Cervo, 7 de outubro do 2025. O Concello de Cervo agradece o acordo acadado no día onte no Consello da Xunta relativo á concesión dunha axuda de máis de 13,2 millóns de euros á empresa Stolt Sea Farm, instalada no polígono de Cuíña, para a construción dun novo edificio de produción de linguado, no marco das actuacións cofinanciadas polo Fondo Europeo Marítimo, de Pesca e de Acuicultura (FEMPA).
Esta actuación, que supón unha importante aposta pola acuicultura en terra, permitirá ampliar a superficie produtiva en máis de 7.000 metros cadrados e aumentar a capacidade anual ata as 400 toneladas de produción de linguado, consolidando a Stolt Sea Farm como unha das compañías referentes do sector en Europa; e supón un impulso importante para o desenvolvemento económico e industrial do noso municipio.
A alcaldesa de Cervo, Dolores García Caramés, destacou que esta inversión “é unha excelente noticia para o noso concello, pois suporá a creación de arredor de vinte empregos directos e un impacto económico moi positivo tanto na actividade industrial como nos servizos e no comercio local”.
García Caramés salientou tamén o compromiso da Xunta de Galicia co desenvolvemento sostible e innovador da economía da bisbarra:
“A acuicultura é unha actividade estratéxica para o noso territorio, que combina innovación, sustentabilidade e creación de emprego. A colaboración entre o sector público e o privado, como neste caso, é fundamental para seguir xerando oportunidades en Cervo e A Mariña; e o apoio da Xunta é fundamental para seguir medrando como territorio competitivo, moderno e comprometido co mar”.
A ampliación das instalacións de Stolt Sea Farm en Cervo forma parte dun conxunto de proxectos que a Xunta impulsa por toda Galicia, cun investimento global de 59,5 millóns de euros en axudas ao sector acuícola, co obxectivo de reforzar a competitividade e o valor engadido dos produtos do mar.
Con esta nova planta, Cervo consolídase como referente na acuicultura galega, reforzando o seu papel dentro dun sector que xera máis de 5.600 empregos en Galicia e supera os 200 millóns de euros de facturación anual.
Trátase dun programa de actividades para a infancia e a mocidade que se desenvolverá en xullo e agosto con propostas educativas, deportivas e culturais pensadas para facilitar a conciliación familiar. A oferta inclúe ludoteca, talleres creativos e tecnolóxicos, deporte, contacontos e eventos comunitarios como o Mercado Infantil Solidario ou o Carnaval de Verano. As inscricións realizaranse do 1 ao 15 de xuño no Concello, con prioridade para menores empadroados. O programa reforza o compromiso municipal co apoio ás familias e cun verán activo e accesible para a mocidade do concello.
A comunidade educativa convida especialmente a antigos alumnos, mestres e familias a participar nesta xornada de reencontros e lembranzas.
Ao acto están convidadas a directora xeral de Desenvolvemento Rural e Industrias Agrarias, Mª Begoña López Fernández; o director xeral do Medio Natural, David Villar García; así como as alcaldías dos 14 municipios que forman parte da Reserva, entre outras autoridades.
A festa incorporou unha mesa doce decorada con temática de faros e unha sesión de coctelería dedicada á elaboración de vermús. As persoas asistentes recibiron ademais un detalle conmemorativo: unha botella de aceite de oliva virxe extra de Oleonavas, en homenaxe ás raíces familiares do propietario. O evento incluíu numerosos sorteos grazas á colaboración de diferentes empresas, con premios como comidas en O Noso Lar, na Bodega de Ana ou no Restaurante Nito, ademais de licores, paletillas e circuítos termais. Para esta ocasión preparouse tamén unha carta especial con táboas de carne e instalouse un mural conmemorativo no local. O establecemento agradeceu a fidelidade da clientela e o apoio da veciñanza ao longo desta década, fundamentais para acadar este aniversario tan significativo.
Tras máis de vinte anos dedicada ao debuxo científico, expón desde 2013 e a súa pintura, definida pola crítica como expresiva, colorista e próxima ao surrealismo, chegou xa a numerosos países europeos e americanos. 
O Concello destaca que este logro é resultado do esforzo, da dedicación e da paixón polo deporte que o arqueiro demostra en cada competición, levando o nome de Cervo e do seu club ao máis alto. A administración local subliña o orgullo que supón contar con deportistas que representan valores como o traballo, a constancia e a superación.
A iniciativa forma parte do Plan de Sostibilidade Turística en Destino Xacobeo 2021, financiado con fondos europeos Next Generation. No acto proxectouse o tráiler e un capítulo completo. Tras a estrea, os contidos difundiranse nas redes sociais e no YouTube municipal, e no verán organizarase un novo evento para ver a serie íntegra.
