Ribadeo, 16 de outubro, 2025. A Asociación Española de Festivais de Música Clásica (FestClásica) celebrará a ‘Gala de entrega dos Premios Circuítos FestClásica 2026’ o venres día 17 de outubro (20:00 horas) no Auditorio Hernán Naval de Ribadeo con entrada libre ata completar aforo. A cita permitirá coñecer aos gañadores destes galardóns, que fomentan a música española e os novos proxectos nos 47 festivais que pertencen ao colectivo máis representativo do sector. O acto estará presentado por Clara Corrales (Radio Clásica – RNE). Intervirán Pere Bonet, Presidente de FestClásica; Carmen Esteban, Vicepresidenta de FestClásica; Alba Rodríguez, Directora do Festival Bal y Gay; Carmen Mayo, Directora do Festival Internacional de Música de Cámara Fundación MonteLeón; e Mario Prisuelos, Director do Festival ASISA de Música de Villaviciosa de Odón. Así mesmo, haberá unha breve actuación por parte dun dos grupos premiados. O Festival Bal y Gay, un dos membros do colectivo, exercerá como anfitrión dunha xornada que comezará en Foz coa asemblea anual de FestClásica, na que participarán representantes dos festivais integrados na asociación.
Os ‘Premios Circuítos FestClásica’ entréganse cada ano co obxectivo de dar a coñecer, cultivar e desenvolver a presenza dos intérpretes españois na rede de festivais, á vez que se fomenta a colaboración entre os festivais membros. Inclúen dúas modalidades (Selo FestClásica e Ensemble Emerxente), atendendo aos intereses dos programadores, á realidade do tecido musical en España e ao compromiso da asociación coa promoción do talento novo. Os gañadores realizarán un circuíto de concertos en 2026 por festivais socios de FestClásica, ademais de recibir unha dotación económica en concepto de axuda á produción.
UNS GALARDÓNS QUE SE CONSOLIDARON NO PANORAMA MUSICAL ESPAÑOL
O ‘Premio Selo FestClásica’ busca propiciar novas propostas musicais de proxección internacional desde a rede de festivais e exponse a modo de coprodución entre FestClásica e o grupo seleccionado, que presenta o proxecto en exclusiva neste circuíto. Nesta edición de 2026 e como novidade, o ‘Premio Selo FestClásica’ abriu a súa convocatoria a todo tipo de artistas, ensembles e agrupacións con repertorio pertencente a calquera período histórico-musical e contará cunha dotación de 6.000 euros en concepto de axuda á produción. Belén Vaqueiro & Pérgamo Ensemble conseguiu o ‘Premio Selo FestClásica 2025’. Foi o novo proxecto máis destacado na música clásica nacional con ‘A memoria onde ardía’.
O ‘Premio Ensemble Emerxente FestClásica’ pretende identificar formacións novas de talento excepcional para presentalas na rede de festivais que integran FestClásica e conta cunha dotación económica de 3.000 euros. Os candidatos deben contar cunha traxectoria conxunta de polo menos dous anos e os seus integrantes non poden superar a idade de 32 anos. Os programas que se presentan poden ser de calquera período musical, sendo obrigatoria a inclusión dunha obra de autores españois. Helix Trío, unha das formacións máis prometedoras da súa xeración, obtivo o ‘Premio Ensemble Emerxente FestClásica 2025’. Foi o grupo revelación da música clásica en España este ano presentando ‘Diálogo entre séculos’ na rede de festivais de FestClásica.
FESTCLÁSICA, UNHA PLATAFORMA ÚNICA COMO REFERENCIA DO SECTOR DESDE 2017
FestClásica conta con 47 festivais asociados de 16 comunidades autónomas. Organiza anualmente máis de 1.000 concertos con 11.000 artistas, chegando a 450.000 espectadores e xerando 700 postos de traballo directos cun impacto económico de 60 millóns de euros. Leva desde 2007 integrando aos principais festivais españois de música clásica como plataforma de referencia na difusión e promoción. Nace da oportunidade e necesidade sectorial de xerar unha rede de diálogo, colaboración e interlocución dos principais festivais do territorio español, para fortalecer a coprodución e itinerancia dos proxectos artísticos, dar a coñecer a misión e valores dos seus festivais e potenciar a participación dos máis diversos públicos nas súas programacións. Así mesmo, xorde da necesaria intervención dos festivais no debate e evolución das políticas culturais. FestClásica é membro da European Festivals Association (EFA) e conta co apoio do INAEM, Ministerio de Cultura e Deporte.
