Foz, 18 de outubro de 2025. O goberno local socialista focego acusa ao PP de intentar bloquear o arranxo de estacionamentos públicos en Foz.
“O portavoz popular de Foz, Javier Castiñeira, agóchase tras os seus compañeiros provinciais para non dar a cara nunhas acusacións contra o PSOE, veciños e ata negocios de Foz. Ese é o nivel de cobardía ao que nos ten acostumados”, di a voceira do goberno municipal, Inés López Couto, que explica: “os aparcamentos públicos son necesarios e na meirande parte de lugares son fincas privadas con cesións ás administracións públicas para o seu uso. Aplicando o mesmo que agora trasladan eles, o portavoz popular de Foz debería explicar o asfaltado do aparcamento da rúa Valle Inclán (coñecido en Foz coma o aparcamento do Pema), que se apresurou a realizar antes das eleccións do ano 2019 con polo menos dez mil euros de fondos municipais. Pode explicalo de forma clara, pero este goberno non vai dicir que mellorar unha área de uso público para estacionamento sexa unha mala obra para Foz. A diferenza del temos a decencia de agradecer o que mellora os servizos do pobo e non intentar ensucialo por interese político, aínda que non pertenza ao Concello”.
Inés López Couto engade que “ante as explicacións solicitadas sobre o estacionamento arranxado, o Concello actuou sempre para a mellora dos servizos para todos, nunha área moi utilizada e transitada na entrada de Foz, para acondicionala para o seu uso público. Este servizo está debidamente acordado cos propietarios, como nos estacionamentos de Costa do Castro, rúa do Pilar ou do colexio Fondo Nois. Todo o demais é ruído e mentira. Estamos acostumados aos esperpentos do líder popular de Foz porque xa na súa etapa como deputado provincial denunciou no xulgado o aglomerado por parte da empresa Tragsa e a Deputación do aparcamento do cemiterio da nosa vila, e obviamente o xuíz desestimou a súa denuncia. Ameazas e improperios son a súa especialidade, tentar atemorizar para que non se traballe, pero a xente non se pode enganar, o traballo vai continuar. O líder do PP de Foz pode seguir sacando a foto e escondendo a man”.
“Dende o grupo provincial do PP levan dúas notas de prensa seguidas cheas de mentiras e de desinformación para a cidadanía. Non teñen a decencia nin de preguntar, directamente acusan, non só aos representantes do PSOE senón tamén a particulares. Supoñemos que seguen a liña do PP nacional e aplican o mentir no es ilegal. E se falamos de comparativas, os concellos tamén debemos ser todos iguais para que a Xunta de Galicia nos dea o mesmo número de convenios a todos. Temos que agradecer o compromiso do presidente José Tomé e a Deputación de Lugo, xa que non existe este apoio por parte da Xunta de Galicia para executar as necesidades que ten o pobo de Foz”, remata López Couto.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
A piscina abrirá de luns a venres de 8:30 a 13:00 e de 15:30 a 22:00, e os sábados de 8:30 a 14:30. O ximnasio manterá horario continuo de luns a venres, de 8:30 a 22:00, e os sábados de 8:30 a 14:30. A tempada arrinca tras diversas melloras nas instalacións, entre elas a renovación da cuberta do polideportivo, cun investimento de 195.000 euros, así como a substitución de portas de emerxencia, a intervención en pontóns das piscinas e o cambio das huellas de volteo. O Concello continúa así reforzando o mantemento e a seguridade dun complexo utilizado diariamente por numerosos veciños e deportistas.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
