O proxecto, gañador do XIII Proxecto Didáctico Antonio Fraguas, permanecerá un mes en Santiago coa previsión de chegar a Burela posteriormente
Burela, 14 de novembro de 2025. A alcaldesa de Burela, Carmela López, acompañou esta mañá ao alumnado e profesorado do IES Monte Castelo na inauguración da exposición “A sustentabilidade das artes de pesca a través do proceso de encascado de redes: o caso de Burela”, que tivo lugar no Museo do Pobo Galego.
O proxecto, gañador do XIII Proxecto Didáctico Antonio Fraguas, foi elaborado polos Departamentos de Xeografía e Historia, Artes, Tecnoloxía, Galego e Francés, coa participación do Ciclo Superior de Química e Saúde Ambiental e baixo a coordinación de Herminia Pernas Oroza. No seu desenvolvemento tamén colaborou a Asociación de Mariñeiros Xubilados e Afíns ‘A Moncloa’, así como o Concello de Burela, que acolleu unha primeira presentación da iniciativa na Casa da Cultura.
A mostra poderá visitarse durante un mes no Museo do Pobo Galego, e o Concello amosou o seu interese en que poida presentarse tamén en Burela máis adiante.
A alcaldesa puxo en valor o traballo realizado polo centro educativo e afirmou que “para Burela é unha honra que un proxecto que nace da nosa realidade mariñeira teña este recoñecemento”. Carmela López salientou ademais que o alumnado fixo un labor “extraordinario” e sinalou que “a intención é que a mostra poida exhibirse no municipio tras o seu paso polo Museo do Pobo Galego”.
Castro destacou o labor da Asociación e o potencial da tradición do ferro como motor económico, social e cultural para Riotorto, subliñando a importancia de impulsar iniciativas que garantan futuro para estes oficios. A Deputación de Lugo mantén unha colaboración estable coa entidade, cunha achega de 14.000 euros. No marco deste apoio, a Asociación avanzou na documentación dos oficios do ferro, catalogando ferramentas, técnicas e a historia das antigas “ferrerías de monte”.
O responsable provincial destacou "o traballo realizado pola organización ao longo destes anos para consolidar unha proba deportiva de primeiro nivel, que atrae tanto deportistas do máximo nivel competitivo como participación popular"
O grupo teatral O Centiño de San Martiño (Foz) actuou este sábado en Marzán, convidado pola asociación veciñal Torques de Marzán. O local quedou pequeno ante a resposta do público: 73 persoas, un récord de asistencia para unha obra de teatro na parroquia. A comedia provocou constantes risas e un ambiente moi participativo. A iniciativa volve demostrar o valor de levar actividade cultural e teatro afeccionado ás parroquias e barrios, achegando propostas escénicas a lugares afastados dos grandes circuítos. O Centiño continuará a xira de “O Autobús” nas vindeiras semanas: Sábado 25 de abril: Vilaronte (Foz). Sábado 2 de maio: Casa da Cultura de Trabada
A xornada contou con degustación gratuíta de viños elaborados por adegas da contorna, unha cata comentada e un mercado de produtos gastronómicos locais, permitindo aos asistentes coñecer de primeira man a riqueza do produto de proximidade. O pregón desta edición correu a cargo de Alejandro Gándara, quen presentou o seu proxecto audiovisual 360 curvas, unha obra que reflexiona sobre a distancia entre A Fonsagrada e Lugo e sobre o conflito social e político asociado á perda da súa condición de cabeceira de comarca, no marco da loita contra a despoboación.
Haberá degustación diaria de ostras na carpa do porto. Concertos, showcookings, visitas guiadas e actividades mariñeiras. Lancha pola ría, exposición de maquetas e concurso fotográfico #somoslasostra2026, ademais propostas especiais en Acueo, La Casilla e Restaurante Peñalba.
A etapa, cun percorrido duns 150 quilómetros, partiu arredor das 11:30 horas e rematou en Barreiros, atravesando concellos como Xermade, Muras, Viveiro ou Foz. A proba reúne a equipos do ciclismo profesional internacional e sitúa a provincia de Lugo como escenario dunha das citas deportivas máis destacadas do calendario. O Goberno colabora no desenvolvemento da carreira a través das Forzas e Corpos de Seguridade do Estado, que velan polo correcto desenvolvemento da proba e pola seguridade de participantes e afeccionados.
A cita contará con charlas, obradoiros, concurso de fotografía e unha ampla zona expositiva. A feira será de acceso gratuíto e está pensada para gozar en familia.
