O Concello e Airiños do Xunco renderon así homenaxe ao artista e ilustrador recentemente falecido, nun emotivo acto que tivo lugar este pasado sábado na ata o de agora coñecida como Sala das Carboeiras
Cervo, 20 de outubro de 2025. O Concello de Cervo e a asociación Airiños do Xunco celebraron este sábado o acto de inauguración da Sala Cultural Xosé Vizoso, situada no Conxunto Histórico Artístico de Sargadelos, un emotivo evento co que se rendeu homenaxe ao recoñecido artista e ilustrador recentemente falecido, cuxa traxectoria e legado artístico permanecen intimamente ligados á identidade e á cultura cervense.
A antiga Sala das Carboeiras pasa así a levar o nome de Xosé Vizoso, nun xesto de profundo agradecemento e recoñecemento á súa inmensa contribución á cultura cervense.
O acto contou coa presenza da alcaldesa de Cervo, Dolores García Caramés, da concelleira Mali Méndez, dos edís Alfredo Fernández e Adrián Arias, de representantes da asociación Airiños do Xunco, do alcalde de Mondoñedo, Manuel Ángel Otero –terra natal do artista-, así como de numerosos veciños, familiares e amigos que quixeron sumarse a este emotivo tributo do que tamén foron testemuñas moi importantes os seus fillos Dani e Pepe, que recibiron as mostras de cariño e admiración do público nunha tarde cargada de emoción e lembranzas.
Durante a súa intervención, a rexedora destacou que “con este nomeamento queremos perpetuar a pegada de Xosé Vizoso, unha figura que fixo de Cervo a súa inspiración constante. A súa creatividade, xenerosidade e compromiso coa cultura deixaron unha fonda marca no noso municipio. Esta sala, que agora leva o seu nome, será un espazo vivo onde a arte e o coñecemento seguirán florecendo, mantendo presente o seu espírito”.
A alcaldesa aproveitou tamén para agradecer a complicidade e apoio da familia de Vizoso, así como á asociación Airiños do Xunco, impulsora da iniciativa, e a todas as persoas e entidades que colaboraron para facer posible este recoñecemento. “Cervo amosa así o seu cariño e orgullo por un dos seus grandes referentes culturais e quxo agradecer a todos/as os que se achegaron a compartir este momento de lembranza e celebración da súa vida e obra”.
A velada estivo amenizada polo grupo de Cantareiras Cordenaia, de Airiños do Xunco, que puxo a banda sonora á emoción colectiva nesta xornada tan especial.
O acto serviu ademais para inaugurar a exposición dos carteis da Queimada Popular de Cervo, deseñados por Vizoso ao longo de case medio século. A mostra, organizada por Airiños do Xunco, ofrece un percorrido visual pola evolución da icónica celebración, declarada de Interese Turístico Galego, e pola creatividade do artista que a acompañou durante décadas.
A Sala Cultural Xosé Vizoso, recentemente renovada, preséntase como un espazo multidisciplinar destinado a acoller exposicións, conferencias, proxeccións e diversas actividades artísticas e culturais, consolidándose como un novo punto de encontro para a creación e a inspiración no municipio.
A iniciativa busca poñer en valor a diversidade cultural do municipio a través da gastronomía, convidando ás persoas de diferentes países a elaborar pratos típicos que se ofrecerán de forma gratuíta ao público. O Concello asumirá o custo dos ingredientes e asignará a cada participante un posto identificado co seu país de orixe. As inscricións poden realizarse ata o 29 de xullo enviando un correo a feiras@vilalba.es. Rouco chamou á participación para seguir construíndo unha Vilalba aberta e integradora, nunha feira que quere consolidarse como espazo de convivencia e dinamización da feira tradicional.
Ata o 4 de agosto poderán realizarse as renovacións, mantendo as tarifas aprobadas en asemblea: 200 € e 250 € para adultos, e acceso gratuíto para menores grazas ao convenio coa Fundación Imdecum, con opción voluntaria de abono infantil por 40 € con reserva de asento. A partir do 5 de agosto activaranse as novas altas. Os abonos poderán tramitarse a través de CLUBER ou presencialmente na oficina do club, con horario de mañá e tarde en xullo e só de mañá en agosto.
A Presidenta Carmela López destacou o valor deste produto emblemático da Mariña e o traballo do sector pesqueiro. Rocío Rivera e Herminia Pernas puxeron en valor a tradición mariñeira de Burela e o papel dos mariñeiros da Moncloa. O público degustou 450 tapas elaboradas con bonito nunha xornada que serviu de escaparate desta cita gastronómica e de convite a visitar Burela a próxima fin de semana.
As crianzas desfrutaron dunha refrescante xornada con inchables e xogos acuáticos na contorna do complexo deportivo da Veiga.
O campo de fútbol do Cascabeiro acolleu o pasado sábado a III Festa do Mexillón, organizada polo Celta Barreiros. Centos de persoas achegáronse a gozar dunha tarde de gastronomía e de música. En total foron servidas 670 racións entre veciñanza e visitantes, que saborearon mexillóns e lacón. Os organizadores amosasen satisfeitos da acollida: “estamos contentos pola boa resposta dos asistentes”. E tiveron palabras de agradecemento “para os Concellos de Barreiros e de Foz pola boa colaboración”.
Familias, amizades e persoas de todas as idades viviron cada xogada e cada aplauso, evidenciando que o fútbol é tamén unha oportunidade para fortalecer a convivencia e a unión da veciñanza. O municipio felicitou á Selección Española polo seu título mundial, un éxito histórico que fixo vibrar a toda a comunidade.
Trátase dunha mostra de 28 fotografías de gran formato do naturalista Ezequiel Martínez que reivindica a diversidade e a conservación da fauna salvaxe. A iniciativa, organizada polo Concello da Pastoriza en colaboración con ABANCA e Afundación dentro do proxecto Corrente cultural, poderá visitarse de balde ata o 26 de agosto. As imaxes, acompañadas de textos divulgativos elaborados por especialistas de Naturnova, amosan especies emblemáticas como o oso pardo, a cegoña, o cervo ou a aguia imperial, convidando a reflexionar sobre a importancia de protexer o patrimonio natural.
