Foz, 30 de decembro de 2025. A Aula Universitaria da UNED de Foz celebrará o vindeiro 14 de xaneiro de 2026, ás 16:00 horas, o Roteiro Interpretativo Aves Invernantes, unha actividade aberta ao público e de carácter gratuíto. A iniciativa estará guiada por Pedro Rolle, especialista en biodiversidade, quen acompañará ás persoas participantes nun percorrido divulgativo polo entorno natural da vila. O punto de encontro situarase na entrada de Foz, desde onde a comitiva se dirixirá aos arredores de Vilaxoane. “O roteiro presenta unha dificultade baixa, un trazado aproximado de 3 quilómetros e unha duración estimada de dúas horas”, anuncia a Aula Universitaria da UNED de Foz, que engade: “esta acción formativa ten como finalidade principal a observación e identificación das distintas especies de aves invernantes que, procedentes do norte de Europa, permanecen na comarca durante os meses de inverno. Ademais búscase fomentar a sensibilización e o coñecemento da biodiversidade local entre a cidadanía”.
A coordinadora da Aula Universitaria da UNED de Foz, Marta Muiña, subliña que “esta iniciativa representa unha oportunidade para promover o coñecemento científico entre a poboación, mediante actividades de divulgación que reforzan o vínculo da cidadanía co seu en torno natural”.
Pola súa banda, Elena Martínez Pena, concelleira da Aula, salienta que “o roteiro Aves Invernantes supón unha oportunidade única para aprender sobre as especies que nos acompañan no inverno, ampliando a oferta formativa e cultural do noso municipio”. Engade, ademais, que este tipo de actividades “favorecen o contacto interxeracional coa natureza e invitan a gozar do medio dun modo respectuoso e educativo”.
A organización anima a toda a veciñanza e visitantes a participar “nesta experiencia de aprendizaxe ao aire libre e a coñecer de preto o comportamento das aves durante a estación invernal”.
Para obter máis información e formalizar as inscricións, as persoas interesadas poden dirixirse á Aula Universitaria da UNED en Foz a través das súas canles habituais, consultar a súa web oficial ou mediante o correo foz@lugo.uned.es e os teléfonos 982.133.699 e 604.034.549.
O Concello de Navia presenta este sábado 28 de febreiro, ás 12:00 h no Casino, o libro Tras las huellas de Campoamor en Alicante, de Luján Martínez Suárez. Ademais, adquiriu un valioso volume da RAE de 1865, que inclúe un discurso seu orixinal. O exemplar incorporarase á Biblioteca Municipal, ampliando o fondo dedicado ao poeta.
O Dúo Eclipse será o encargado de poñer a música nunha nova tarde-noite chea de ritmo, baile e bo ambiente no Guateque de Arruguiñas. A cita é este sábado, 28 de febreiro na Casa do Mar de San Cibrao ás 19:30 h. Ademais, o alumnado de 2º de Bacharelato, en colaboración coa Oficina de Voluntariado Xuvenil, ofrecerá bingo e chocolate para completar a festa. O evento conta tamén coa colaboración da Asociación de Xubilados Terramar.
O Restaurante Oviedo-2 será o encargado de elaborar o caldo, o compango e as filloas de sobremesa. O acto incluirá tamén lectura de poemas e música, coa participación de Eli García-Bouso, que interpretará algunhas pezas inspiradas en Rosalía de Castro. O prezo do xantar será de 15 euros para socios/as e 20 euros para non socios/as. As persoas interesadas poden inscribirse enviando un correo a agrupacionfranciscolanza@gmail.com ou mediante unha mensaxe de WhatsApp ao 699 809 606.
Neste espazo radiofónico, de 12 a 14 horas, Félix Jorquera falará coa directora do IES de Foz, Leticia Maseda, co coordinador do evento, José Ríos, así como con alumnado e profesorado participante e moi implicado nos Campionatos Internacionais de Baristas e Catas de Café, que estes días enchen Foz de xente e de aroma cafeteiro.
Os propietarios, Javier Montero e Tita Iglesias, recolleron o recoñecemento na Coruña, agradecendo o apoio da clientela, do seu equipo —formado integramente por mulleres— e da propia guía. O establecemento mantén esta recomendación desde 2021 e suma tamén un Sol Repsol, obtido en 2024 e renovado para 2026. O hotel restaurante Javier Montero abriu as súas portas en novembro de 2018.
Unha comedia orientada para público adulto dirixida por Cándido Pazó. Hora: 20.30. Sipnose: 1880, Curros Enríquez é denunciado polo bispo de Ourense por uns poemas do seu libro Aires da miña terra, un dos piares do Rexurdimento Galego. A pesar da opinión contraria do fiscal, un xuíz dá curso á denuncia e o célebre escritor é procesado e condenado.
A xornada comezou cun aperitivo no bar O Colorado, onde os socios se reuniron para o tradicional brinde previo ao xantar. O encontro continuou no Restaurante Asturias nun ambiente de fraternidade, gozando dun cocido digno de exaltación e dunha longa sobremesa. Durante a velada, os asistentes compartiron lembranzas e falaron das actividades que a asociación prepara para o futuro, nun ano no que Os Cacholeiros se achegan ao seu 35º aniversario. A entidade aproveita esta celebración para reivindicar unha vez máis os pratos tradicionais, elaborados con produtos locais e de tempada, e o labor dos establecementos hostaleiros do concello e da comarca.
