A Mariña, 21 de novembro de 2025. Este sábado, 22 de novembro, terá lugar en Xove o cuarto sorteo da campaña De compras polo comercio da Mariña Lucense, que organiza a FCAM. En xogo estarán outros 500 euros en vales de compra.
Desde a FCAM a súa presidenta, Carmen Cruzado, explica que “todas as persoas que desde o 17 ao 22 de novembro estean a facer as súas compras nos negocios asociados ao CCH de Viveiro e nos negocios de Xove poderán participar no sorteo. So teñen que achegarse entre as sete e as oito da tarde polo Centro Cívico de Xove, a obter as súas papeletas. Por cada tícket de compra que nos amosen recibirán un boleto para participar no sorteo que realizaremos a partir das 20:00 horas de mañá, sábado. Haberá tres premios en xogo en vales de compra de 250, 150 e 100 euros”.
Cruzado Iglesias lembra que “como sempre dicimos o obxectivo desta campaña é unha forte aposta polas compras no pequeno comercio e estámolo a facer traendo á Mariña a persoas destacadas pola súa profesión no ámbito do xornalismo, da escritura, do deporte ou do cine. Queremos que elas sexan un reclamo comercial e por iso veñen pasar unha fin de semana con nós”.
Ata Viveiro e Xove vanse achegar esta fin de semana: Jose Ribagorda, xornalista e escritor, editor e presentador de noticias durante máis de 30 anos en Telecinco e TVE, e creador da iniciativa gastronómica “De las cosas del comer”; Pepa Xastre, xornalista, subdirectora de Las Tardes de RNE. Antes muller de radio en Cadea Ser, Onda Cero e Punto Radio e foi tamén editora do Telediario 1 de TVE; Sergio Martín, xornalista, na actualidade traballa en Directo al Grano de TVE e en Las Tardes de RNE, foi director da Canle 24 Horas e director e presentador de La Noche en 24 Horas e Los desayunos de TVE; e Darío Martínez, xornalista e director do programa Luarca na Onda, de Onda Cero, desde hai 26 anos.
A presidenta da FCAM indica que “o que faremos este sábado será visitar xunto a estes convidados o comercio local de Viveiro e diferentes enclaves turísticos deste concello. Pola noitiña estaremos co sorteo en Xove. Esta visita servirá ademais para que saboreen a exquisita gastronomía desta terra”.
Desde a FCAM animan “á clientela dos negocios de Viveiro e de Xove a achegarse este sábado ao Centro Cívico de Xove ao cuarto sorteo da campaña da FCAM De compras polo comercio da Mariña Lucense, que está organizada por esta federación e conta co financiamento da Dirección Xeral de Comercio da Xunta de Galicia.
Unha comedia orientada para público adulto dirixida por Cándio Pazó. Hora: 20.30. Sipnose: 1880, Curros Enríquez é denunciado polo bispo de Ourense por uns poemas do seu libro Aires da miña terra, un dos piares do Rexurdimento Galego. A pesar da opinión contraria do fiscal, un xuíz dá curso á denuncia e o célebre escritor é procesado e condenado.
A xornada comezou cun aperitivo no bar O Colorado, onde os socios se reuniron para o tradicional brinde previo ao xantar. O encontro continuou no Restaurante Asturias nun ambiente de fraternidade, gozando dun cocido digno de exaltación e dunha longa sobremesa. Durante a velada, os asistentes compartiron lembranzas e falaron das actividades que a asociación prepara para o futuro, nun ano no que Os Cacholeiros se achegan ao seu 35º aniversario. A entidade aproveita esta celebración para reivindicar unha vez máis os pratos tradicionais, elaborados con produtos locais e de tempada, e o labor dos establecementos hostaleiros do concello e da comarca.
A cita terá lugar ás 14.30 horas no Restaurante Louzao, en Area. A actividade, promovida polo Centro de Información á Muller e pola Delegación Municipal da Muller do Concello de Viveiro, está concibida como un encontro de convivencia e participación arredor do 8M. O prezo do xantar é de 50 euros. O Concello de Viveiro publicará nos vindeiros días a programación completa organizada con motivo do 8M.
A presidenta da Deputación, Carmela López, e outros cargos do PSdeG destacaron o valor do grelo como produto emblemático e subliñaron que iniciativas como esta impulsan a economía local, apoian ao sector produtor e reforzan a identidade do rural lucense.
O distintivo, concedido por ADEAC, recoñece a excelencia ambiental e a xestión sostible do territorio.En 2026 o programa acada cifras récord, con máis de 1.200 km de sendeiros en 154 municipios. A senda franquía destaca pola súa calidade paisaxística e ambiental, ao unir Castello e Porcía a través de acantilados, praias e espazos de alto valor ecolóxico. Este recoñecemento reforza o compromiso de El Franco cun modelo que combina conservación, educación ambiental e turismo sostible, situando o concello na rede estatal de itinerarios de excelencia. A entrega oficial das bandeiras será o 6 de marzo no Castelo de Cullera.
Sinalaron que conta cunha Indicación Xeográfica Protexida con case 70 hectáreas cultivadas, 194 produtores e máis de 215.000 kg certificados en 2025, cun valor superior aos 430.000 euros. Tamén subliñaron que forma parte dos 36 selos de calidade de Galicia e que festas como esta dinamizan o rural e favorecen a venda directa entre produtores e consumidores.
O Restaurante Oviedo-2 será o encargado de elaborar o caldo, o compango e as filloas de sobremesa. O acto incluirá tamén lectura de poemas e música, coa participación de Eli García-Bouso, que interpretará algunhas pezas inspiradas en Rosalía de Castro. O prezo do xantar será de 15 euros para socios/as e 20 euros para non socios/as. As persoas interesadas poden inscribirse enviando un correo a agrupacionfranciscolanza@gmail.com ou mediante unha mensaxe de WhatsApp ao 699 809 606.
