Permitirán un control permanente do espazo, conectado 24 horas coa Policía Local, e ofrecerán maiores garantías ás persoas usuarias deste aparcadoiro público
Vilalba, 4 de novembro de 2025. O Concello de Vilalba vén de instalar catro cámaras de vixilancia no aparcadoiro subterráneo da Praza da Constitución co obxectivo de mellorar a seguridade e ofrecer unha maior tranquilidade aos veciños e veciñas que fan uso destas instalacións municipais.
Dúas das cámaras estarán destinadas ao control e vixilancia do espazo, permanecendo conectadas de forma permanente coa Policía Local, o que permitirá reforzar a seguridade neste punto estratéxico do centro urbano e actuar con maior rapidez en caso de calquera incidencia ou acto vandálico sobre os vehículos estacionados.
As outras dúas cámaras realizarán lectura automática de matrículas e control do tempo de estacionamento. De xeito que facilitarán a xestión do espazo e garantirán unha rotación axeitada de vehículos, para que o aparcadoiro poida ser empregado por un maior número de veciños e veciñas ao longo do día.
A alcaldesa de Vilalba, Marta Rouco, explicou que esta actuación responde á vontade do goberno local de “mellorar a seguridade dos espazos públicos e ofrecer servizos municipais cada vez máis eficientes e cómodos para todos os vilalbeses”.
“Queremos que quen aparque neste espazo o faga con total tranquilidade. Estas novas cámaras permitirán previr incidencias e actuar de inmediato se se produce algún tipo de problema. É un paso máis para facer de Vilalba unha vila segura, moderna e mellor conectada”, destacou Rouco.
A rexedora engadiu que “as cámaras reforzan a confianza no uso dun espazo moi empregado”, incidindo en que “o obxectivo do Concello é garantir a seguridade e o bo uso dun servizo público moi demandado”.
Con esta intervención, o goberno municipal continúa avanzando na modernización das infraestruturas urbanas e na mellora dos servizos municipais, apostando pola seguridade, a eficiencia e a comodidade no día a día dos veciños e veciñas de Vilalba.
O grupo teatral O Centiño de San Martiño (Foz) actuou este sábado en Marzán, convidado pola asociación veciñal Torques de Marzán. O local quedou pequeno ante a resposta do público: 73 persoas, un récord de asistencia para unha obra de teatro na parroquia. A comedia provocou constantes risas e un ambiente moi participativo. A iniciativa volve demostrar o valor de levar actividade cultural e teatro afeccionado ás parroquias e barrios, achegando propostas escénicas a lugares afastados dos grandes circuítos. O Centiño continuará a xira de “O Autobús” nas vindeiras semanas: Sábado 25 de abril: Vilaronte (Foz). Sábado 2 de maio: Casa da Cultura de Trabada
Dezaoito locais hostaleiros de Ribadeo, Rinlo e Vilaframil ofrecerán diversas preparacións ata o domingo: en escabeche, en salpicón, en empanada, ao allo, á prancha, en albóndega, etc… Todas as propostas poden consultarse nas redes sociais de Acisa Ribadeo, que agradece “unha vez máis o apoio da OPP do Porto de Burela, que nos doou 90 quilos de cabala para estas xornadas, produto que entregamos de xeito gratuíto aos locais participantes. Achegámoslles así unha parte do peixe que empregarán nesta nova cita gastronómica na que tamén colabora o Concello de Ribadeo”. Ata o porto, ao restaurante Marinero, se achegaron este venres o director territorial da Consellería de Mar, Alexandre Piñeiro, as concelleiras ribadenses Montse Seijo, Elena Sierra e Begoña Sanjurjo, a presidenta de Acisa, Carmen Cruzado, o xerente do colectivo empresarial, Jesús Pérez, e o técnico de Acisa, Jorge Fernández, que puideron degustar as elaboracións realizadas por este establecemento hostaleiro.
O sábado tivo lugar no Casino o III Showcooking, con cociña en directo e maridaxe de viños. O público poderá votar os seus pinchos favoritos e participar no sorteo dunha noite no hotel Marqués de Riscal. A entrega de premios será o luns 20 ás 19:00 h. O Concello e Destino Navia animan a veciños e visitantes a gozar desta cita gastronómica.
Haberá degustación diaria de ostras na carpa do porto. Concertos, showcookings, visitas guiadas e actividades mariñeiras. Lancha pola ría, exposición de maquetas e concurso fotográfico #somoslasostra2026, ademais propostas especiais en Acueo, La Casilla e Restaurante Peñalba.
A etapa, cun percorrido duns 150 quilómetros, partiu arredor das 11:30 horas e rematou en Barreiros, atravesando concellos como Xermade, Muras, Viveiro ou Foz. A proba reúne a equipos do ciclismo profesional internacional e sitúa a provincia de Lugo como escenario dunha das citas deportivas máis destacadas do calendario. O Goberno colabora no desenvolvemento da carreira a través das Forzas e Corpos de Seguridade do Estado, que velan polo correcto desenvolvemento da proba e pola seguridade de participantes e afeccionados.
A cita contará con charlas, obradoiros, concurso de fotografía e unha ampla zona expositiva. A feira será de acceso gratuíto e está pensada para gozar en familia.
