Ribadeo, 7 de novembro, 2025Ribadeo está a dar unha mala imaxe no tema da limpeza, afirma o BNG. “Paseando polas nosas rúas e polas nosas parroquias acabamos sufrindo os malos olores dos contedores e das beirarrúas contiguas. Hai moitos sen tapa e cheiran abondo por estaren sucios ou polo líquido que soltan tras meses sen baldealos. Ademais, moitos foron cambiados de sitio de xeito arbitrario e parte deles retirados. Tal é así que se ven menos contedores que antes. Todo isto causa malestar entre a veciñanza, tanto polo ulido desagradábel como polo seu cambio arbitrario de lugar, ou porque hai menos”.
“Esta redución de contedores está a dar lugar a situacións ben chocantes: no camiño de Santiago, na parroquia de Ove, pódese ver lixo amontoado no lugar onde deberían estar os contedores. E isto leva pasando así varias semanas. Tamén temos comprobado que na baixada cara a Mirasol, no lugar que antes ocupaban os contedores, agora hai abandonados restos de varias lápidas”.
“A ordenanza municipal de limpeza e xestión de residuos do Concello de Ribadeo, no seu capítulo II, referido á colocación de carteis de publicidade na vía pública, deixa ben claro como actuar. Pero, pola contra, a realidade é moi teimuda. Despois de ter pintado muros (por certo, a maioría privados) para evitar unha colocación masiva de carteis, agora úsanse os escaparates e fachadas de negocios pechados para facer publicidade. Os paneis deseñados por este goberno municipal do PP para tal función non son útiles: non hai maneira de pegar nada neles”.
“Ben notamos na Casa Maseda os efectos desta situación. Algunhas das súas cristaleiras son empregadas para pegar nelas carteis anunciando actos de todo tipo. A maiores, os paneis alí colocados levan meses moi deteriorados sen que o goberno municipal actuara sobre eles, dando unha imaxe deplorábel”.
“Estamos xa no mes de novembro e isto non mellora. No verán, o goberno municipal alegaba que a cantidade de xente que nos visitaba requiría da máxima atención e que estas cousas que xa demandabamos antes podían agardar. Non sabemos qué máxima atención puideron recibir, a non ser a dos máximos cheiros dos contedores nas principais rúas polas que a xente comezaba a visitar a nosa vila. Pero agora, xa en pleno inverno, non hai xustificación ningunha que valga. Para cando pensa acometer Daniel Vega e o seu equipo de goberno a solución a todos estes problemas?”, conclúen desde o BNG
O grupo teatral O Centiño de San Martiño (Foz) actuou este sábado en Marzán, convidado pola asociación veciñal Torques de Marzán. O local quedou pequeno ante a resposta do público: 73 persoas, un récord de asistencia para unha obra de teatro na parroquia. A comedia provocou constantes risas e un ambiente moi participativo. A iniciativa volve demostrar o valor de levar actividade cultural e teatro afeccionado ás parroquias e barrios, achegando propostas escénicas a lugares afastados dos grandes circuítos. O Centiño continuará a xira de “O Autobús” nas vindeiras semanas: Sábado 25 de abril: Vilaronte (Foz). Sábado 2 de maio: Casa da Cultura de Trabada
A xornada contou con degustación gratuíta de viños elaborados por adegas da contorna, unha cata comentada e un mercado de produtos gastronómicos locais, permitindo aos asistentes coñecer de primeira man a riqueza do produto de proximidade. O pregón desta edición correu a cargo de Alejandro Gándara, quen presentou o seu proxecto audiovisual 360 curvas, unha obra que reflexiona sobre a distancia entre A Fonsagrada e Lugo e sobre o conflito social e político asociado á perda da súa condición de cabeceira de comarca, no marco da loita contra a despoboación.
Dezaoito locais hostaleiros de Ribadeo, Rinlo e Vilaframil ofrecerán diversas preparacións ata o domingo: en escabeche, en salpicón, en empanada, ao allo, á prancha, en albóndega, etc… Todas as propostas poden consultarse nas redes sociais de Acisa Ribadeo, que agradece “unha vez máis o apoio da OPP do Porto de Burela, que nos doou 90 quilos de cabala para estas xornadas, produto que entregamos de xeito gratuíto aos locais participantes. Achegámoslles así unha parte do peixe que empregarán nesta nova cita gastronómica na que tamén colabora o Concello de Ribadeo”. Ata o porto, ao restaurante Marinero, se achegaron este venres o director territorial da Consellería de Mar, Alexandre Piñeiro, as concelleiras ribadenses Montse Seijo, Elena Sierra e Begoña Sanjurjo, a presidenta de Acisa, Carmen Cruzado, o xerente do colectivo empresarial, Jesús Pérez, e o técnico de Acisa, Jorge Fernández, que puideron degustar as elaboracións realizadas por este establecemento hostaleiro.
O sábado tivo lugar no Casino o III Showcooking, con cociña en directo e maridaxe de viños. O público poderá votar os seus pinchos favoritos e participar no sorteo dunha noite no hotel Marqués de Riscal. A entrega de premios será o luns 20 ás 19:00 h. O Concello e Destino Navia animan a veciños e visitantes a gozar desta cita gastronómica.
Haberá degustación diaria de ostras na carpa do porto. Concertos, showcookings, visitas guiadas e actividades mariñeiras. Lancha pola ría, exposición de maquetas e concurso fotográfico #somoslasostra2026, ademais propostas especiais en Acueo, La Casilla e Restaurante Peñalba.
A etapa, cun percorrido duns 150 quilómetros, partiu arredor das 11:30 horas e rematou en Barreiros, atravesando concellos como Xermade, Muras, Viveiro ou Foz. A proba reúne a equipos do ciclismo profesional internacional e sitúa a provincia de Lugo como escenario dunha das citas deportivas máis destacadas do calendario. O Goberno colabora no desenvolvemento da carreira a través das Forzas e Corpos de Seguridade do Estado, que velan polo correcto desenvolvemento da proba e pola seguridade de participantes e afeccionados.
A cita contará con charlas, obradoiros, concurso de fotografía e unha ampla zona expositiva. A feira será de acceso gratuíto e está pensada para gozar en familia.
