De novo os erros da primeira parte condenan aos mariñanos fóra de Vista Alegre.
Burela, 29 de outubro, 2025. Empeza a Copa do Rei para os nosos Pícaros, que xogaron a 3ª eliminatoria ás 21.30h desta noite de mércores nun derbi provincial no pavillón municipal de Lugo, ante o ADC Lugo Sala. Primeira parte para os locais e segunda para o Burela, aínda que o equipo mariñán non conseguiu finalizar con xeito as numerosas ocasións xeradas durante os últimos 20 minutos.
Comeza presionando o Burela aínda que que o primeiro tiro a porta será do Lugo Salga, un disparo frontal de Torero que se adentra na pista, case ata a área, despexando João Silva esa primeira ocasión. Falta perigosísima no minuto 4, con amarela para Alán, case dende a liña da área que despexa João co peito levándose a segunda amarela do encontro e provocando outra falta igual de perigosa, que volve parar do mesmo xeito. Case fai o primeiro Yago Tenreiro no minuto 4, disparando dende a banda, pero vaise polo fondo rozando o segundo pau. Amarela a Izan en o minuto 5, salvando un balón na área e terceira falta peligrosísima do Lugo dende a liña de penalti, que anota Pansi. Solicita o técnico santiagués tempo morto no minuto 7 tentando poñer orde a un Burela desconcentrado, e chega a primeira ocasión clara dos laranxas no 8, un disparo de Marquinho que se vai por riba do traveseiro. Lánzaa fóra Willy nun segundo disparo dende a área tras un rexeite de João tras un contraataque rápido. Falta perigosa para o Burela no 10, dende a liña de área, que anota Jason fusilando a portería, pero segundos despois chega o 2-1, un tanto de Alán en propia porta. Sae Marquinho de porteiro-xogador no minuto 10 e xera dúas ocasións seguidas que logra salvar Torero. Continúa buscando o empate o conxunto mariñán durante os próximos minutos xerando ocasións que non logran entrar baixo paus. A máis clara do xogo, unha boísima combinación entre os 5 xogadores atacantes que remata Jason desde a área con asistencia de Marquinho pero Torero ten bo día e despexa o balón. Continúa o xogo ofensivo do Burela e dispara Izan no 18 un balón que entraría pola escuadra, volvendo despexala Torero a córner coas mans. Volve tentalo Charly no 19 en pleno xogo de cinco cun disparo afastado que se vai polo fondo rozando o pau. Sae Alberto coa elástica negra continuando co xogo de 5 buscando irse ao descanso con empate sen conseguilo. Últimos segundos para o Lugo Sala que tenta coller vantaxe cun disparo directo tras un saque de banda que se vai por encima do largueiro.
Arrinca a segunda parte con moita posesión do balón do Burela pero moita intensidade por parte do Lugo Sala durante os 20 minutos. A pesar dos intentos dos burelenses, con xogo ofensivo e moitas máis ocasións, no minuto 25 Jose logra anotar o 3-1 cun disparo desde a liña de puntos que se coa entre a defensa visitante. Moitos tiros a porta do Burela continúan durante os próximos minutos, unha de Alán, varias de Charly entre outros intentos dos catro xogadores en pista que logra repeler un inspirado Torero así como bastantes tiros que se van fóra. Sae de novo Alberto con xogo de 5 no 35, continuando cunha segunda parte que practicamente enteira xógase na área local. Case a ten Charly no 36 cun bo pase de Alberto desde a área que remata pero despexa Torero. Dobre amarela a Izan no 37 e expulsión, que deixa ao Burela ante unha falta case desde a liña da área e tres xogadores, pero logra despexar Starna e volve xerar Charly atopándose co porteiro lugués nunha subida rápida a pista contraria. De novo téntao Charly segundos despois, volvendo despexar un inspiradísimo Torero. A pesar da inferioridade o Burela logra sobrepoñerse con outro paradón de Starna no 38 tras un remate desde a propia área dos locais. Logra Alberto o 3-2 a un minuto do final cun disparo ao segundo pau, coa camiseta de porteiro-xogador e case empata Pitero segundos despois noutra boa combinación con xogo de 5, pero chega o cuarto, un tanto de Pablo nunha contra rápida a portería baleira que sentencia o partido deixando fóra da competición ao conxunto burelense.
Ficha Técnica ADC Lugo Sala 4-2 Burela FS
ADC Lugo Sala (4): Torero; Pablo, Yago Tenreiro, Pansi, Isi -quinteto inicial-, Willy, Jose, Bruno, Miguel (C).
Burela FS (2): João Silva; Alán, Jason, Charly, Meira -quinteto inicial-, Alberto, Pitero (C), Izan, Marquinho, Starna (P).
Goles: 1-0, min. 5: Pansi. 1-1, min. 10: Jason. 2-1, min, 10: Alán (PP). 3-1, min.25: Jose. 3-2, min.39: Alberto. 4-2, min. 40: Pablo.
Árbitros: Daniel López López, Rubén Ferrero, Andrea González Pontevedra.
Incidencias: Viron tarxeta amarela, por parte do conxunto local, Miguel, Willy e Pablo, Por parte do equipo visitante, Jason, João Silva, Izan (AA) que foi expulsado no minuto 37
Esta cita, xa consolidada dentro da programación estable do centro, permitirá ao público gozar dunha mostra do traballo artístico e formativo desenvolvido ao longo do curso polo alumnado da especialidade. A actividade constitúe unha oportunidade para achegar a danza á cidadanía e poñer en valor o esforzo, a dedicación e a evolución das alumnas e alumnos participantes.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