Este lume comezou o pasado mércores ás 13,35 horas e afectou finalmente unha superficie de 31,5 hectáreas de monte arborado. Para a súa extinción mobilizáronse, en total, 2 técnicos, 13 axentes, 27 brigadas, 24 motobombas, 3 pas, 3 helicópteros e 2 avións. 
Félix Jorquera pasou polos micrófonos de RadioVoz no Barco Museo Boniteiro Virxe do Carme ao concelleiro de Mar, Ramiro Fernández; á presidenta de Ledicia (entidade organizadora), Rocío Rivera; ao presidente da Fedaración estatal de confraría de pescadores, Basilio Otero; ao xerente de Expomar, José Manuel González; ao membro de Fanto Fantini (entidade organizadora do Festival Osa do Mar), Diego Campo; á pregoeira Paula Jorge Hora; ao cociñeiro Bruno Pena e á alcaldesa e Presidenta da Deputación, Carmela López.
O obxectivo deste aviso é que a cidadanía coñeza esta circunstancia con antelación e, especialmente, que as persoas con sensibilidade aos ruídos, así como as persoas propietarias de animais de compañía, poidan adoptar as medidas que consideren oportunas. O Concello agradece a comprensión e a colaboración durante estes días de celebración.
A obra, dirixida por Pepablo Patinho e preparada por rapaces de 10 a 14 anos ao longo do curso, servirá de antesala ao certame e permitirá visibilizar o labor formativo da Escola e o compromiso de Cariño co teatro desde idades temperás. O Concello anima á veciñanza e visitantes a asistir a esta cita que marca o inicio dunha nova edición na que o teatro volverá situar a vila como referente cultural galego.
Autoridades autonómicas, municipais e representantes da Apehl acompañaron o anuncio. O estand da marca estará na zona VIP da saída de cada etapa, onde se ofrecerán petiscos con produtos lucenses e material promocional, incluída a guía turístico-gastronómica. Cheché Real destacou a continuidade do proxecto e agradeceu o apoio institucional. A acción conta coa colaboración de numerosos consellos reguladores, entidades agroalimentarias e empresas da provincia.
Desde a entidade explican que “con este paso estratégico, la firma busca integrarse activamente en el tejido económico del municipio y colaborar de forma estrecha en la promoción de un modelo de turismo sostenible, desestacionalizado y respetuoso con el entorno natural…”. Engaden que “creemos que para proteger nuestro entorno primero debemos aprender a amarlo” e que “nuestra incorporación a ACISA representa una oportunidad idónea para crear sinergias con la hostelería, el comercio y los servicios locales”. Tamén sinalan que “la adhesión a la patronal ribadense refuerza el compromiso de la empresa con la calidad turística planificada de la zona”. Máis información en 
O evento reunirá artistas e agrupacións que representan a tradición musical da zona, nunha xornada pensada para reivindicar a historia sonora do Val e o legado das súas xeracións de músicos. A programación inclúe un obradoiro musical gratuíto para nenos de 5 a 12 anos, unha mesa redonda moderada polo escritor Lionel Rexes e unha ampla quenda de concertos con participación de intérpretes e grupos vinculados ao territorio. Durante todo o festival poderá visitarse a exposición fotográfica Aquí segue soando a música, que recolle imaxes antigas e actuais para mostrar a evolución musical da comarca desde comezos do século XX ata hoxe. A iniciativa conta coa colaboración do Concello do Valadouro, o Concello de Alfoz, a Xunta de Galicia, a Deputación de Lugo e o CENTRAD.
