Os deputados populares explica que só nas dúas últimas xuntas de goberno, dende ás áreas dirixidas polos nacionalistas, destinaron “595.796,75€ unicamente en convenios” seguindo desta forma a política de Tomé “de colaborar só con municipios da mesma cor política ou mercar afíns”
Lugo, 30 de outubro de 2025. Os deputados nacionalistas do bigoberno de PSOE e BNG semellan “ter tomado boa nota” da folla de ruta marcada por José Tomé trala crise interna de goberno e “iniciaron dende as súas áreas a compra de vontades entre dirixentes da súa mesma cor política ou afíns”.
Os deputados do Grupo Provincial Popular explican que nas dúas últimas xuntas de goberno provincial, dende as áreas coordinadas polos deputados do BNG destinaron 595.796,75€ en catro convenios con tres concellos diferentes. “Todos da súa cor política ou buscando comprar vontades”, sinalaron.
Os convenios aprobados “a porta pechada” son os seguintes:
Xunta de goberno do 10 de outubro: Co Concello de Quiroga, 89.990,75€ para a pavimentación camiño e adquisición remolque e apeiros; e co Concello de Samos, 51.541,12€ para o acondicionamento de local multiusos
Xunta de goberno do 17 de outubro: Co Concello de A Pobra do Brollón, 58.080€ para a adquisición de mini escavadora, remolque e martelo rompedor; e co Concello de Samos, 396.184,88€ para a conservación e reforma pavillón deportivo municipal
Os deputados Grupo Provincial Popular seguen a denunciar “a falta de igualdade e a arbitrariedade” coa que PSOE e BNG empregan os cartos da Deputación, “é dicir, de todos os lucenses” para axudar “única e exclusivamente aos concellos dos seus ‘amiguetes’, aqueles gobernados polas súas mesmas cores políticas ou naqueles que quere obter réditos políticos”: “A realidade é que están a xerar un Plan Deputación B no que unicamente colabora con alcaldes socialistas ou nacionalistas”.
Os populares recordan que “son os concellos gobernados por PSOE e BNG” os que se benefician dos convenios aprobados cada ventes en xunta de goberno xa que “non hai nin un € para máis da metade dos municipios da provincia, xustamente aqueles gobernados por alcaldes do Partido Popular”. “Ao PSOE e ao BNG sempre se lles enche a boca reclamando igualdade, unha igualdade que non son capaces de demostrar co exemplo”, criticaron.
“Non criticamos que se colabore con concellos gobernados por PSOE e BNG, senón que o que criticamos é que só se colabore con eses municipios porque todos os concellos necesitan deses fondos, sendo a realidade que o único que están a conseguir é incrementar as desigualdades entre os veciños da provincia en función do municipio no que residan”, sentenciaron.
Castro destacou o labor da Asociación e o potencial da tradición do ferro como motor económico, social e cultural para Riotorto, subliñando a importancia de impulsar iniciativas que garantan futuro para estes oficios. A Deputación de Lugo mantén unha colaboración estable coa entidade, cunha achega de 14.000 euros. No marco deste apoio, a Asociación avanzou na documentación dos oficios do ferro, catalogando ferramentas, técnicas e a historia das antigas “ferrerías de monte”.
O responsable provincial destacou "o traballo realizado pola organización ao longo destes anos para consolidar unha proba deportiva de primeiro nivel, que atrae tanto deportistas do máximo nivel competitivo como participación popular"
O grupo teatral O Centiño de San Martiño (Foz) actuou este sábado en Marzán, convidado pola asociación veciñal Torques de Marzán. O local quedou pequeno ante a resposta do público: 73 persoas, un récord de asistencia para unha obra de teatro na parroquia. A comedia provocou constantes risas e un ambiente moi participativo. A iniciativa volve demostrar o valor de levar actividade cultural e teatro afeccionado ás parroquias e barrios, achegando propostas escénicas a lugares afastados dos grandes circuítos. O Centiño continuará a xira de “O Autobús” nas vindeiras semanas: Sábado 25 de abril: Vilaronte (Foz). Sábado 2 de maio: Casa da Cultura de Trabada
A xornada contou con degustación gratuíta de viños elaborados por adegas da contorna, unha cata comentada e un mercado de produtos gastronómicos locais, permitindo aos asistentes coñecer de primeira man a riqueza do produto de proximidade. O pregón desta edición correu a cargo de Alejandro Gándara, quen presentou o seu proxecto audiovisual 360 curvas, unha obra que reflexiona sobre a distancia entre A Fonsagrada e Lugo e sobre o conflito social e político asociado á perda da súa condición de cabeceira de comarca, no marco da loita contra a despoboación.
Haberá degustación diaria de ostras na carpa do porto. Concertos, showcookings, visitas guiadas e actividades mariñeiras. Lancha pola ría, exposición de maquetas e concurso fotográfico #somoslasostra2026, ademais propostas especiais en Acueo, La Casilla e Restaurante Peñalba.
A etapa, cun percorrido duns 150 quilómetros, partiu arredor das 11:30 horas e rematou en Barreiros, atravesando concellos como Xermade, Muras, Viveiro ou Foz. A proba reúne a equipos do ciclismo profesional internacional e sitúa a provincia de Lugo como escenario dunha das citas deportivas máis destacadas do calendario. O Goberno colabora no desenvolvemento da carreira a través das Forzas e Corpos de Seguridade do Estado, que velan polo correcto desenvolvemento da proba e pola seguridade de participantes e afeccionados.
A cita contará con charlas, obradoiros, concurso de fotografía e unha ampla zona expositiva. A feira será de acceso gratuíto e está pensada para gozar en familia.
