A conselleira do Mar presentou esta mañá en Viveiro as previsións económicas do seu departamento para a comarca
Viveiro, 18 de outubro de 2025. A Xunta de Galicia contempla 2,9 millóns de euros nos orzamentos de 2026 para actuacións de mellora nos portos de titularidade autonómica da Mariña lucense. Así o anunciou esta mañá a conselleira do Mar, Marta Villaverde, nunha visita a Viveiro para presentar as previsións de investimento do seu departamento na comarca durante o vindeiro ano.
A titular de Mar explicou que os Orzamentos 2026 contemplan en total investimentos en 9 actuacións portuarias na Mariña de Lugo que supoñen unha anualidade global de case 3 millóns de euros para o 2026 e cuxo importe global do conxunto das obras previstas (con financiación plurianual) ascende a 21 millóns. Este investimento duplica a anualidade destinada para a comarca lucense no pasado exercicio orzamentario.
Villaverde detallou que en concreto no municipio de Viveiro Portos de Galicia consigna máis de 450.000 euros na vindeira anualidade para tres actuacións de envergadura. Así, contémplase a obra de saneamento do porto de Celeiro, por importe de 250.000 euros consignados integramente na anualidade 2026. Trátase da mellora da conexión da rede de saneamento portuaria á rede municipal con completando a recente urbanización de acceso ao porto. Ademais prevese a reordenación da fachada marítima e aparcadoiro de Viveiro, cun orzamento total de 1,8 millóns de euros dos que 200.000 euros se consignan en 2026.
A obra consiste na humanización da fronte marítima na zona comprendida entre a estación de autobuses e a casa do gardapeiraos, incluíndo a habilitación de zona de aparcadoiro público e a posta en valor do edificio da casa do gardapeiraos. Finalmente, destínanse tamén 12.000 euros no vindeiro exercicio á planificación do reforzo do dique de Celeiro, cun orzamento de 1,2 millóns de euros plurianuais. Esta actuación prevé un redeseño do dique para adaptalo ás condicións marítimas actuais tendo en conta o desgaste producido polos temporais dos últimos anos.
Polo que respecta ao conxunto da comarca mariñá, a Consellería do Mar investirá 800.000 euros na dragaxe da canle de acceso ao porto de Foz. O orzamento dá continuidade ademais ao proxecto do acceso ao porto de Ribadeo, cun investimento de 450.000 euros e prevé o reforzo do noiro do peirao cun importe plurianual de 675.000 euros. Así mesmo, o ente público destina 760.000 euros en 2026 para culminar as obras de reforzo do abrigo e adaptación ao cambio climático no porto de Burela.
Planificación plurianual
Finalmente contémplanse partidas de diferente importe para outras actuacións que se atopan polo momento en fases máis iniciais. É o caso da mellora do abrigo cun contradique no porto de Morás, cun custe estimado de máis de 7,5 millóns de euros e para a que a Xunta destina 80.000 euros de cara ao ano que ven; e a remodelación da dársena deportiva de Foz, aínda en fase preliminar, que conta cunha anualidade de 30.000 euros.
Esta cita, xa consolidada dentro da programación estable do centro, permitirá ao público gozar dunha mostra do traballo artístico e formativo desenvolvido ao longo do curso polo alumnado da especialidade. A actividade constitúe unha oportunidade para achegar a danza á cidadanía e poñer en valor o esforzo, a dedicación e a evolución das alumnas e alumnos participantes.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
