Na presentación do novo Punto Violeta, na que a subdelegada estivo acompañada polo director, Antonio Graña, destacaron a predisposición do persoal para actuar seguindo o protocolo sinalado na formación que recibiron
Lugo, 7 de novembro de 2025. A subdelegada do Goberno en Lugo, Olimpia López, presentou hoxe o Punto Violeta do Parador de Turismo de Vilalba, un espazo seguro e identificado que ofrece información e apoio ás mulleres que poidan atoparse en situacións de violencia de xénero. No acto estivo acompañada polo director do Parador de Vilalba e Ribadeo, Antonio Graña.
Durante a presentación, Olimpia López destacou que a implicación de Paradores na loita contra a violencia machista é un exemplo de compromiso social e institucional, e subliñou que “cada novo punto de información é unha oportunidade para previr todo tipo de violencias contra as mulleres e reforzar a súa rede de protección”.
A subdelegada explicou que o obxectivo do Goberno é ampliar e descentralizar os espazos de atención e información, levando a sensibilización e os recursos de apoio a todos os ámbitos da vida cotiá, tamén aos relacionados coa hostalaría e o turismo.
Ademais, lembrou que o Goberno de España segue traballando “para consolidar unha rede institucional activa, accesible e próxima ás persoas, que garanta que calquera muller poida atopar apoio e orientación ante unha situación de violencia”.
O Punto Violeta é unha iniciativa promovida polo Ministerio de Igualdade que busca implicar á cidadanía na loita contra a violencia machista, ofrecendo información clara sobre como actuar ante un caso e acompañando ás vítimas no seu proceso de protección e recuperación.
Os establecementos que se van sumando contan con diversos materiais informativos, entre eles a Guía Punto Violeta para actuar fronte á Violencia Machista, carteis e adhesivos con código QR que permiten acceder directamente a información práctica sobre recursos institucionais, así como distintivos identificativos que sinalan o lugar como espazo seguro.
O persoal do Parador recibiu formación específica para seguir o protocolo de actuación ante posibles situacións de violencia de xénero. “A súa sensibilización e disposición para colaborar é esencial para que ningunha muller se sinta soa ou desprotexida”, indicou López.
Unha rede en expansión en Lugo
O novo Punto Violeta do Parador de Vilalba súmase aos xa implantados na provincia de Lugo nas sedes da Subdelegación do Goberno (Rexistro e Estranxeiría), no SEPE, na Axencia Tributaria, en Muface, e nas oficinas do INSS e da TGSS.
Ademais, a subdelegada anunciou que, no marco da programación de novembro, presentaranse novos Puntos Violetas na sede de UGT Lugo e xunto ao Colexio Oficial de Farmacéuticos, ampliando así a colaboración social e institucional na loita contra a violencia machista.
Unha comedia orientada para público adulto dirixida por Cándio Pazó. Hora: 20.30. Sipnose: 1880, Curros Enríquez é denunciado polo bispo de Ourense por uns poemas do seu libro Aires da miña terra, un dos piares do Rexurdimento Galego. A pesar da opinión contraria do fiscal, un xuíz dá curso á denuncia e o célebre escritor é procesado e condenado.
A xornada comezou cun aperitivo no bar O Colorado, onde os socios se reuniron para o tradicional brinde previo ao xantar. O encontro continuou no Restaurante Asturias nun ambiente de fraternidade, gozando dun cocido digno de exaltación e dunha longa sobremesa. Durante a velada, os asistentes compartiron lembranzas e falaron das actividades que a asociación prepara para o futuro, nun ano no que Os Cacholeiros se achegan ao seu 35º aniversario. A entidade aproveita esta celebración para reivindicar unha vez máis os pratos tradicionais, elaborados con produtos locais e de tempada, e o labor dos establecementos hostaleiros do concello e da comarca.
A cita terá lugar ás 14.30 horas no Restaurante Louzao, en Area. A actividade, promovida polo Centro de Información á Muller e pola Delegación Municipal da Muller do Concello de Viveiro, está concibida como un encontro de convivencia e participación arredor do 8M. O prezo do xantar é de 50 euros. O Concello de Viveiro publicará nos vindeiros días a programación completa organizada con motivo do 8M.
A presidenta da Deputación, Carmela López, e outros cargos do PSdeG destacaron o valor do grelo como produto emblemático e subliñaron que iniciativas como esta impulsan a economía local, apoian ao sector produtor e reforzan a identidade do rural lucense.
O distintivo, concedido por ADEAC, recoñece a excelencia ambiental e a xestión sostible do territorio.En 2026 o programa acada cifras récord, con máis de 1.200 km de sendeiros en 154 municipios. A senda franquía destaca pola súa calidade paisaxística e ambiental, ao unir Castello e Porcía a través de acantilados, praias e espazos de alto valor ecolóxico. Este recoñecemento reforza o compromiso de El Franco cun modelo que combina conservación, educación ambiental e turismo sostible, situando o concello na rede estatal de itinerarios de excelencia. A entrega oficial das bandeiras será o 6 de marzo no Castelo de Cullera.
Sinalaron que conta cunha Indicación Xeográfica Protexida con case 70 hectáreas cultivadas, 194 produtores e máis de 215.000 kg certificados en 2025, cun valor superior aos 430.000 euros. Tamén subliñaron que forma parte dos 36 selos de calidade de Galicia e que festas como esta dinamizan o rural e favorecen a venda directa entre produtores e consumidores.
O Restaurante Oviedo-2 será o encargado de elaborar o caldo, o compango e as filloas de sobremesa. O acto incluirá tamén lectura de poemas e música, coa participación de Eli García-Bouso, que interpretará algunhas pezas inspiradas en Rosalía de Castro. O prezo do xantar será de 15 euros para socios/as e 20 euros para non socios/as. As persoas interesadas poden inscribirse enviando un correo a agrupacionfranciscolanza@gmail.com ou mediante unha mensaxe de WhatsApp ao 699 809 606.
