A alcaldesa Mariña Gueimunde mantivo unha xuntanza con Efrén Castro
Viveiro, 18 de novembro de 2025. Mariña Gueimunde, alcaldesa de Viveiro, mantivo unha reunión institucional con Efrén Castro, vicepresidente da Deputación de Lugo, para valorar posibles vías de colaboración entre ambas administracións en materias deportiva e cultural. O encontro serviu como primeira toma de contacto para abrir liñas de diálogo e avanzar na procura de co financiación para proxectos estratéxicos.
Gueimunde destacou o clima cordial da xuntanza e subliñou a vontade de cooperación expresada pola Vicepresidencia. «Foi un primeiro encontro no que trasladamos as necesidades máis urxentes de Viveiro. Detectamos boa disposición para estudar as propostas e analizar a súa viabilidade mediante convenios ou liñas de apoio», explicou a rexedora.
No ámbito deportivo, Mariña Gueimunde expuxo as melloras pendentes nas instalacións municipais. No campo de fútbol de Cantarrana Kiko Rey, tras a renovación do céspede acometida polo Concello, quedan por resolver cuestións como a cuberta das gradas —aínda con uralita—, así como a renovación dos aseos e instalacións de fontanería.
Tamén se tratou o estado que presenta o campo municipal Marcos Gómez, cun céspede artificial moi deteriorado e xa fóra da súa vida útil. Este desgaste afecta ao actividade diaria das escolas deportivas e pode supoñer riscos en materia de seguridade. «Solicitamos á Deputación que valore implicarse na renovación deste campo, unha actuación necesaria para garantir a seguridade e a práctica deportiva en condicións óptimas», indicou Gueimunde.
No ámbito cultural, o Concello reclamou un maior apoio ao Conservatorio de Viveiro, dada a súa intensa actividade e contribución á vida cultural do municipio. «Falamos dunha estrutura que dinamiza Viveiro enteiro e que colabora en moitos actos e iniciativas locais. Consideramos que merece unha achega máis acorde ao seu papel», afirmou a alcaldesa. Esta axuda é na actualidade de 15.000 euros ao ano.
Tamén se abordou a situación do teatro Pastor Díaz e a posibilidade de abrir vías de colaboración para acometer melloras, así como a situación do proxecto da Praza de Abastos, cun compromiso previo que o Concello aspira a reactivar.
Gueimunde valorou positivamente este primeiro paso e avanzou que o Concello elaborará nas próximas semanas as memorias e valoracións económicas necesarias para continuar o diálogo. «O obxectivo é dispoñer de documentación técnica sólida para avanzar en novos encontros e explorar acordos que permitan impulsar proxectos importantes para Viveiro», concluíu.
Unha comedia orientada para público adulto dirixida por Cándio Pazó. Hora: 20.30. Sipnose: 1880, Curros Enríquez é denunciado polo bispo de Ourense por uns poemas do seu libro Aires da miña terra, un dos piares do Rexurdimento Galego. A pesar da opinión contraria do fiscal, un xuíz dá curso á denuncia e o célebre escritor é procesado e condenado.
A xornada comezou cun aperitivo no bar O Colorado, onde os socios se reuniron para o tradicional brinde previo ao xantar. O encontro continuou no Restaurante Asturias nun ambiente de fraternidade, gozando dun cocido digno de exaltación e dunha longa sobremesa. Durante a velada, os asistentes compartiron lembranzas e falaron das actividades que a asociación prepara para o futuro, nun ano no que Os Cacholeiros se achegan ao seu 35º aniversario. A entidade aproveita esta celebración para reivindicar unha vez máis os pratos tradicionais, elaborados con produtos locais e de tempada, e o labor dos establecementos hostaleiros do concello e da comarca.
A cita terá lugar ás 14.30 horas no Restaurante Louzao, en Area. A actividade, promovida polo Centro de Información á Muller e pola Delegación Municipal da Muller do Concello de Viveiro, está concibida como un encontro de convivencia e participación arredor do 8M. O prezo do xantar é de 50 euros. O Concello de Viveiro publicará nos vindeiros días a programación completa organizada con motivo do 8M.
A presidenta da Deputación, Carmela López, e outros cargos do PSdeG destacaron o valor do grelo como produto emblemático e subliñaron que iniciativas como esta impulsan a economía local, apoian ao sector produtor e reforzan a identidade do rural lucense.
O distintivo, concedido por ADEAC, recoñece a excelencia ambiental e a xestión sostible do territorio.En 2026 o programa acada cifras récord, con máis de 1.200 km de sendeiros en 154 municipios. A senda franquía destaca pola súa calidade paisaxística e ambiental, ao unir Castello e Porcía a través de acantilados, praias e espazos de alto valor ecolóxico. Este recoñecemento reforza o compromiso de El Franco cun modelo que combina conservación, educación ambiental e turismo sostible, situando o concello na rede estatal de itinerarios de excelencia. A entrega oficial das bandeiras será o 6 de marzo no Castelo de Cullera.
Sinalaron que conta cunha Indicación Xeográfica Protexida con case 70 hectáreas cultivadas, 194 produtores e máis de 215.000 kg certificados en 2025, cun valor superior aos 430.000 euros. Tamén subliñaron que forma parte dos 36 selos de calidade de Galicia e que festas como esta dinamizan o rural e favorecen a venda directa entre produtores e consumidores.
O Restaurante Oviedo-2 será o encargado de elaborar o caldo, o compango e as filloas de sobremesa. O acto incluirá tamén lectura de poemas e música, coa participación de Eli García-Bouso, que interpretará algunhas pezas inspiradas en Rosalía de Castro. O prezo do xantar será de 15 euros para socios/as e 20 euros para non socios/as. As persoas interesadas poden inscribirse enviando un correo a agrupacionfranciscolanza@gmail.com ou mediante unha mensaxe de WhatsApp ao 699 809 606.
