Ribadeo, 16 de outubro de 2025. Ribadeo inviste 50.000 euros máis en diferentes melloras na Escola Municipal de Música e Danza.
O alcalde, Dani Vega, explicou que “seguimos xestionando orzamento e seguimos mellorando os edificios municipais. Neste caso, actuamos na Escola de Música. É a segunda inversión que facemos neste edificio, dado que na primeira inversión que se fixo, melloramos o 50 % das ventás, tamén compramos material para todos os alumnos e alumnas da Escola de Música e actuamos na eficiencia enerxética”.
O rexedor subliñou que “na segunda inversión que facemos o que estamos é mellorando o outro 50 % das ventás, polo tanto agora queda todo o peche do edificio da Escola Municipal arranxado con esa eficiencia enerxética que temos que acreditar e tamén melloramos as portas de acceso. Estamos actuando na mellora da accesibilidade e todo o entorno dos baños. Aquí estamos facendo toda a mellora da fontanería, da eficiencia enerxética e procedendo á eliminación das barreiras arquitectónicas”.
Vega dixo: “estamos a falar dunha inversión de 50.000 euros que o que supón é dar xa practicamente un salto moi cualitativo e cuantitativo na mellora da Escola Municipal de Música. Quedan cousas para facer. Estamos traballando no sistema de calefacción, era unha calefacción de tempos moi pasados, agora xa non funciona, e polo tanto temos que tomar unha decisión. Estamos xestionando ese orzamento e en breve eu creo que vai haber unha boa noticia”.
O alcalde indicou: “é un edificio onde hai máis de 400 alumnos, onde hai un inmoble dedicado á ensinanza e neste caso ter a maior Escola Municipal de toda a provincia de Lugo, eu creo que é moi importante investir tamén na súa mellora”.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
A piscina abrirá de luns a venres de 8:30 a 13:00 e de 15:30 a 22:00, e os sábados de 8:30 a 14:30. O ximnasio manterá horario continuo de luns a venres, de 8:30 a 22:00, e os sábados de 8:30 a 14:30. A tempada arrinca tras diversas melloras nas instalacións, entre elas a renovación da cuberta do polideportivo, cun investimento de 195.000 euros, así como a substitución de portas de emerxencia, a intervención en pontóns das piscinas e o cambio das huellas de volteo. O Concello continúa así reforzando o mantemento e a seguridade dun complexo utilizado diariamente por numerosos veciños e deportistas.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
