Castro de Rei/Cospeito, 19 de novembro, 2025. As familias de Castro de Ribeiras de Lea e Cospeito denuncian unha situación alarmante e insostible na atención pediátrica da comarca. Nos últimos días, no Centro de Saúde de Cospeito rematou o contrato da enfermeira pediátrica con especialización e anunciouse que a praza non será substituída. Esta decisión deixa ás crianzas sen unha referencia profesional especializada e traslada ao persoal de enfermaría tarefas que requiren unha formación específica que o sistema non está garantindo.
En paralelo, Castro de Ribeiras de Lea leva anos sen contar con enfermeira pediátrica especializada, unha ausencia reiteradamente sinalada pola propia pediatra debido á complexidade asistencial da zona: un número moi elevado de crianzas, familias con orixes diversas e múltiples casuísticas que precisan un seguimento profesional especializado para garantir unha atención seguira, áxil e acorde ás necesidades reais do territorio.
A pediatra que atende actualmente os concellos de Castro de Rei, Cospeito e Outeiro de Rei xa advertiu reiteradamente da sobrecarga e do risco asistencial que supón esta situación. Tras a perda da enfermeira especializada de Cospeito, só un destes tres concellos contará con este perfil profesional, evidenciando un desequilibrio evidente entre os servizos que reciben as áreas urbanas e a realidade das zonas rurais. A profesional advertiu ademais que solicitará un traslado se non se restablecen as condicións mínimas de calidade asistencial. O que deixaría ás crianzas da comarca nunha situación de desamparo sanitario absoluto.
As familias lembran que este desmantelamento progresivo -primeiro Castro de Ribeiras de Lea, agora en Cospeito- é unha mostra evidente do abandono continuado do rural por parte do Sergas, e alertan de que esta falta de planificación compromete de maneira directa a saúde infantil: adaptación de calendarios de vacinación internacional, seguimento de menores con necesidades específicas, atención temperá, prevención e coidados pediátricos que requiren formación especializada quedan agora seriamente en risco.
Ante esta situación, as familias fan un chamamento firme e urxente á Xunta de Galicia e ao SERGAS para que restitúan de inmediato o persoal de enfermería pediátrica especializada e garantan medios suficientes para unha atención pediátrica digna, segura e equitativa en Castro de Ribeiras de Lea e Cospeito.
“As crianzas destes concellos merecen o mesmo respecto, protección e recursos que calquera outra de calquera cidade ou núcleo urbano”, conclúen.
O Restaurante Oviedo-2 será o encargado de elaborar o caldo, o compango e as filloas de sobremesa. O acto incluirá tamén lectura de poemas e música, coa participación de Eli García-Bouso, que interpretará algunhas pezas inspiradas en Rosalía de Castro. O prezo do xantar será de 15 euros para socios/as e 20 euros para non socios/as. As persoas interesadas poden inscribirse enviando un correo a agrupacionfranciscolanza@gmail.com ou mediante unha mensaxe de WhatsApp ao 699 809 606.
Neste espazo radiofónico, de 12 a 14 horas, Félix Jorquera falará coa directora do IES de Foz, Leticia Maseda, co coordinador do evento, José Ríos, así como con alumnado e profesorado participante e moi implicado nos Campionatos Internacionais de Baristas e Catas de Café, que estes días enchen Foz de xente e de aroma cafeteiro.
Os propietarios, Javier Montero e Tita Iglesias, recolleron o recoñecemento na Coruña, agradecendo o apoio da clientela, do seu equipo —formado integramente por mulleres— e da propia guía. O establecemento mantén esta recomendación desde 2021 e suma tamén un Sol Repsol, obtido en 2024 e renovado para 2026. O hotel restaurante Javier Montero abriu as súas portas en novembro de 2018.
Unha comedia orientada para público adulto dirixida por Cándido Pazó. Hora: 20.30. Sipnose: 1880, Curros Enríquez é denunciado polo bispo de Ourense por uns poemas do seu libro Aires da miña terra, un dos piares do Rexurdimento Galego. A pesar da opinión contraria do fiscal, un xuíz dá curso á denuncia e o célebre escritor é procesado e condenado.
A xornada comezou cun aperitivo no bar O Colorado, onde os socios se reuniron para o tradicional brinde previo ao xantar. O encontro continuou no Restaurante Asturias nun ambiente de fraternidade, gozando dun cocido digno de exaltación e dunha longa sobremesa. Durante a velada, os asistentes compartiron lembranzas e falaron das actividades que a asociación prepara para o futuro, nun ano no que Os Cacholeiros se achegan ao seu 35º aniversario. A entidade aproveita esta celebración para reivindicar unha vez máis os pratos tradicionais, elaborados con produtos locais e de tempada, e o labor dos establecementos hostaleiros do concello e da comarca.
A cita terá lugar ás 14.30 horas no Restaurante Louzao, en Area. A actividade, promovida polo Centro de Información á Muller e pola Delegación Municipal da Muller do Concello de Viveiro, está concibida como un encontro de convivencia e participación arredor do 8M. O prezo do xantar é de 50 euros. O Concello de Viveiro publicará nos vindeiros días a programación completa organizada con motivo do 8M.
A presidenta da Deputación, Carmela López, e outros cargos do PSdeG destacaron o valor do grelo como produto emblemático e subliñaron que iniciativas como esta impulsan a economía local, apoian ao sector produtor e reforzan a identidade do rural lucense.
