Trabada, 24 de novembro de 2025. O Concello de Trabada informa da reapertura da bolsa de emprego para a prestación do Servizo de Axuda no Fogar (SAF), co obxectivo de reforzar o persoal dispoñible ante o aumento da demanda e das horas de atención que se están a prestar no municipio.
Nas últimas semanas produciuse un incremento significativo do número de usuarios atendidos, así como das necesidades específicas de apoio nos seus fogares, motivo polo cal resulta imprescindible incorporar novos profesionais para garantir un servizo de calidade e unha resposta axeitada ás persoas dependentes.
O alcalde de Trabada, Rubén García Freije, explicou que “o SAF é un dos servizos sociais esenciais que ofrece o Concello, e estamos a facer un esforzo continuo por garantir unha atención próxima, profesional e adaptada ás necesidades reais da nosa veciñanza. A ampliación do persoal é fundamental para seguir prestando un servizo digno e eficaz”.
A partir de mañá, abrirase o prazo de presentación de solicitudes, que permanecerá aberto durante dez días. As persoas interesadas poderán consultar as bases e presentar a documentación necesaria nas oficinas municipais dentro do horario de atención ao público.
Con esta medida, o Concello de Trabada reforza o seu compromiso coa mellora dos servizos sociais e coa atención ás persoas dependentes, garantindo que poidan continuar vivindo nos seus fogares con seguridade, apoio e acompañamento profesional.
Unha comedia orientada para público adulto dirixida por Cándio Pazó. Hora: 20.30. Sipnose: 1880, Curros Enríquez é denunciado polo bispo de Ourense por uns poemas do seu libro Aires da miña terra, un dos piares do Rexurdimento Galego. A pesar da opinión contraria do fiscal, un xuíz dá curso á denuncia e o célebre escritor é procesado e condenado.
A xornada comezou cun aperitivo no bar O Colorado, onde os socios se reuniron para o tradicional brinde previo ao xantar. O encontro continuou no Restaurante Asturias nun ambiente de fraternidade, gozando dun cocido digno de exaltación e dunha longa sobremesa. Durante a velada, os asistentes compartiron lembranzas e falaron das actividades que a asociación prepara para o futuro, nun ano no que Os Cacholeiros se achegan ao seu 35º aniversario. A entidade aproveita esta celebración para reivindicar unha vez máis os pratos tradicionais, elaborados con produtos locais e de tempada, e o labor dos establecementos hostaleiros do concello e da comarca.
A cita terá lugar ás 14.30 horas no Restaurante Louzao, en Area. A actividade, promovida polo Centro de Información á Muller e pola Delegación Municipal da Muller do Concello de Viveiro, está concibida como un encontro de convivencia e participación arredor do 8M. O prezo do xantar é de 50 euros. O Concello de Viveiro publicará nos vindeiros días a programación completa organizada con motivo do 8M.
A presidenta da Deputación, Carmela López, e outros cargos do PSdeG destacaron o valor do grelo como produto emblemático e subliñaron que iniciativas como esta impulsan a economía local, apoian ao sector produtor e reforzan a identidade do rural lucense.
O distintivo, concedido por ADEAC, recoñece a excelencia ambiental e a xestión sostible do territorio.En 2026 o programa acada cifras récord, con máis de 1.200 km de sendeiros en 154 municipios. A senda franquía destaca pola súa calidade paisaxística e ambiental, ao unir Castello e Porcía a través de acantilados, praias e espazos de alto valor ecolóxico. Este recoñecemento reforza o compromiso de El Franco cun modelo que combina conservación, educación ambiental e turismo sostible, situando o concello na rede estatal de itinerarios de excelencia. A entrega oficial das bandeiras será o 6 de marzo no Castelo de Cullera.
Sinalaron que conta cunha Indicación Xeográfica Protexida con case 70 hectáreas cultivadas, 194 produtores e máis de 215.000 kg certificados en 2025, cun valor superior aos 430.000 euros. Tamén subliñaron que forma parte dos 36 selos de calidade de Galicia e que festas como esta dinamizan o rural e favorecen a venda directa entre produtores e consumidores.
O Restaurante Oviedo-2 será o encargado de elaborar o caldo, o compango e as filloas de sobremesa. O acto incluirá tamén lectura de poemas e música, coa participación de Eli García-Bouso, que interpretará algunhas pezas inspiradas en Rosalía de Castro. O prezo do xantar será de 15 euros para socios/as e 20 euros para non socios/as. As persoas interesadas poden inscribirse enviando un correo a agrupacionfranciscolanza@gmail.com ou mediante unha mensaxe de WhatsApp ao 699 809 606.
