Patricia Otero lembrou que foi o ministro Planas quen “abandeirou o rexeitamento” ao veto das artes de fondo en 87 zonas e que o Estado xa presentou en xullo un recurso “no que alega que non se valoraron axeitadamente os efectos socioeconómicos nin o principio de sustentabilidade integral”
Madrid, 15 de outubro de 2025. A deputada socialista Patricia Otero defendeu esta tarde no pleno do Congreso a actuación do Goberno central en favor da pesca, especialmente no tocante ao veto ás artes de fondo en 87 zonas por parte de Bruxelas e á rebaixa de fondos europeos que contempla o novo Marco Financeiro Plurianual.
Respecto da prohibición, a parlamentaria do PSdeG recordou, durante o debate dunha iniciativa do Grupo Mixo, que foi o ministro Planas quen “abandeirou o rexeitamento a esa decisión ante as institucións comunitarias, ao que se sumaron posteriormente outros estados membros”. E, tal como subliñou, o Estado “cumpriu o seu compromiso co sector pesqueiro español, e co galego, de presentar un recurso contra a decisión da Comisión” e da posterior sentenza do Tribunal Xeral que a avalou. Nel “alega que non se valoraron axeitadamente os efectos socioeconómicos nin o principio de sustentabilidade integral”, explicou.
Otero lamentou que, pola contra, a Xunta de Galicia e o PP se limitasen en tanto a “enganar ao sector”. Mentres o Estado presentou o antedito recurso o pasado xullo, o Goberno galego segue sen cumprir o seu compromiso de actuar na mesma liña. Aínda anunciou onte a súa “intención” de sumarse a ese contencioso, ao tempo que intenta “traspasar ao Goberno de España a responsabilidade dunha posible rebaixa das dotacións da PAC e do Fempa” (Fondo Europeo Marítimo, da Pesca e da Acuicultura) en lugar de actuar de xeito coordinado na defensa da pesca.
“Levan anos pescando no mar dos bulos e das mentiras”, lamentou a deputada do PSdeG, que lles lembrou aos populares a súa maioría na Comisión Europea que está a impulsar medidas tan lesivas para a pesca galega e española. “Teñen moito traballo que facer cos seus colegas europeos”, advertiulle á bancada do Grupo Popular.
Ao fío diso, Patricia Otero tamén criticou a actitude de Rueda durante a súa última visita capital comunitaria. “Foi defender un mellor reparto dos fondos da PAC e do Fempa? Pois non. A Bruxelas foi, pero nada de esixirlles aos seus compañeiros a reversión da proposta de recorte dos fondos pesqueiros e agrícolas que afectan a Galicia”, denunciou.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
A piscina abrirá de luns a venres de 8:30 a 13:00 e de 15:30 a 22:00, e os sábados de 8:30 a 14:30. O ximnasio manterá horario continuo de luns a venres, de 8:30 a 22:00, e os sábados de 8:30 a 14:30. A tempada arrinca tras diversas melloras nas instalacións, entre elas a renovación da cuberta do polideportivo, cun investimento de 195.000 euros, así como a substitución de portas de emerxencia, a intervención en pontóns das piscinas e o cambio das huellas de volteo. O Concello continúa así reforzando o mantemento e a seguridade dun complexo utilizado diariamente por numerosos veciños e deportistas.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
