O primeiro obradoiro comezará o 2 de xaneiro e está dirixido a nenos e nenas de 6 a 12 anos de idade. Na programación, que se estenderá ata o 1 abril, hai máis de 340 prazas para participar en actividades de educación ambiental dirixidas tanto para público adulto como infantil
Lugo, 29 de decembro, 2025. A Deputación de Lugo abriu este luns, 29 de decembro, o prazo de inscrición para anotarse nas primeiras 18 actividades gratuítas que organiza a institución provincial para fomentar o lecer saudable e a educación ambiental na Reserva da Biosfera Terras do Miño. O calendario, que comezará o 2 de xaneiro e estenderase ata o 1 de abril, inclúe máis de 340 prazas dirixidas a público adulto e infantil. Todas as propostas terán lugar no Centro de Interpretación Terras do Miño.
O primeiro curso, Robotix nature: innovado para o planeta, celebrarase do 2 ao 7 de xaneiro en horario de mañá e nela poderán participar nenos e nenas de 6 a 12 anos de idade. Tamén en xaneiro realizaranse tres obradoiros para adultos sobre Podas de árbores, de froito e viñas; Creación dun pequeno invernadoiro e unha primeira edición do curso de Enxerto.
En febreiro, haberá outras dúas edicións do curso de Enxerto; unha proposta sobre a Arte de conservar e fermentar, que se realizará en horario de mañá ou tarde; e un curso de Técnicas de elaboración e traballo en feltro, no que se poderá participar tamén en horario de mañá ou tarde. Ademais, os máis cativos e cativas da casa aprenderán a crear máscaras e complementos naturais para o Entroido.
En marzo, hai previstas as seguintes propostas: Plantas culinarias, con opción de participar ou ben pola mañá ou ben pola tarde; Flores de papel; Limpeza e mantemento dos bosques. Prevención de incendios; Alta cociña na reserva e Baños de bosque. A última actividade deste primeiro trimestre do 2026 será Ecodetective de consumo: investigando símbolos e terá lugar do 30 de marzo ao 1 de abril.
Inscricións
As persoas interesadas poderán formalizar a súa inscrición a través das diferentes canles dispoñibles, chamando ao número de teléfono 982 227 812 e 982 305 930, enviando un correo electrónico a und.medioambiente@deputacionlugo.org ou a través da web: http://inscricions.deputacionlugo.org/gl/tema/actividades-medioambientais.
Neste espazo radiofónico, de 12 a 14 horas, Félix Jorquera falará coa directora do IES de Foz, Leticia Maseda, co coordinador do evento, José Ríos, así como con alumnado e profesorado participante e moi implicado nos Campionatos Internacionais de Baristas e Catas de Café, que estes días enchen Foz de xente e de aroma cafeteiro.
Os propietarios, Javier Montero e Tita Iglesias, recolleron o recoñecemento na Coruña, agradecendo o apoio da clientela, do seu equipo —formado integramente por mulleres— e da propia guía. O establecemento mantén esta recomendación desde 2021 e suma tamén un Sol Repsol, obtido en 2024 e renovado para 2026. O hotel restaurante Javier Montero abriu as súas portas en novembro de 2018.
Unha comedia orientada para público adulto dirixida por Cándio Pazó. Hora: 20.30. Sipnose: 1880, Curros Enríquez é denunciado polo bispo de Ourense por uns poemas do seu libro Aires da miña terra, un dos piares do Rexurdimento Galego. A pesar da opinión contraria do fiscal, un xuíz dá curso á denuncia e o célebre escritor é procesado e condenado.
A xornada comezou cun aperitivo no bar O Colorado, onde os socios se reuniron para o tradicional brinde previo ao xantar. O encontro continuou no Restaurante Asturias nun ambiente de fraternidade, gozando dun cocido digno de exaltación e dunha longa sobremesa. Durante a velada, os asistentes compartiron lembranzas e falaron das actividades que a asociación prepara para o futuro, nun ano no que Os Cacholeiros se achegan ao seu 35º aniversario. A entidade aproveita esta celebración para reivindicar unha vez máis os pratos tradicionais, elaborados con produtos locais e de tempada, e o labor dos establecementos hostaleiros do concello e da comarca.
A cita terá lugar ás 14.30 horas no Restaurante Louzao, en Area. A actividade, promovida polo Centro de Información á Muller e pola Delegación Municipal da Muller do Concello de Viveiro, está concibida como un encontro de convivencia e participación arredor do 8M. O prezo do xantar é de 50 euros. O Concello de Viveiro publicará nos vindeiros días a programación completa organizada con motivo do 8M.
A presidenta da Deputación, Carmela López, e outros cargos do PSdeG destacaron o valor do grelo como produto emblemático e subliñaron que iniciativas como esta impulsan a economía local, apoian ao sector produtor e reforzan a identidade do rural lucense.
O distintivo, concedido por ADEAC, recoñece a excelencia ambiental e a xestión sostible do territorio.En 2026 o programa acada cifras récord, con máis de 1.200 km de sendeiros en 154 municipios. A senda franquía destaca pola súa calidade paisaxística e ambiental, ao unir Castello e Porcía a través de acantilados, praias e espazos de alto valor ecolóxico. Este recoñecemento reforza o compromiso de El Franco cun modelo que combina conservación, educación ambiental e turismo sostible, situando o concello na rede estatal de itinerarios de excelencia. A entrega oficial das bandeiras será o 6 de marzo no Castelo de Cullera.
