Viveiro, 29 de outubro, 2025. O GALP A Mariña-Ortegal pon en marcha dúas xornadas máis de carácter informativo e dirixidas ás empresas e entidades do sector pesqueiro, co obxectivo de dar a coñecer as oportunidades de financiamento dispoñibles a través do programa de axudas FEMPA 2021-2027 para a próxima convocatoria que se prevé para comezos do 2026.
A primeira das xornadas celebrarase o martes, 4 de novembro, ás 12:00 horas, no salón de actos de ABSA en Burela. A segunda terá lugar o xoves, 6 de novembro, ás 12:30 horas, no salón de actos de Puerto de Celeiro.
Estas sesións buscan promover un maior interese e implicación da cadea de valor do sector pesqueiro, no coñecemento e execución do programa de axudas FEMPA e especialmente das axudas que se poden tramitar a través do propio GALP A Mariña-Ortegal.
O obxectivo principal é fomentar e apoiar o xurdimento de iniciativas empresariais e sociais, empregando o fondo FEMPA como ferramenta de financiamento para proxectos que impulsen a sustentabilidade, a innovación e o desenvolvemento local ligado ao mar.
As xornadas estruturaranse como espazos de encontro e diálogo que permitan identificar as necesidades específicas das entidades que operan nos portos de Burela e Celeiro, así como facilitar o intercambio de coñecementos e experiencias inspiradoras entre as principais organizacións do sector, favorecendo a creación de sinerxías e colaboracións.
O GALP A Mariña-Ortegal mantén un compromiso firme co desenvolvemento do sector pesqueiro, destinando un mínimo do 50% do seu orzamento financeiro a proxectos que apoien o avance deste sector estratéxico. A organización destas accións é unha ferramenta clave para acadar ese obxectivo, garantindo un maior impacto económico e social no territorio e contribuíndo á consolidación da actividade pesqueira como motor fundamental do territorio.
Unha comedia orientada para público adulto dirixida por Cándio Pazó. Hora: 20.30. Sipnose: 1880, Curros Enríquez é denunciado polo bispo de Ourense por uns poemas do seu libro Aires da miña terra, un dos piares do Rexurdimento Galego. A pesar da opinión contraria do fiscal, un xuíz dá curso á denuncia e o célebre escritor é procesado e condenado.
A xornada comezou cun aperitivo no bar O Colorado, onde os socios se reuniron para o tradicional brinde previo ao xantar. O encontro continuou no Restaurante Asturias nun ambiente de fraternidade, gozando dun cocido digno de exaltación e dunha longa sobremesa. Durante a velada, os asistentes compartiron lembranzas e falaron das actividades que a asociación prepara para o futuro, nun ano no que Os Cacholeiros se achegan ao seu 35º aniversario. A entidade aproveita esta celebración para reivindicar unha vez máis os pratos tradicionais, elaborados con produtos locais e de tempada, e o labor dos establecementos hostaleiros do concello e da comarca.
A cita terá lugar ás 14.30 horas no Restaurante Louzao, en Area. A actividade, promovida polo Centro de Información á Muller e pola Delegación Municipal da Muller do Concello de Viveiro, está concibida como un encontro de convivencia e participación arredor do 8M. O prezo do xantar é de 50 euros. O Concello de Viveiro publicará nos vindeiros días a programación completa organizada con motivo do 8M.
A presidenta da Deputación, Carmela López, e outros cargos do PSdeG destacaron o valor do grelo como produto emblemático e subliñaron que iniciativas como esta impulsan a economía local, apoian ao sector produtor e reforzan a identidade do rural lucense.
O distintivo, concedido por ADEAC, recoñece a excelencia ambiental e a xestión sostible do territorio.En 2026 o programa acada cifras récord, con máis de 1.200 km de sendeiros en 154 municipios. A senda franquía destaca pola súa calidade paisaxística e ambiental, ao unir Castello e Porcía a través de acantilados, praias e espazos de alto valor ecolóxico. Este recoñecemento reforza o compromiso de El Franco cun modelo que combina conservación, educación ambiental e turismo sostible, situando o concello na rede estatal de itinerarios de excelencia. A entrega oficial das bandeiras será o 6 de marzo no Castelo de Cullera.
Sinalaron que conta cunha Indicación Xeográfica Protexida con case 70 hectáreas cultivadas, 194 produtores e máis de 215.000 kg certificados en 2025, cun valor superior aos 430.000 euros. Tamén subliñaron que forma parte dos 36 selos de calidade de Galicia e que festas como esta dinamizan o rural e favorecen a venda directa entre produtores e consumidores.
O Restaurante Oviedo-2 será o encargado de elaborar o caldo, o compango e as filloas de sobremesa. O acto incluirá tamén lectura de poemas e música, coa participación de Eli García-Bouso, que interpretará algunhas pezas inspiradas en Rosalía de Castro. O prezo do xantar será de 15 euros para socios/as e 20 euros para non socios/as. As persoas interesadas poden inscribirse enviando un correo a agrupacionfranciscolanza@gmail.com ou mediante unha mensaxe de WhatsApp ao 699 809 606.
