Burela, 27 de novembro de 2025. O Pleno do Concello de Burela celebrou hoxe unha sesión ordinaria na que se someteron a aprobación diversos asuntos clave para o desenvolvemento urbanístico, ambiental e social do municipio.
Entre os puntos da orde do día, o Pleno acordou a modificación do gasto plurianual necesaria para continuar avanzando no financiamento da nova Estación Depuradora de Augas Residuais (EDAR), unha infraestrutura que o goberno municipal definiu como “esencial” para o futuro ambiental e urbanístico de Burela.
Así mesmo, aprobouse unha modificación do Plan Xeral de Ordenación Municipal destinada, segundo explicou a corporacion, “a mellorar a súa coherencia técnica e a adaptalo ás necesidades reais do territorio”.
Nun segundo bloque, foi aprobada por uninamidade a moción do BNG, cunha emenda de achega do PP relativa á reivindicación do 25N e a necesidade de incrementar os recursos públicos para facer fronte á violencia de xénero.
Despois, foi rexeitada a moción do Partido Popular sobre a implementación da Lei de Protección dos Dereitos e Benestar dos Animais. Dende o equipo de Goberno sinálase que “esta lei xa está sendo aplicada plenamente en Burela, polo que non é necesario aprobar unha moción ao respecto”.
A continuación, o Pleno aprobou, co voto en contra do Partido Popular, a emenda presentada polo Grupo Socialista á moción do PP relativa á ocupación de vivendas, que reitera o rexeitamento do equipo de goberno “a calquera ocupación ilegal” e aposta pola aplicación de “protocolos rigorosos, a axilización dos procedementos e o reforzo dos sistemas necesarios para garantir a seguridade e a convivencia”.
O goberno municipal puxo de manifesto que a principal problemática residencial de Burela é o difícil acceso á vivenda, condicionado por prezos elevados, pouca oferta de alugueiro e insuficiente vivenda protexida.
Por este motivo, a moción emendada e aprobada insta á Xunta de Galicia e ao Goberno do Estado a incluír á Mariña nos seus plans de vivenda, así como a promover alugueiros accesibles e incrementar a vivenda pública.
A corporación municipal resume a súa posición afirmando que debe haber “tolerancia cero coa ocupación e tolerancia cero coas alarmas falsas. Firmeza na seguridade e seriedade nas políticas de vivenda”.
O grupo, composto por cinco mulleres e sete homes cunha media de 26 anos, foi recibido pola subdelegada do Goberno, Olimpia López, que lles agradeceu o compromiso co servizo público e destacou o papel esencial da Policía Nacional na seguridade cidadá. Oito axentes estarán na Comisaría de Lugo, dous en Monforte e dous en Viveiro. Ao finalizar as prácticas, escollerán destino definitivo segundo a puntuación obtida no proceso selectivo.
A iniciativa busca poñer en valor a diversidade cultural do municipio a través da gastronomía, convidando ás persoas de diferentes países a elaborar pratos típicos que se ofrecerán de forma gratuíta ao público. O Concello asumirá o custo dos ingredientes e asignará a cada participante un posto identificado co seu país de orixe. As inscricións poden realizarse ata o 29 de xullo enviando un correo a feiras@vilalba.es. Rouco chamou á participación para seguir construíndo unha Vilalba aberta e integradora, nunha feira que quere consolidarse como espazo de convivencia e dinamización da feira tradicional.
Ata o 4 de agosto poderán realizarse as renovacións, mantendo as tarifas aprobadas en asemblea: 200 € e 250 € para adultos, e acceso gratuíto para menores grazas ao convenio coa Fundación Imdecum, con opción voluntaria de abono infantil por 40 € con reserva de asento. A partir do 5 de agosto activaranse as novas altas. Os abonos poderán tramitarse a través de CLUBER ou presencialmente na oficina do club, con horario de mañá e tarde en xullo e só de mañá en agosto.
A Presidenta Carmela López destacou o valor deste produto emblemático da Mariña e o traballo do sector pesqueiro. Rocío Rivera e Herminia Pernas puxeron en valor a tradición mariñeira de Burela e o papel dos mariñeiros da Moncloa. O público degustou 450 tapas elaboradas con bonito nunha xornada que serviu de escaparate desta cita gastronómica e de convite a visitar Burela a próxima fin de semana.
As crianzas desfrutaron dunha refrescante xornada con inchables e xogos acuáticos na contorna do complexo deportivo da Veiga.
Trátase dunha mostra de 28 fotografías de gran formato do naturalista Ezequiel Martínez que reivindica a diversidade e a conservación da fauna salvaxe. A iniciativa, organizada polo Concello da Pastoriza en colaboración con ABANCA e Afundación dentro do proxecto Corrente cultural, poderá visitarse de balde ata o 26 de agosto. As imaxes, acompañadas de textos divulgativos elaborados por especialistas de Naturnova, amosan especies emblemáticas como o oso pardo, a cegoña, o cervo ou a aguia imperial, convidando a reflexionar sobre a importancia de protexer o patrimonio natural.
O campo de fútbol do Cascabeiro acolleu o pasado sábado a III Festa do Mexillón, organizada polo Celta Barreiros. Centos de persoas achegáronse a gozar dunha tarde de gastronomía e de música. En total foron servidas 670 racións entre veciñanza e visitantes, que saborearon mexillóns e lacón. Os organizadores amosasen satisfeitos da acollida: “estamos contentos pola boa resposta dos asistentes”. E tiveron palabras de agradecemento “para os Concellos de Barreiros e de Foz pola boa colaboración”.
