A gala de premiación terá lugar o vindeiro domingo, 30 de novembro
Barreiros, 13 de novembro de 2025. O circuíto de carreiras populares +KmsBarreiros 2025, promovido polo Concello de Barreiros que sufraga os gastos do cronometraxe e seguros das probas, rematou esta fin de semana coa carreira popular “Ao Son do Masma” celebrada en Celeiro de Mariñaos e organizada polo Colectivo Cultural Ollomao.
Logo de disputarse as seis probas que integran o calendario; a carreira solidaria de Reis (xaneiro), a carreira das Praias, (abril), o 1/2 km Vertical (xullo), a carreira Benquerencia Terra-Mar (agosto), o trail Monte Comado (outubro) e a carreira Ao Son do Masma (novembro), resultaron vencedores absolutos/as Miriam Folgueira Rico e David Manuel Martínez Rodil.
Completan o pódium feminino Romina Reimondo Gasalla (2ª) e Lourdes López Villar (3ª), mentres que na categoría masculina acompañan ao campión, Óscar Murado (2º) e Manuel Pérez (3º).
A boa participación nesta cuarta edición do circuíto afianza o proxecto +KmsBarreiros como unha referencia, xa non só na Mariña lucense, se non tamén en toda a provincia e occidente de Asturias, no que se combina deporte, natureza e dinamización social.
A gala final de premiación celebrarase o domingo, 30 de novembro, na Praza do Concello de Barreiros, onde se recoñecerá o esforzo das persoas participantes de todas as categorías.
As e os atletas das categorías de menores que completasen tres das cinco probas recibirán un obsequio, mentres que as e os gañadores das categorías de adultos obterán trofeos e premios en metálico.
En total, repartiranse 1.000 euros en premios: 150€, 100€ e 75€ para os tres primeiros postos das clasificacións absolutas, e 35€ para as e os vencedores de cada categoría adulta. Ademais, entregaranse trofeos especiais ás persoas que completasen as seis probas do circuíto, como recoñecemento á súa fidelidade e regularidade.
Desde o Concello de Barreiros agradecen a colaboración da Vicepresidencia da Deputación de Lugo e das asociacións organizadoras das probas: Praias de Comado, Augas Santas de Barreiros e Ollamo, así como o apoio prestado pola agrupación de voluntarios de Protección Civil de Barreiros e o tecido empresarial que apoia estas iniciativas deportivas.
As clasificacións:
Absoluta feminina:
1. Miriam Folgueira Rico
2. Romina Reimondo Gasalla
3. Lourdes López Villar
Absoluta masculina:
1. David Manuel Martínez Rodil
2. Óscar Murado
3. Manuel Pérez Pérez
Sub 10 feminina:
1. Celtia López Ojen
Sub 10 masculina:
1. Manuel Valle Lis
Sub 12 feminina:
1. Icía López Ojen
Sub 12 masculina:
1. Jesús García García
Sub 14 feminina:
1. Noa Villota Pernas
Sub 14 masculina:
1. Bruno Pintos López
Sub 16 feminina:
1. Helia García González
Sub 16 masculina:
1. Pedro Moirón Soto
Sub 23 feminina:
Deserta
Sub 23 masculina:
1. Juan David Prado López
Sénior feminina:
1. Miriam Folgueira Rico
Sénior masculina:
1. Rafael Castro Sinfontes
Master A feminina:
1. Romina Reimondo Gasalla
Master A masculino:
1. David Manuel Martínez Rodil
Master B feminina:
1. Sonia González Valea
Master B masculino:
1. Óscar Murado
Master C femininia:
1. Lucía López Palmeiro
Master C masculino:
1. José Antonio Orozco Vázquez
As clasificacións completas así como toda a información do circuíto pode consultarse na web www.maiskmsbarreiros.gal
Unha comedia orientada para público adulto dirixida por Cándio Pazó. Hora: 20.30. Sipnose: 1880, Curros Enríquez é denunciado polo bispo de Ourense por uns poemas do seu libro Aires da miña terra, un dos piares do Rexurdimento Galego. A pesar da opinión contraria do fiscal, un xuíz dá curso á denuncia e o célebre escritor é procesado e condenado.
A xornada comezou cun aperitivo no bar O Colorado, onde os socios se reuniron para o tradicional brinde previo ao xantar. O encontro continuou no Restaurante Asturias nun ambiente de fraternidade, gozando dun cocido digno de exaltación e dunha longa sobremesa. Durante a velada, os asistentes compartiron lembranzas e falaron das actividades que a asociación prepara para o futuro, nun ano no que Os Cacholeiros se achegan ao seu 35º aniversario. A entidade aproveita esta celebración para reivindicar unha vez máis os pratos tradicionais, elaborados con produtos locais e de tempada, e o labor dos establecementos hostaleiros do concello e da comarca.
A cita terá lugar ás 14.30 horas no Restaurante Louzao, en Area. A actividade, promovida polo Centro de Información á Muller e pola Delegación Municipal da Muller do Concello de Viveiro, está concibida como un encontro de convivencia e participación arredor do 8M. O prezo do xantar é de 50 euros. O Concello de Viveiro publicará nos vindeiros días a programación completa organizada con motivo do 8M.
A presidenta da Deputación, Carmela López, e outros cargos do PSdeG destacaron o valor do grelo como produto emblemático e subliñaron que iniciativas como esta impulsan a economía local, apoian ao sector produtor e reforzan a identidade do rural lucense.
O distintivo, concedido por ADEAC, recoñece a excelencia ambiental e a xestión sostible do territorio.En 2026 o programa acada cifras récord, con máis de 1.200 km de sendeiros en 154 municipios. A senda franquía destaca pola súa calidade paisaxística e ambiental, ao unir Castello e Porcía a través de acantilados, praias e espazos de alto valor ecolóxico. Este recoñecemento reforza o compromiso de El Franco cun modelo que combina conservación, educación ambiental e turismo sostible, situando o concello na rede estatal de itinerarios de excelencia. A entrega oficial das bandeiras será o 6 de marzo no Castelo de Cullera.
Sinalaron que conta cunha Indicación Xeográfica Protexida con case 70 hectáreas cultivadas, 194 produtores e máis de 215.000 kg certificados en 2025, cun valor superior aos 430.000 euros. Tamén subliñaron que forma parte dos 36 selos de calidade de Galicia e que festas como esta dinamizan o rural e favorecen a venda directa entre produtores e consumidores.
O Restaurante Oviedo-2 será o encargado de elaborar o caldo, o compango e as filloas de sobremesa. O acto incluirá tamén lectura de poemas e música, coa participación de Eli García-Bouso, que interpretará algunhas pezas inspiradas en Rosalía de Castro. O prezo do xantar será de 15 euros para socios/as e 20 euros para non socios/as. As persoas interesadas poden inscribirse enviando un correo a agrupacionfranciscolanza@gmail.com ou mediante unha mensaxe de WhatsApp ao 699 809 606.
