A quinta entrega desta serie de veladas será o sábado 13 de decembro a partir das 20 horas, no centro social burelao
Burela, 26 de novembro, 2025. O centro social Xebra continúa a súa aposta pola música electrónica co regreso das festas XEBRAXKP, unha iniciativa que cada ano reúne propostas da escena electrónica a nivel galego e internacional. Este quinto encontro, que terá lugar o sábado 13 de decembro a partir das 20 horas, reunirá a Amsia e Death Whistle, dous proxectos de diferentes xeografías da península.
Amsia é unha figura referencial na música experimental vasca. Bautizado por ‘Carlos Desastre’ nos seus inicios, hai máis de dúas décadas, o artista é tamén membro fundador de 333modules, empresa adicada ao deseño, construción e venta de módulos para sintetizadores en formato Eurorack. Alén da súa longa traxectoria profesional e artística, o músico aterra en Burela cunha proposta que combina tradición e risco, ruído e folklore. A nivel técnico, o seu traballo aséntase nas orquestracións MIDI e os sons sintetizados, os discos de vinilo ou as librarías de samplers. Presenta un collage sonoro de resultado caótico e impredecible, músicas con tintes dramáticos que convidan o público a se mergullar nun imaxinario sonoro desordenado e de beleza hipnótica.
Completa o programa unha proposta da comarca. Death Whistle é o proxecto do viveirés Víctor García, deseñador sonoro e explorador audiovisual que consolidou ao longo dos anos unha linguaxe propia dentro da electrónica galega. Os seus directos oscilan polas paisaxes sonoras, o ruído emocional e as melodías punzantes sonoras. Ofrece unha experiencia inmersiva que xa puido degustar o público de festivais como o WOS, Tesla, Modularday Barcelona ou Fanzine. Para esta ocasión, Death Whistle dará renda soltar a sua faceta mais pisteira cun directo que transitará entre o cyber Glitch, ebm, techno, electro e noise.
Organización e artistas convidan a amantes da música electrónica a asistir á cita, que promete ser un entremés ás celebracións natalicias e un capítulo máis na xa consolidada saga de electrónica mariñá.
Castro destacou o labor da Asociación e o potencial da tradición do ferro como motor económico, social e cultural para Riotorto, subliñando a importancia de impulsar iniciativas que garantan futuro para estes oficios. A Deputación de Lugo mantén unha colaboración estable coa entidade, cunha achega de 14.000 euros. No marco deste apoio, a Asociación avanzou na documentación dos oficios do ferro, catalogando ferramentas, técnicas e a historia das antigas “ferrerías de monte”.
O responsable provincial destacou "o traballo realizado pola organización ao longo destes anos para consolidar unha proba deportiva de primeiro nivel, que atrae tanto deportistas do máximo nivel competitivo como participación popular"
O grupo teatral O Centiño de San Martiño (Foz) actuou este sábado en Marzán, convidado pola asociación veciñal Torques de Marzán. O local quedou pequeno ante a resposta do público: 73 persoas, un récord de asistencia para unha obra de teatro na parroquia. A comedia provocou constantes risas e un ambiente moi participativo. A iniciativa volve demostrar o valor de levar actividade cultural e teatro afeccionado ás parroquias e barrios, achegando propostas escénicas a lugares afastados dos grandes circuítos. O Centiño continuará a xira de “O Autobús” nas vindeiras semanas: Sábado 25 de abril: Vilaronte (Foz). Sábado 2 de maio: Casa da Cultura de Trabada
A xornada contou con degustación gratuíta de viños elaborados por adegas da contorna, unha cata comentada e un mercado de produtos gastronómicos locais, permitindo aos asistentes coñecer de primeira man a riqueza do produto de proximidade. O pregón desta edición correu a cargo de Alejandro Gándara, quen presentou o seu proxecto audiovisual 360 curvas, unha obra que reflexiona sobre a distancia entre A Fonsagrada e Lugo e sobre o conflito social e político asociado á perda da súa condición de cabeceira de comarca, no marco da loita contra a despoboación.
Haberá degustación diaria de ostras na carpa do porto. Concertos, showcookings, visitas guiadas e actividades mariñeiras. Lancha pola ría, exposición de maquetas e concurso fotográfico #somoslasostra2026, ademais propostas especiais en Acueo, La Casilla e Restaurante Peñalba.
A etapa, cun percorrido duns 150 quilómetros, partiu arredor das 11:30 horas e rematou en Barreiros, atravesando concellos como Xermade, Muras, Viveiro ou Foz. A proba reúne a equipos do ciclismo profesional internacional e sitúa a provincia de Lugo como escenario dunha das citas deportivas máis destacadas do calendario. O Goberno colabora no desenvolvemento da carreira a través das Forzas e Corpos de Seguridade do Estado, que velan polo correcto desenvolvemento da proba e pola seguridade de participantes e afeccionados.
A cita contará con charlas, obradoiros, concurso de fotografía e unha ampla zona expositiva. A feira será de acceso gratuíto e está pensada para gozar en familia.
