Denuncian demoras de ata vinte días para conseguir cita e consultas saturadas que deixan sen atención a máis da metade da veciñanza
Xove, 13 de novembro de 2025. O PSdeG-PSOE de Xove volve denunciar o grave deterioro da atención sanitaria no municipio, despois de que o goberno do PP incumprise a súa promesa de cubrir a praza vacante no centro de saúde durante o mes de outubro.
Segundo explican os socialistas, a situación é agora incluso peor que durante o verán, cando o municipio quedou practicamente sen asistencia médica. “A día de hoxe só hai unha médica titular, e como moito dous días á semana temos unha residente con contrato de catro horas para consultas”, advirten.
Consultas saturadas e demoras de ata vinte días
O PSdeG alerta de que esta falta de persoal está a provocar un colapso total no Centro de Saúde: as consultas están saturadas e as citas chegan a demorarse ata vinte días, deixando sen atención a máis da metade da poboación. “A doutora titular fai un esforzo enorme, pero é imposible atender urxencias, consultas e visitas a domicilio sen reforzos. O sistema está ao límite e o PP mira para outro lado”, denuncian.
Os socialistas lembran que a situación é especialmente grave nun concello como Xove, con 3.327 habitantes, dos cales máis de 800 superan os 65 anos, ademais de ter unha residencia da terceira idade con 150 internos. “Falamos dunha poboación envellecida que precisa coidados continuos e un servizo médico estable”, subliñan
Incumprimentos e modelo de privatización
O Grupo Municipal Socialista acusa ao Partido Popular de mentir á veciñanza e incumprir as súas promesas, xa que o alcalde e os responsables da Xunta aseguraran que a praza se cubriría no mes de outubro. “Non só non se cubriu, senón que agora tentan deixar a Xove cun único médico de familia. É intolerable”, critican.
Ademais, denuncian que esta situación vén provocada polo modelo de xestión do PP, que “leva anos convertendo a sanidade nun negocio e degradando o sistema público”. “O mesmo que vemos en Madrid ou Andalucía repítese aquí: precariedade, listas de agarda e veciños obrigados a ir ao privado para ser atendidos”, engaden.
“O PP condena a Xove á precariedade sanitaria e xoga coa saúde da veciñanza. É urxente que se repoñan as tres prazas de médicos de familia que lle corresponden ao municipio e que se reforce o persoal do centro de saúde”, reclaman.
Desde o PSdeG-PSOE de Xove advirten que seguirán denunciando estes recortes “que custan vidas” e esixindo á Xunta e ao alcalde que asuman as súas responsabilidades. “Xove merece unha sanidade pública digna, estable e de calidade. Non máis parches nin máis promesas incumpridas”, conclúen.
Unha comedia orientada para público adulto dirixida por Cándio Pazó. Hora: 20.30. Sipnose: 1880, Curros Enríquez é denunciado polo bispo de Ourense por uns poemas do seu libro Aires da miña terra, un dos piares do Rexurdimento Galego. A pesar da opinión contraria do fiscal, un xuíz dá curso á denuncia e o célebre escritor é procesado e condenado.
A xornada comezou cun aperitivo no bar O Colorado, onde os socios se reuniron para o tradicional brinde previo ao xantar. O encontro continuou no Restaurante Asturias nun ambiente de fraternidade, gozando dun cocido digno de exaltación e dunha longa sobremesa. Durante a velada, os asistentes compartiron lembranzas e falaron das actividades que a asociación prepara para o futuro, nun ano no que Os Cacholeiros se achegan ao seu 35º aniversario. A entidade aproveita esta celebración para reivindicar unha vez máis os pratos tradicionais, elaborados con produtos locais e de tempada, e o labor dos establecementos hostaleiros do concello e da comarca.
A cita terá lugar ás 14.30 horas no Restaurante Louzao, en Area. A actividade, promovida polo Centro de Información á Muller e pola Delegación Municipal da Muller do Concello de Viveiro, está concibida como un encontro de convivencia e participación arredor do 8M. O prezo do xantar é de 50 euros. O Concello de Viveiro publicará nos vindeiros días a programación completa organizada con motivo do 8M.
A presidenta da Deputación, Carmela López, e outros cargos do PSdeG destacaron o valor do grelo como produto emblemático e subliñaron que iniciativas como esta impulsan a economía local, apoian ao sector produtor e reforzan a identidade do rural lucense.
O distintivo, concedido por ADEAC, recoñece a excelencia ambiental e a xestión sostible do territorio.En 2026 o programa acada cifras récord, con máis de 1.200 km de sendeiros en 154 municipios. A senda franquía destaca pola súa calidade paisaxística e ambiental, ao unir Castello e Porcía a través de acantilados, praias e espazos de alto valor ecolóxico. Este recoñecemento reforza o compromiso de El Franco cun modelo que combina conservación, educación ambiental e turismo sostible, situando o concello na rede estatal de itinerarios de excelencia. A entrega oficial das bandeiras será o 6 de marzo no Castelo de Cullera.
Sinalaron que conta cunha Indicación Xeográfica Protexida con case 70 hectáreas cultivadas, 194 produtores e máis de 215.000 kg certificados en 2025, cun valor superior aos 430.000 euros. Tamén subliñaron que forma parte dos 36 selos de calidade de Galicia e que festas como esta dinamizan o rural e favorecen a venda directa entre produtores e consumidores.
O Restaurante Oviedo-2 será o encargado de elaborar o caldo, o compango e as filloas de sobremesa. O acto incluirá tamén lectura de poemas e música, coa participación de Eli García-Bouso, que interpretará algunhas pezas inspiradas en Rosalía de Castro. O prezo do xantar será de 15 euros para socios/as e 20 euros para non socios/as. As persoas interesadas poden inscribirse enviando un correo a agrupacionfranciscolanza@gmail.com ou mediante unha mensaxe de WhatsApp ao 699 809 606.
