Os senadores lucenses preguntarán, a petición do alcalde de Mondoñedo, polos motivos de que As San Lucas non gocen na actualidade deste recoñecemento, a pesar de que foi concedido en 1969
Lugo, 25 de outubro de 2025. Os senadores do PP lucense – José Manuel Barreiro, José Manuel Balseiro e Juan Serrano – manifestan a súa fonda preocupación pola situación na que se atopan na actualidade as Festas de As San Lucas, un dos eventos máis relevantes de Mondoñedo e de toda Galicia, que non goza na actualidade do título de Festa de interese Turístico Nacional.
Os senadores do Partido Popular de Lugo preguntarán, a petición do alcalde de Mondoñedo, Manuel Otero, polos motivos que levaron á desaparición deste recoñecemento e instarán a que se activen con urxencia os procedementos formais que permitan recuperar o título de Festa de Interese Turístico Nacional para As San Lucas.
As San Lucas celebran unha tradición practicamente ininterrompida desde o ano 1156, cando o Rei Afonso VII concedeu á vila mindoniense a organización dunha festa de oito días. Ao longo de case nove séculos consolidouse como unha referencia única na que converxen a exaltación do gando, a cultura tradicional e a promoción do tecido agrícola e rural galego. O seu arraigamento social convértea nunha das feiras máis antigas da Comunidade Autónoma, se non a que máis.
En recoñecemento á súa importancia histórica, cultural e económica, As San Lucas obtiveron oficialmente o título de Festa de Interese Turístico Nacional, tal e como recolle o Boletín Oficial do Estado nº 98 do 24 de abril de 1969 (páx. 6144).
Con todo, na actualidade este recoñecemento non figura vixente, unha circunstancia que resulta incomprensible para os senadores populares lucenses, que observan con preocupación a perda dunha distinción que durante décadas avalou a relevancia desta celebración.
Os representantes do PP de Lugo na Cámara Alta reafirman o seu compromiso coa defensa, promoción e posta en valor das Feiras das San Lucas, algo para o que consideran imprescindible garantir que esta celebración histórica continúe a ser recoñecida como un elemento singular do patrimonio festivo e etnográfico de Galicia e de España.
Unha comedia orientada para público adulto dirixida por Cándio Pazó. Hora: 20.30. Sipnose: 1880, Curros Enríquez é denunciado polo bispo de Ourense por uns poemas do seu libro Aires da miña terra, un dos piares do Rexurdimento Galego. A pesar da opinión contraria do fiscal, un xuíz dá curso á denuncia e o célebre escritor é procesado e condenado.
A xornada comezou cun aperitivo no bar O Colorado, onde os socios se reuniron para o tradicional brinde previo ao xantar. O encontro continuou no Restaurante Asturias nun ambiente de fraternidade, gozando dun cocido digno de exaltación e dunha longa sobremesa. Durante a velada, os asistentes compartiron lembranzas e falaron das actividades que a asociación prepara para o futuro, nun ano no que Os Cacholeiros se achegan ao seu 35º aniversario. A entidade aproveita esta celebración para reivindicar unha vez máis os pratos tradicionais, elaborados con produtos locais e de tempada, e o labor dos establecementos hostaleiros do concello e da comarca.
A cita terá lugar ás 14.30 horas no Restaurante Louzao, en Area. A actividade, promovida polo Centro de Información á Muller e pola Delegación Municipal da Muller do Concello de Viveiro, está concibida como un encontro de convivencia e participación arredor do 8M. O prezo do xantar é de 50 euros. O Concello de Viveiro publicará nos vindeiros días a programación completa organizada con motivo do 8M.
A presidenta da Deputación, Carmela López, e outros cargos do PSdeG destacaron o valor do grelo como produto emblemático e subliñaron que iniciativas como esta impulsan a economía local, apoian ao sector produtor e reforzan a identidade do rural lucense.
O distintivo, concedido por ADEAC, recoñece a excelencia ambiental e a xestión sostible do territorio.En 2026 o programa acada cifras récord, con máis de 1.200 km de sendeiros en 154 municipios. A senda franquía destaca pola súa calidade paisaxística e ambiental, ao unir Castello e Porcía a través de acantilados, praias e espazos de alto valor ecolóxico. Este recoñecemento reforza o compromiso de El Franco cun modelo que combina conservación, educación ambiental e turismo sostible, situando o concello na rede estatal de itinerarios de excelencia. A entrega oficial das bandeiras será o 6 de marzo no Castelo de Cullera.
Sinalaron que conta cunha Indicación Xeográfica Protexida con case 70 hectáreas cultivadas, 194 produtores e máis de 215.000 kg certificados en 2025, cun valor superior aos 430.000 euros. Tamén subliñaron que forma parte dos 36 selos de calidade de Galicia e que festas como esta dinamizan o rural e favorecen a venda directa entre produtores e consumidores.
O Restaurante Oviedo-2 será o encargado de elaborar o caldo, o compango e as filloas de sobremesa. O acto incluirá tamén lectura de poemas e música, coa participación de Eli García-Bouso, que interpretará algunhas pezas inspiradas en Rosalía de Castro. O prezo do xantar será de 15 euros para socios/as e 20 euros para non socios/as. As persoas interesadas poden inscribirse enviando un correo a agrupacionfranciscolanza@gmail.com ou mediante unha mensaxe de WhatsApp ao 699 809 606.
