Ribadeo, 28 de novembro de 2025. O alcalde de Ribadeo, Dani Vega, aposta por regular a presenza de autocaravanas en todo o litoral e insiste en que Ribadeo xa traballa na súa ordenanza, “que outros poderían copiar”.
O alcalde ribadense sinalou que “eu non lle vou arranxar os problemas que as autocaravanas lle poidan ocasionar a Foz. Eu dixen nun foro da FCAM celebrado hai unhas semanas que todos debemos facer algo para regular a súa presenza nos nosos concellos. Non pode ser que aparquen nas vilas e que despois queden a durmir nos aparcadoiros municipais ou nas propias rúas. Non podemos estar como estamos. Algo haberá que facer”.
O rexedor dixo: “en Ribadeo xa estamos elaborando unha ordenanza. O que pode facer o Concello de Foz é copiar e facer o mesmo. Pero o alcalde está mal informado, debería saber que a zona na que estacionan as autocaravanas en Foz non depende de Portos de Galicia, senón que agora mesmo é cousa de Costas, do Estado. E iso o rexedor de Foz debería sabelo”. Vega insistiu: “a Xunta remitiu xa hai uns meses a Costas do Estado a súa proposta de reversión destes terreos, polo que a partir dese momento é competencia da Administración Xeral do Estado aprobar dita reversión”.
Vega engadiu: “lamento a actitude do alcalde de Foz. É a segunda vez que ven confrontar sen necesidade con Ribadeo. Apareceu un día por aquí cun problema que tiña na residencia da terceira idade do seu concello e agora segue coas autocaravanas, que é un fenómeno que temos en todo o litoral e ao que temos que buscarlle solución”.
O grupo, composto por cinco mulleres e sete homes cunha media de 26 anos, foi recibido pola subdelegada do Goberno, Olimpia López, que lles agradeceu o compromiso co servizo público e destacou o papel esencial da Policía Nacional na seguridade cidadá. Oito axentes estarán na Comisaría de Lugo, dous en Monforte e dous en Viveiro. Ao finalizar as prácticas, escollerán destino definitivo segundo a puntuación obtida no proceso selectivo.
A iniciativa busca poñer en valor a diversidade cultural do municipio a través da gastronomía, convidando ás persoas de diferentes países a elaborar pratos típicos que se ofrecerán de forma gratuíta ao público. O Concello asumirá o custo dos ingredientes e asignará a cada participante un posto identificado co seu país de orixe. As inscricións poden realizarse ata o 29 de xullo enviando un correo a feiras@vilalba.es. Rouco chamou á participación para seguir construíndo unha Vilalba aberta e integradora, nunha feira que quere consolidarse como espazo de convivencia e dinamización da feira tradicional.
Ata o 4 de agosto poderán realizarse as renovacións, mantendo as tarifas aprobadas en asemblea: 200 € e 250 € para adultos, e acceso gratuíto para menores grazas ao convenio coa Fundación Imdecum, con opción voluntaria de abono infantil por 40 € con reserva de asento. A partir do 5 de agosto activaranse as novas altas. Os abonos poderán tramitarse a través de CLUBER ou presencialmente na oficina do club, con horario de mañá e tarde en xullo e só de mañá en agosto.
A Presidenta Carmela López destacou o valor deste produto emblemático da Mariña e o traballo do sector pesqueiro. Rocío Rivera e Herminia Pernas puxeron en valor a tradición mariñeira de Burela e o papel dos mariñeiros da Moncloa. O público degustou 450 tapas elaboradas con bonito nunha xornada que serviu de escaparate desta cita gastronómica e de convite a visitar Burela a próxima fin de semana.
As crianzas desfrutaron dunha refrescante xornada con inchables e xogos acuáticos na contorna do complexo deportivo da Veiga.
Trátase dunha mostra de 28 fotografías de gran formato do naturalista Ezequiel Martínez que reivindica a diversidade e a conservación da fauna salvaxe. A iniciativa, organizada polo Concello da Pastoriza en colaboración con ABANCA e Afundación dentro do proxecto Corrente cultural, poderá visitarse de balde ata o 26 de agosto. As imaxes, acompañadas de textos divulgativos elaborados por especialistas de Naturnova, amosan especies emblemáticas como o oso pardo, a cegoña, o cervo ou a aguia imperial, convidando a reflexionar sobre a importancia de protexer o patrimonio natural.
O campo de fútbol do Cascabeiro acolleu o pasado sábado a III Festa do Mexillón, organizada polo Celta Barreiros. Centos de persoas achegáronse a gozar dunha tarde de gastronomía e de música. En total foron servidas 670 racións entre veciñanza e visitantes, que saborearon mexillóns e lacón. Os organizadores amosasen satisfeitos da acollida: “estamos contentos pola boa resposta dos asistentes”. E tiveron palabras de agradecemento “para os Concellos de Barreiros e de Foz pola boa colaboración”.
