O presidente do ente público puxo en valor a auditoría que a Xunta e Recursos de Galicia levan a cabo nos 122 peiraos autonómicos para aforrar enerxía, descarbonizar os grandes sectores e promover o autoconsumo
Viveiro, 28 de novembro de 2025. O presidente de Portos de Galicia, José Antonio Álvarez Vidal, participou esta mañá nas XXIX Xornadas técnicas de difusión do sector pesqueiro que organiza a Confraría de Pescadores de Celeiro, no municipio lucense de Viveiro. Neste foro con representación de expertos e representantes institucionais do sector profesional pesqueiro, o presidente de Portos reafirmou o compromiso do ente público coa transición enerxética e de xeito destacado coa impulso ás enerxías limpas nas contornas portuarias.
Álvarez Vidal realizou unha presentación no bloque temático de loxística, portos e economía azul baixo o título Medrando co mar: visión estratéxica dos portos galegos do século XXI. Durante a súa participación puxo en valor a auditoría enerxética que a Xunta, a través das consellerías de Industria e Mar, e a empresa público-privada Recursos de Galicia están a levar a cabo nos 122 peiraos autonómicos e nos polígonos industriais da comunidade.
O presidente de Portos enmarcou esta acción dentro do obxectivo global da Estratexia Azul de Galicia á que a Xunta destina 115 millóns de euros para impulsar a sostibilidade ambiental e social da actividade económica marítima. Esta auditoría enerxética pretende aforrar custes neste ámbito, descarbonizar os grandes sectores económicos de Galicia e promover o autoconsumo en portos e polígonos.
Para este fin desenvólvese unha campaña de información as principais entidades portuarias como son as confrarías de pescadores, os clubs náuticos e mariñas e as empresas grandes consumidoras. Realizaranse reunións técnicas e informativas con todas as interesadas para a recollida de datos, para a que tamén está xa habilitada unha plataforma dixital avanzada que aporta asesoramento gratuíto aos usuarios para reducir a factura enerxética e permite trasladar datos relevantes.
Esta campaña prolongarase durante doce meses e abarcará a análise das infraestruturas enerxéticas existentes na actualidade, o inventario dos recursos renovables dispoñibles, a identificación das superficies dispoñibles para a instalación de novas instalacións de xeración de enerxía limpa e finalmente o exame da mobilidade das frotas en Galicia. Con esta información remitirase un informe individualizado no que se proporán solucións de autoconsumo renovable, almacenamento enerxético, mellora da eficiencia nos procesos industriais e optimización da mobilidade.
Reunión coa alcaldesa
Logo da súa participación nas xornadas sobre pesca en Celeiro, o presidente de Portos de Galicia mantivo un encontro institucional coa alcaldesa de Viveiro, Mariña Gueimunde, para avanzar nos proxectos para a remodelación da fachada marítima do municipio. José Antonio Álvarez confirmou á alcaldesa que a Xunta está a ultimar o proxecto para o saneamento do porto de Celeiro, cun investimento comprometido de 250.000 euros e que se prevé que saia a licitación no primeiro trimestre do ano.
Así mesmo, informou dos avances na proposta para humanización da fronte marítima comprendida entre a estación de autobuses e a casa do gardapeiraos, incluíndo a habilitación de zona de aparcadoiro público. Esta actuación conta cun investimento previsto plurianual de 1,8 millóns de euros, dos que 200.000 consígnanse para 2026. O ente público prevé poder contratar o proxecto das obras na próxima primavera.
Finalmente, o presidente de Portos informou tamén á alcaldesa dos avances na tramitación da concesión a favor de Marina Viveiro para o uso do edificio do Casino de Viveiro e a zona verde anexa. Portos está supervisando o proxecto técnico entregado pola entidade e remitiralle o ofrecemento de condicións.
Unha comedia orientada para público adulto dirixida por Cándio Pazó. Hora: 20.30. Sipnose: 1880, Curros Enríquez é denunciado polo bispo de Ourense por uns poemas do seu libro Aires da miña terra, un dos piares do Rexurdimento Galego. A pesar da opinión contraria do fiscal, un xuíz dá curso á denuncia e o célebre escritor é procesado e condenado.
A xornada comezou cun aperitivo no bar O Colorado, onde os socios se reuniron para o tradicional brinde previo ao xantar. O encontro continuou no Restaurante Asturias nun ambiente de fraternidade, gozando dun cocido digno de exaltación e dunha longa sobremesa. Durante a velada, os asistentes compartiron lembranzas e falaron das actividades que a asociación prepara para o futuro, nun ano no que Os Cacholeiros se achegan ao seu 35º aniversario. A entidade aproveita esta celebración para reivindicar unha vez máis os pratos tradicionais, elaborados con produtos locais e de tempada, e o labor dos establecementos hostaleiros do concello e da comarca.
A cita terá lugar ás 14.30 horas no Restaurante Louzao, en Area. A actividade, promovida polo Centro de Información á Muller e pola Delegación Municipal da Muller do Concello de Viveiro, está concibida como un encontro de convivencia e participación arredor do 8M. O prezo do xantar é de 50 euros. O Concello de Viveiro publicará nos vindeiros días a programación completa organizada con motivo do 8M.
A presidenta da Deputación, Carmela López, e outros cargos do PSdeG destacaron o valor do grelo como produto emblemático e subliñaron que iniciativas como esta impulsan a economía local, apoian ao sector produtor e reforzan a identidade do rural lucense.
O distintivo, concedido por ADEAC, recoñece a excelencia ambiental e a xestión sostible do territorio.En 2026 o programa acada cifras récord, con máis de 1.200 km de sendeiros en 154 municipios. A senda franquía destaca pola súa calidade paisaxística e ambiental, ao unir Castello e Porcía a través de acantilados, praias e espazos de alto valor ecolóxico. Este recoñecemento reforza o compromiso de El Franco cun modelo que combina conservación, educación ambiental e turismo sostible, situando o concello na rede estatal de itinerarios de excelencia. A entrega oficial das bandeiras será o 6 de marzo no Castelo de Cullera.
Sinalaron que conta cunha Indicación Xeográfica Protexida con case 70 hectáreas cultivadas, 194 produtores e máis de 215.000 kg certificados en 2025, cun valor superior aos 430.000 euros. Tamén subliñaron que forma parte dos 36 selos de calidade de Galicia e que festas como esta dinamizan o rural e favorecen a venda directa entre produtores e consumidores.
O Restaurante Oviedo-2 será o encargado de elaborar o caldo, o compango e as filloas de sobremesa. O acto incluirá tamén lectura de poemas e música, coa participación de Eli García-Bouso, que interpretará algunhas pezas inspiradas en Rosalía de Castro. O prezo do xantar será de 15 euros para socios/as e 20 euros para non socios/as. As persoas interesadas poden inscribirse enviando un correo a agrupacionfranciscolanza@gmail.com ou mediante unha mensaxe de WhatsApp ao 699 809 606.
