Os representantes das entidades participantes amosaron o seu acordo en reivindicar dende a unidade “o que é de xustiza para Lugo” ante a situación “deficitaria” das infraestruturas e comunicacións que supoñen unha “desvantaxe competitiva”
Lugo, 28 de novembro de 2025. O tecido económico e a sociedade civil coincide en reivindicar un Lugo mellor conectado. Así se desprende dunha reunión de traballo convocada polo Partido Popular con representantes do sector empresarial, comercial, turístico e do transporte na provincia na que cualificaron como “deficitaria” a situación das infraestruturas de comunicación de Lugo que supoñen unha “desvantaxe competitiva” para o noso territorio dende o punto de vista económico e, tamén, social e familiar.
Os representantes dos distintos colectivos amosaron o seu acordo para o impulso de accións conxuntas para reivindicar “o que é de xustiza para Lugo”.
O primeiro paso é consensuar un manifesto conxunto contra a desconexión de Lugo que cada entidade tramitará conforme á súa normativa interna e que inclúa, tamén, unha parte personalizada coas reivindicacións de cada sector en relación ao ámbito das infraestruturas e a conectividade. Unha acción aberta á sociedade e aos distintos colectivos lucenses que se queiran sumar a esta reivindicación.
A exclusión do AVE e do Corredor de Mercadorías, a perda de servizos e frecuencias ferroviarias, unha intermodal nova sen trens, o mal estado das estradas nacionais, a falta de autovías para conectar con Santiago, Ourense, comunicar A Mariña e o sur da provincia coa Meseta ou a deficiente conexión con Internet foron algunhas das realidades que vivimos os lucenses na provincia e que foron analizadas na reunión.
Os representantes do Partido Popular avogaron pola “unidade” ante unha “situación límite” ou “punto de non retorno onde ou se reacciona como sociedade ou o dano durará xeracións”.
A xuntanza contou coa participación de representantes da CEL, a Asociación de Empresarios Ceao – As Gándaras, a Asociación Provincial de Empresarios da Construción, asociacións de empresarios de transporte, a Asociación Provincial de Empresarios da Hostalería e o Turismo, a Federación provincial de comercio, a Asociación de Distribuidores de Hostalaría e Alimentación de Lugo, a asociación Capital Humano, a asociación Lugo Monumental, a asociación provincial de taxistas, a asociación de Amigos do Camiño, da asociación Xuntos por Lugo e da Federación de Asociacións de Veciños Lugo Rural Importa.
Tamén participaron, dende o Partido Popular da provincia, a presidenta provincial e voceira municipal, Elena Candia; o portavoz provincial e coordinador de Infraestruturas do PPdeG, Antonio Ameijide; os alcaldes de Outeiro de Rei, José Pardo, e de Castro de Rei; Francisco Balado; a deputada autonómica Cristina Sanz, a deputada nacional Cristina Abades e o senador Juan Serrano.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
Pasada a medianoite, un vehículo saíuse da vía na N-634. Como consecuencia do impacto, tres persoas resultaron feridas. Da asistencia sanitaria ocupáronse os profesionais de Urxencias Sanitarias de Galicia-061 e os axentes da Garda Civil de Tráfico da seguridade na vía. Os Bombeiros de Barreiros tamén acudiron, sen embargo, ningún dos feridos estaba atrapado.
Baixo o título “A guerra en Oriente Medio. Do xenocidio en Palestina á agresión a Irán”, o analista internacional Duarte Correa ofrecerá unha intervención centrada na evolución do conflito, o impacto humanitario e as implicacións xeopolíticas da escalada bélica na rexión.
