Esta actuación conta con financiamento a través do Plan de Recuperación, Transformación e Resiliencia da Unión Europea-NextGenerationUE
Santiago de Compostela, 6 de decembro de 2025. A Xunta de Galicia adxudicou por un importe de preto de 300.000 euros as obras de reforma da liña de lodos da estación de tratamento de auga potable (ETAP) da Senra, no concello lucense de Cervo. O fin último dos traballos é optimizar o funcionamento da instalación e evitar o exceso de vertidos cara á rede de saneamento municipal co obxectivo de garantir a axeitada prestación do servizo de abastecemento á cidadanía existente na contorna.
As actuacións, que se enmarcan na colaboración coa entidade supramunicipal Consorcio para a xestión e explotación da rede básica de abastecemento aos concellos de Cervo e Burela, teñen un prazo de execución de seis meses e buscan que o funcionamento da ETAP sexa óptimo mediante a instalación dun novo sistema de flotación por aire disolto (DAF) que aumente a capacidade de tratamento, mellore a liña de lodos e reduza os aportes de auga sucia á rede de saneamento do concello de Cervo.
A instalación deste novo sistema DAF para o tratamento da auga require dunha ampliación da sala de lodos -pois as dimensións da actual son insuficientes-, que se estenderá ao espazo actualmente ocupado polos vestiarios e, parcialmente, polo laboratorio, o que implicará a habilitación de novas áreas para estas funcións.
En canto á liña de lodos, ademais de cambiarse o sistema de flotación por aire disolto, instalarase un novo depósito prefabricado de formigón de arredor de sete metros cúbicos de volume que recollerá a auga clarificada procedente do DAF antes de pasala á seguinte fase das canalizacións para o tratamento dentro da ETAP.
Esta actuación conta con financiamento europeo a través do Mecanismo de Recuperación e Resiliencia (MRR) no marco do Plan de Recuperación, Transformación e Resiliencia da Unión Europea-NextGenerationUE.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partirán de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
