O filme inclúese no VIII Ciclo de Cine e Mulleres Rurais organizado polo Ministerio de Agricultura, Pesca e Alimentación
Barreiros, 14 de novembro de 2025. O Concello de Barreiros proxectará o domingo, 16 de novembro, a película “Prefiro Condenarme”, da cineasta galega Margarita Ledo Andión, dentro da programación municipal de9dicada á loita contra a violencia machista.
O filme enmarcase no VIII Ciclo de Cine e Mulleres Rurais que organiza o Ministerio de Agricultura, Pesca e Alimentación e consta dunha selección de quince longametraxes e curtametraxes que abordan a vida das mulleres rurais desde diversos ángulos de visión.
A proxección terá lugar ás 18:00 horas no Centro Sociocultural de San Cosme. A película, estreada o pasado ano nas xornadas previas ao Día Internacional para a Eliminación da Violencia contra as Mulleres, é un documental dramático que relata a historia real de Sagrario Ribela Fra, mariscadora da ría de Ferrol e interpretada por si mesma, que tivo que facer fronte a un xuízo por adulterio durante a ditadura franquista, a maiores da violencia e crueldade sufrida durante anos polo que era o seu marido.
A concelleira de Igualdade, Montse Porteiro, sinalou que “con esta proxección, desde o Concello de Barreiros, queremos aportar o noso gran de area na visibilización da loita das mulleres galegas de clase traballadora pola liberdade e pola igualdade, ao tempo que manifestamos o total rexeitamento ás violencias contra as mulleres que sigue a exercer o patriarcado”.
Creación dun punto lila na Biblioteca Municipal de Barreiros e exposición “Mulleres por Mulleres” no Centro Social de San Xusto
Coincidindo co día internacional das bibliotecas, o pasado 24 de outubro foi inaugurado na biblioteca pública de Barreiros un punto lila coa doazón de libros sobre feminismo e loita contra as violencias machistas financiada con fondos do Pacto de Estado contra a Violencia de Xénero. Con esta iniciativa preténdese sensibilizar a través da lectura e sementar o xerme que promova un cambio neste senso.
Tamén no mes de outubro foi inaugurada no centro social de San Xusto a exposición “Mulleres por mulleres” que o ano pasado abriu a programación do 25 de novembro. Neste mesmo acto foi entregado un lote de libros de temática feminista á biblioteca rural se San Xusto.
Lectura da declaración institucional o martes 25 de novembro
A área de igualdade do goberno de Barreiros dará lectura á declaración institucional contra a violencia, contra quen maltrata e contra quen a nega ou a relativiza, o propio martes 25 de novembro ás 12 horas na Praza do Concello. Desde días previos pendurará do seu balcón a faixa da campaña á que estamos adheridas desde o ano 2019, “ En Negro Contra as Violencias”.
O Restaurante Oviedo-2 será o encargado de elaborar o caldo, o compango e as filloas de sobremesa. O acto incluirá tamén lectura de poemas e música, coa participación de Eli García-Bouso, que interpretará algunhas pezas inspiradas en Rosalía de Castro. O prezo do xantar será de 15 euros para socios/as e 20 euros para non socios/as. As persoas interesadas poden inscribirse enviando un correo a agrupacionfranciscolanza@gmail.com ou mediante unha mensaxe de WhatsApp ao 699 809 606.
Neste espazo radiofónico, de 12 a 14 horas, Félix Jorquera falará coa directora do IES de Foz, Leticia Maseda, co coordinador do evento, José Ríos, así como con alumnado e profesorado participante e moi implicado nos Campionatos Internacionais de Baristas e Catas de Café, que estes días enchen Foz de xente e de aroma cafeteiro.
Os propietarios, Javier Montero e Tita Iglesias, recolleron o recoñecemento na Coruña, agradecendo o apoio da clientela, do seu equipo —formado integramente por mulleres— e da propia guía. O establecemento mantén esta recomendación desde 2021 e suma tamén un Sol Repsol, obtido en 2024 e renovado para 2026. O hotel restaurante Javier Montero abriu as súas portas en novembro de 2018.
Unha comedia orientada para público adulto dirixida por Cándido Pazó. Hora: 20.30. Sipnose: 1880, Curros Enríquez é denunciado polo bispo de Ourense por uns poemas do seu libro Aires da miña terra, un dos piares do Rexurdimento Galego. A pesar da opinión contraria do fiscal, un xuíz dá curso á denuncia e o célebre escritor é procesado e condenado.
A xornada comezou cun aperitivo no bar O Colorado, onde os socios se reuniron para o tradicional brinde previo ao xantar. O encontro continuou no Restaurante Asturias nun ambiente de fraternidade, gozando dun cocido digno de exaltación e dunha longa sobremesa. Durante a velada, os asistentes compartiron lembranzas e falaron das actividades que a asociación prepara para o futuro, nun ano no que Os Cacholeiros se achegan ao seu 35º aniversario. A entidade aproveita esta celebración para reivindicar unha vez máis os pratos tradicionais, elaborados con produtos locais e de tempada, e o labor dos establecementos hostaleiros do concello e da comarca.
A cita terá lugar ás 14.30 horas no Restaurante Louzao, en Area. A actividade, promovida polo Centro de Información á Muller e pola Delegación Municipal da Muller do Concello de Viveiro, está concibida como un encontro de convivencia e participación arredor do 8M. O prezo do xantar é de 50 euros. O Concello de Viveiro publicará nos vindeiros días a programación completa organizada con motivo do 8M.
A presidenta da Deputación, Carmela López, e outros cargos do PSdeG destacaron o valor do grelo como produto emblemático e subliñaron que iniciativas como esta impulsan a economía local, apoian ao sector produtor e reforzan a identidade do rural lucense.
