Burela, 18 de outubro, 2025. Despois de conseguir sumar o primeiro punto da tempada, nun encontro cheo de emoción en Vista Alegr ante o Móstoles, as nosas Guerreiras Laranxas viaxaron a Guadalajara esta finde para enfrontarse ao CD Chiloeches ás 17.00h, encontro que foi retransmitido por Sinópsis Vuvuzela. Primeira parte competida pero con máis acerto por parte do Burela e segunda parte con moitas ocasións para as mariñás que rematan materializándose no resultado final.
Primeiras ocasións para o conxunto local que abre o partido dominante, pero o primeiro tanto será para o Burela no minuto 5, un gol de Silvia Rubal que remata un disparo de Cris Blanco tras un saque de banda de Irene. Gran intervención de Ana Eliza no 6 nunha boa xogada combinativa que finaliza Nora, atopándose coa porteira brasileira que a desvía fóra. Chega o segundo tanto de Silvia Rubal, un golazo da capitá laranxa que tras unha carreira executa un disparo raso coándolla entre as pernas a Noelia das Heras e meténdoa ao segundo pau. Segundos despois Ju Delgado ten que ser evacuada polos servizos médicos tras un pisotón de Gabi case na banda, esperamos que quede nun susto. Boísima intervención unha vez máis de Ana Eliza, que a desvía no saque de falta desta mesma acción de falta e sácaa Sandra Abadía co pé nun cara a cara con Irene no minuto 10. Lánzaa por encima do travesero Virginia tras unha boa parede con Nekane no minuto 13 e case a volve a ter Nekane nun contraataque que remata despexando a nosa porteira. Gran ocasión no minuto 15, unha vez máis, de Silvia, que a recupera a media pista e nun duelo coa porteira, esta logra despexala coa perna. Minutos para o Chiloeches que presiona alto pero o Burela logra despexar e busca o gol con balóns longos que non logran chegar a portería. Nunha destas accións recuperan as locais e boa ocasión de Rocío que salva Ana Eliza despexando á banda. Lánzaa Lara desviada da portería no último minuto tras unha boa recuperación en cancha rival e sálvaa Irene a un segundo nunha boa transición das locais.
Gran ocasión do Burela no minuto 22, tras un erro nun saque de banda que recupera Lara disparando a portería dende a área que despexa a porteira, pero que recolle Irene no rexeite e despexa Macarena volvendo disparar Irene e despexando outra vez a porteira e sálvaa Silvia Rubal nun pase dende a banda que despexa a capitá no medio da área no minuto 25. Lánzaa fóra Lucía tras unha boa contra e un cara a cara con Ana Eliza no minuto 27 e vermella directa a Nekane nunha contra de Sydorenko que chegaba soa a portería e é empuxada pola xogadora local. Paradón de Sandra no lanzamento directo da falta que saca Cris Blanco e volve despexar un disparo lonxano de Silvia Rubal no 29. Volve tela Lara no minuto 30, xusto ao recuperar ás 5 xogadoras o conxunto local, que executa unha contra perfecta conseguindo irse de dúas xogadoras, pero Sandra frustra o terceiro gol por parte da xogadora focense. Falta perigosa para o Chiloeches no minuto 31 tras unha falta de Silvia Rubal moi preto da área que non logra aproveitar e penalti no mesmo minuto que anota Rocío no rexeite tras un paradón de Ana Eliza, conseguindo o 1-2. Expulsión a Macarena no 32 e balón ao pau de Laura Barranco que aproveita Lara pero dispara atopándose a Sandra que despexa. Xoga o Burela con vantaxe e case a volve a ter Laura Barranco que roza o pau no mesmo minuto. Gran recuperación de Lara case na área rival que volve despexar Sandra e volve desviala nun disparo de Sydorenko tras un saque de banda. Recupera as 5 xogadoras o conxunto local non logrando aproveitar o Burela a vantaxe. Volve despexar Sandra por encima do traveseiro un gran disparo lonxano de Sydorenko e despexa Ana Eliza salvando o empate nun dobre penalti na sexta falta do Burela. Sae de 5 o Chiloeches e chega o terceiro de as burelenses nun erro nun pase de Noelia de las Heras que rouba Lara, quen dispara e protexe o balón ata a portería baleira. A un minuto da bucina final, Ana Eliza consegue o cuarto tanto cun golazo de portería a portería baleira sentenciando o partido.
Ficha Técnica CD Chiloeches 1-4 Burela FS
CD Chiloeches (1): Sandra; Ju Delgado, Macarena, Noelia de las Heras (C), Nekane –quinteto inicial-, Blanca, Nora, Virginia, Lucía, Rocío, Myriélen.
Burela FS (4): Ana Eliza; Cris Blanco, Silvia Rubal (C), Sandra, Lara -quinteto inicial-, Irene, Laura Barranco, Sydorenko, Gabi.
Goles: 0-1, min. 5: Silvia Rubal. 0-2, min. 8: Silvia Rubal. 1-2, min. 31: Rocío. 1-3, min. 38: Lara. 1-4, min. 39: Ana Eliza.
Árbitros: Georgiana Alina Bancu, Luis Mariano Sánchez y David Serrano
Incidencias: Viron tarxeta amarela, por parte das locais, Macarena (dobre amarela), Blanca (dobre amarela) e Myriélen; e por parte do equipo visitante, Gabi e Laura Barranco. Viron tarxeta vermella directa, por parte do equipo local, Nekane, e do visitante, Silvia Rubal.
Esta cita, xa consolidada dentro da programación estable do centro, permitirá ao público gozar dunha mostra do traballo artístico e formativo desenvolvido ao longo do curso polo alumnado da especialidade. A actividade constitúe unha oportunidade para achegar a danza á cidadanía e poñer en valor o esforzo, a dedicación e a evolución das alumnas e alumnos participantes.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
