O Burela vence ao Melistar na casa con dobrete de Charly e a pesar de anotar dous goles en propia porta
Burela, 18 de outubro, 2025. Tras experimentar a súa primeira derrota nesta tempada, en Málaga, o equipo masculino do Burela FS enfrontouse esta tarde ás 18.45h, unha vez máis, en Vista Algre, a un equipo coa mesma dinámica nestas tres xornadas de liga, o Melistar FS. O encontro foi retransmitido por Cinfo a través da plataforma tiivii.gal. Moito ritmo e gran arranque do Burela en Vista Alegre nun encontro no que os locais anotaron 7 dos 9 goles totais, dous en propia porta, que penalizan no golaverage pero que non impediron a vitoria de hoxe na casa.
Arrinca o partido cun Burela inspirado que anota o primeiro a segundos do inicio, un gol de Charly que aproveita un rexeite tras un disparo a porta de Jason e o mesmo internacional venezolano anota o segundo no minuto 7, un golazo tras unha acción individual pola dereita e un disparo imparable. Tena Marquinho no minuto 8 cun taconazo na área que atrapa Moha. No minuto 10 chega o primeiro dos melillenses, cun tanto en propia porta de Izan que, defendendo a Joaki en portería, remata co pé un balón procedente dun saque de banda. Pide tempo morto David Rial no minuto 12 e golazo de Charly cun disparo baixo potentísimo que se coa entre toda a defensa visitante tras un saque de esquina de Meira. Lánzaa fóra Moha nunha saída de porteiro no minuto 13. Falta perigosa para o Burela no 16 cunha boísima combinación entre Izan que lla pasa a Marquinho, este a Jason na outra banda e dispara despexandoa o porteiro rival. Chega o segundo do conxunto melillense nunha perda do Burela que aproveita Javi Rangel meténdoa por toda a escuadra nunha xogada rápida e gran ocasión de Charly segundos despois no bordo da área que atrapa Moha.
Primeira ocasión da segunda parte para Marquinho, que regatea e dispara dende lonxe conseguindo desviala Moha e unha segunda do capitán, Pitero, que consegue plantarse ante Moha pero este despexa o disparo no minuto 3. Penalti para o Burela no minuto 26 nunha falta a Alán precedido dun disparo potentísimo de Charly que tamén puido ser gol. Lanza Pitero, sae Gonzalo Puebla a portería e golazo. Sálvaa Meira no seguinte minuto sacándoa a córner nun ataque do conxunto rival e lánzaa fóra Wallace no 28 nunha boa ocasión na área local. No minuto 30, tras un saque de esquina, Charly métea en propia porta tentando sacala da área e no 33 Meira consegue o 5-3 cun disparo directo incrible nun saque de falta que fusila a portería rival. No 37 o Melistar sae de 5 e logra recortar distancias con un tanto de Joaki que se coa entre a defensa burelense. Continúa o rival con porteiro-xogador ata o final do encontro non logrando o empate que remata dando a vitoria a un Burela que marca un inicio de tempada imbatible en Vista Alegre.
Ficha Técnica Burela FS 5-4 CD Melistar FS
Burela FS (5): Starna; Jason, Charly, Alberto, Meira, -quinteto inicial-, Alán, Izan, Pitero (C), Marquinho, João Silva (P).
Melistar FS (4): Moha; Anuar, Javi Rangel, Joaki, Grillo -quinteto inicial-, Pedro Herreros, Mohamed Haddouchi, Wallace, Pablo González, David Mesquita, Gonzalo Puebla (P)
Goles: 1-0, min. 1: Charly. 2-0, min.7: Jason. 2-1, min. 10: Izan (PP), 3-1, min. 12: Charly. 3-2, min. 17: Javi Rangel. 4-2, min. 26: Pitero. 4-3, min. 30: Alberto (PP). 5-3, min. 33: Meira.
Árbitros: Daniel Delgado, Guillermo Rodríguez, Miguel Jesús Rodríguez, Andrea González.
Incidencias: Viron tarxeta amarela, por parte do conxunto local, João Silva, Meira, Jason, Izan, David Rial. Por parte do conxunto visitante, David Mesquita, Anuar, Wallace, Haddouchi, Tomás de Dios
Esta cita, xa consolidada dentro da programación estable do centro, permitirá ao público gozar dunha mostra do traballo artístico e formativo desenvolvido ao longo do curso polo alumnado da especialidade. A actividade constitúe unha oportunidade para achegar a danza á cidadanía e poñer en valor o esforzo, a dedicación e a evolución das alumnas e alumnos participantes.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
