tanto deportistas do máximo nivel competitivo como participación popular"
