Trabada, 13 de outubro de 2025. O Concello de Trabada vén de remitir novos escritos á Axencia para a Modernización Tecnolóxica de Galicia (AMTEGA) e ás compañías Telefónica España e Orange, reiterando a petición xa realizada no pasado mes de abril para que se amplíe a cobertura móbil na zona de Fórnea, onde actualmente só opera a rede de Vodafone.
A instalación da antena de telecomunicacións en Fórnea, operativa desde o pasado mes de marzo, supuxo un avance importante para mellorar as comunicacións nesta zona rural do concello. Porén, actualmente a cobertura está limitada á compañía Vodafone, o que deixa fóra a numerosos usuarios de Movistar e Orange.
Dende o Concello de Trabada solicítase que se promovan as xestións necesarias para permitir o uso compartido da infraestrutura por parte doutros operadores, tal e como recolle a propia comunicación oficial da AMTEGA, coa fin de garantir un acceso equitativo á conectividade e reducir a brecha dixital no medio rural.
O alcalde de Trabada, Rubén García Freije, destacou que “non é razoable que, tendo xa instalada unha antena operativa, só unha parte da poboación poida beneficiarse dela. O noso obxectivo é que todos os veciños e veciñas dispoñan de cobertura móbil, sexa cal sexa a compañía que teñan”.
García subliñou tamén que “a conectividade segue a ser unha prioridade para o noso goberno, especialmente nas parroquias rurais, onde o acceso a internet e á telefonía móbil é esencial para a calidade de vida e o desenvolvemento do territorio”.
O Concello de Trabada amosa a súa total disposición para colaborar con AMTEGA e coas operadoras implicadas para que esta infraestrutura poida ser aproveitada na súa totalidade e mellorar así as comunicacións no municipio.
O Restaurante Oviedo-2 será o encargado de elaborar o caldo, o compango e as filloas de sobremesa. O acto incluirá tamén lectura de poemas e música, coa participación de Eli García-Bouso, que interpretará algunhas pezas inspiradas en Rosalía de Castro. O prezo do xantar será de 15 euros para socios/as e 20 euros para non socios/as. As persoas interesadas poden inscribirse enviando un correo a agrupacionfranciscolanza@gmail.com ou mediante unha mensaxe de WhatsApp ao 699 809 606.
Neste espazo radiofónico, de 12 a 14 horas, Félix Jorquera falará coa directora do IES de Foz, Leticia Maseda, co coordinador do evento, José Ríos, así como con alumnado e profesorado participante e moi implicado nos Campionatos Internacionais de Baristas e Catas de Café, que estes días enchen Foz de xente e de aroma cafeteiro.
Os propietarios, Javier Montero e Tita Iglesias, recolleron o recoñecemento na Coruña, agradecendo o apoio da clientela, do seu equipo —formado integramente por mulleres— e da propia guía. O establecemento mantén esta recomendación desde 2021 e suma tamén un Sol Repsol, obtido en 2024 e renovado para 2026. O hotel restaurante Javier Montero abriu as súas portas en novembro de 2018.
Unha comedia orientada para público adulto dirixida por Cándido Pazó. Hora: 20.30. Sipnose: 1880, Curros Enríquez é denunciado polo bispo de Ourense por uns poemas do seu libro Aires da miña terra, un dos piares do Rexurdimento Galego. A pesar da opinión contraria do fiscal, un xuíz dá curso á denuncia e o célebre escritor é procesado e condenado.
A xornada comezou cun aperitivo no bar O Colorado, onde os socios se reuniron para o tradicional brinde previo ao xantar. O encontro continuou no Restaurante Asturias nun ambiente de fraternidade, gozando dun cocido digno de exaltación e dunha longa sobremesa. Durante a velada, os asistentes compartiron lembranzas e falaron das actividades que a asociación prepara para o futuro, nun ano no que Os Cacholeiros se achegan ao seu 35º aniversario. A entidade aproveita esta celebración para reivindicar unha vez máis os pratos tradicionais, elaborados con produtos locais e de tempada, e o labor dos establecementos hostaleiros do concello e da comarca.
A cita terá lugar ás 14.30 horas no Restaurante Louzao, en Area. A actividade, promovida polo Centro de Información á Muller e pola Delegación Municipal da Muller do Concello de Viveiro, está concibida como un encontro de convivencia e participación arredor do 8M. O prezo do xantar é de 50 euros. O Concello de Viveiro publicará nos vindeiros días a programación completa organizada con motivo do 8M.
A presidenta da Deputación, Carmela López, e outros cargos do PSdeG destacaron o valor do grelo como produto emblemático e subliñaron que iniciativas como esta impulsan a economía local, apoian ao sector produtor e reforzan a identidade do rural lucense.
