A subdelegada agradeceu o labor da Federación de Mulleres Rurais pola súa permanente investigación, acompañamento e visibilización das desigualdades das mulleres
Lugo, 5 de novembro de 2025. A subdelegada do Goberno en Lugo, Olimpia López, inaugurou este luns a xornada organizada por FADEMUR con motivo do 25 de novembro, Día Internacional para a Eliminación da Violencia contra a Muller, celebrada no local da Asociación de Mulleres Rurais “A Xuntanza”, en Castro de Rei. O encontro reuniu a representantes institucionais e profesionais vencellados á loita contra a violencia machista, nun espazo pensado para analizar a situación das mulleres no rural e reforzar o traballo en rede.
A presidenta de FADEMUR Galicia, Verónica Marcos, abriu o acto dando paso ao director xeral de Loita contra a Violencia de Xénero da Xunta, Roberto Barba, e á subdelegada do Goberno en Lugo, Olimpia López, quen trasladou que “sen recursos no rural non hai igualdade real nin protección eficaz fronte á violencia machista”.
López puxo en valor o novo estudo elaborado por FADEMUR, que revela que seis de cada dez mulleres coñecen casos de malos tratos na súa contorna e que máis do 76 % considera que non están tan protexidas como nas áreas urbanas. “Falamos de lugares onde a violencia é máis silenciosa, onde o illamento pesa máis e onde a presión social pode frear a denuncia. Por iso é imprescindible reforzar servizos, acompañamento e formación”, afirmou.
A xornada contou coas intervencións de Marisa Castro, xefa da Unidade de Violencia sobre a Muller da Subdelegación; David Rodríguez, tenente e xefe accidental da Compañía da Garda Civil de Vilalba; e Tamara Bello, integrante do equipo VIOGEN da mesma unidade. As poñentes abordaron os retos actuais, incluíndo o aumento da ciberviolencia entre a mocidade, o impacto do control dixital e a importancia da coordinación institucional.
A subdelegada destacou o compromiso do Goberno de España cunha política feminista “que recoñeza a desigualdade estrutural e garanta protección e dereitos para todas as mulleres, vivan onde vivan”. Tamén lembrou que desde o Ministerio do Interior continúase reforzando a formación en competencias dixitais e mellorando a resposta fronte ás novas formas de violencia.
Finalmente, López agradeceu a FADEMUR “o traballo constante, a investigación rigorosa e a capacidade para visibilizar realidades que durante anos permaneceron fóra do debate público”. Concluíu asegurando que a Subdelegación do Goberno en Lugo “seguirá a disposición para avanzar xuntas na defensa dos dereitos das mulleres e na loita contra todas as violencias machistas”.
No acto impuxéronlles o birrete e entregáronlles diploma e orla. Despois cantaron unha canción para as familias asistentes. Houbo moitos aplausos e algunhas lágrimas de emoción.
O vendedor da ONCE Daniel José López Legaspi foi quen levou a sorte ao municipio desde o seu posto de venda situado na Praza Maior.
Trátase dun programa de actividades para a infancia e a mocidade que se desenvolverá en xullo e agosto con propostas educativas, deportivas e culturais pensadas para facilitar a conciliación familiar. A oferta inclúe ludoteca, talleres creativos e tecnolóxicos, deporte, contacontos e eventos comunitarios como o Mercado Infantil Solidario ou o Carnaval de Verano. As inscricións realizaranse do 1 ao 15 de xuño no Concello, con prioridade para menores empadroados. O programa reforza o compromiso municipal co apoio ás familias e cun verán activo e accesible para a mocidade do concello.
A comunidade educativa convida especialmente a antigos alumnos, mestres e familias a participar nesta xornada de reencontros e lembranzas.
A festa incorporou unha mesa doce decorada con temática de faros e unha sesión de coctelería dedicada á elaboración de vermús. As persoas asistentes recibiron ademais un detalle conmemorativo: unha botella de aceite de oliva virxe extra de Oleonavas, en homenaxe ás raíces familiares do propietario. O evento incluíu numerosos sorteos grazas á colaboración de diferentes empresas, con premios como comidas en O Noso Lar, na Bodega de Ana ou no Restaurante Nito, ademais de licores, paletillas e circuítos termais. Para esta ocasión preparouse tamén unha carta especial con táboas de carne e instalouse un mural conmemorativo no local. O establecemento agradeceu a fidelidade da clientela e o apoio da veciñanza ao longo desta década, fundamentais para acadar este aniversario tan significativo.
Tras máis de vinte anos dedicada ao debuxo científico, expón desde 2013 e a súa pintura, definida pola crítica como expresiva, colorista e próxima ao surrealismo, chegou xa a numerosos países europeos e americanos. 
