Coa colaboración da fundación Alcoa, terá lugar o sábado ás oito da tarde na Casa de Cultura
Burela, 12 de novembro de 2025. A Asociación Esperanza de loita contra o cancro, en colaboración coa Fundación Alcoa, organiza un acto de sensibilización e concienciación na loita contra o cancro, que se dessenvolverá o vindeiro sábado, 15 de novembro, na Casa da Cultura de Burela a partires das oito da tarde.
O título do acto, Ritmo pola Esperanza, xa define o contido do mesmo. Por un lado, haberá unha parte lúdica e musical, na que participarán a Escola de Ximnasia Porta Norte e os grupos de música locais Blood Skeletor e Desta Vai. Tamén se sorteará un cadro donado por Jesús San Jose.
E por outro lado, haberá unha parte científica e de explicación dos procesos de investigación que se están levando a cabo en materia oncológica e afondando na sensibilización da ciudadanía, que correrá a cargo do Doutor en Medicina pola Universidade de Santiago e invetigador principal no Laboratorio de Oncoloxía Médica Traslacional (ONCOMET), do Instituto de Investigación Sanitaria (IDIS) da capital galega, Jorge Barbazán García.
O doutor Barbazán é un recoñecido investigador e conta con prestixio dentro da profesión médica e no campo da investigación, e ten traballado en proxectos de investigación en materia de cancros colorectais, entre outros.
Esperanza agarda que este acto sexa atractivo para a veciñanza; acto no que se busca unha vez máis a implicación da mesma na loita contra o cancro tanto na prevención como no resto do proceso da enfermidade, e a sensibilización necesaria para que a investigación nesta materia ten que seguir avanzando, e para iso é precisa a colaboración de todos.
A asociación Esperanza ten como obxectivo, aparte da sensibilización e concienciación, a recaudación de fondos para logo seren donados a distintos proxectos de investigación científica nesta materia.
Finalmente, Esperanza quere mostrar o seu fondo agradecemento a Fundación Alcoa por apoiar iniciativas coma esta dentro da súa Campaña de Impacto Comunitario e aos seus voluntarios. Tamén agradecede a colaboración do Instituto de Investigación Sanitaria, IDIS, e especialmente ao doutor Barbazán.
Non se esquece Esperanza do Hospital Público da Mariña, de Porta Norte e dos grupos musicais Blood Skeletor e Desta vai, así como do Concello de Burela.
A asociación manifesta que por moitas iniciativas que poida ter Esperanza, sen a colaboración e participación desinteresada de todo o mundo que nos apoia, incluida a veciñanza, nada sería posible.
Será o sábado 26 de setembro de 20:00–22:30 no Palacio Santa Emilia de Mondoñedo. Entrada: 34,90 €, inclúe viño seleccionado e aperitivo.
Ás 16 horas deste mércores, o 112 Galicia tivo constancia dunha saída de vía a través do sistema de aviso e-Call do vehículo accidentado. Ocorreu no quilómetro 6 da LU-861, á altura de Santaballa. O propio implicado explicou nese momento que precisaba axuda para saír do vehículo. Nada máis ter constancia, os xestores do 112 Galicia solicitaron a acción de Urxencias Sanitarias de Galicia-061, Garda Civil de Tráfico, Bombeiros de Vilalba e servizos de mantemento da estrada. Os bombeiros axudaron a retirar á persoa do vehículo, mais non foi necesario excarcerar.
O centro conta con espazos para forza, cardio, adestramento funcional e alta intensidade, ademais de propostas acuáticas, ciclo indoor, pilates e programas Les Mills. Dispón tamén dunha área de relax con baño de vapor, duchas especiais e hidromasaxe. O director, Javier Canel, destaca que o obxectivo é ofrecer alternativas para que cada persoa atope o tipo de exercicio que mellor se adapte ás súas necesidades. En setembro, o centro ofrece unha proba gratuíta de tres días e matrícula de balde para novas inscricións.
A partir das 12:00 horas poranse á venda 10.000 abonos ao prezo mínimo garantido, dispoñibles exclusivamente na web oficial do festival. Os prezos serán de 195 € para o abono normal e 295 € para o Pandemonium, con opción de incluír camiseta. A organización recomenda acceder puntualmente á cola virtual e lembra que as entradas deben adquirirse só por canles oficiais para evitar falsificacións. O Resurrection Fest volverá reunir miles de asistentes en Viveiro nunha das grandes citas musicais do verán.
O programa inclúe unha actuación vermú de A Requinta de Lampai ás 14:00, un obradoiro de baile tradicional ás 17:30, os cantos de taberna polos bares a partir das 20:00, pinchos para os grupos participantes ás 22:30 e unha foliada aberta ás 23:30. Os grupos interesados poden inscribirse no 605582624.
A xornada incluirá feira de artesanía desde as 11:30, inauguración ás 12:30 e xantar popular ás 14:45, con tickets dispoñibles ata o 9 de setembro. Haberá showcookings, degustacións, pasarrúas, xogos tradicionais, concentración de Vespas e demostracións de oficios. A organización espera repetir o éxito da última edición, na que se serviron uns 800 pratos.
O delegado territorial da Xunta en Lugo participou este martes nos actos programados con motivo da festividade da Patroa de Ribadeo, Santa María do Campo.
