Así se puxo de manifesto nas diferentes conversas mantidas durante toda a fin de semana entre o conselleiro de Emprego, Comercio e Emigración, José González, e a dirección da compañía
Santiago de Compostela, 1 de decembro de 2025. Tras as conversas mantidas durante toda a fin de semana entre o conselleiro de Emprego, Comercio e Emigración, José González, e a dirección de Sargadelos, a Xunta reitera ao empresario a necesidade de retomar canto antes as súas funcións executivas e recuperar a actividade da planta de Cervo con normalidade, en beneficio das persoas traballadoras, das súas familias e da propia empresa. Neste sentido, o Goberno galego lamenta a súa dimisión como CEO da fábrica e solicita que reconsidere a súa posición.
Con respecto ao Expediente de Regulación Temporal de Emprego (ERTE) presentado pola dirección da planta en Cervo, a Xunta rexéitao ao detectar incongruencias que impiden que a solicitude se axuste á normativa aplicable. Como autoridade laboral, o Goberno galego demanda información e documentación adicional á empresa e vixiará o cumprimento da lexislación laboral, coñecedores de que o subsanamento das eivas detectadas, no que está a colaborar a Xunta no financiamento das obras dada a singularidade das instalacións, é compatible co mantemento da actividade, permitindo garantir a seguridade e a saúde do persoal.
Cómpre lembrar que desde abril a Xunta estivo en contacto permanente coa empresa, cos traballadores e coa Inspección de Traballo, mediando para ofrecer a máxima flexibilidade legal na execución das actuacións necesarias. Froito destas xestións, a Inspección concedeu a Sargadelos un prazo suficientemente amplo para acometer as actuacións previstas nos requirimentos de marzo de 2025 e setembro de 2024.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
A piscina abrirá de luns a venres de 8:30 a 13:00 e de 15:30 a 22:00, e os sábados de 8:30 a 14:30. O ximnasio manterá horario continuo de luns a venres, de 8:30 a 22:00, e os sábados de 8:30 a 14:30. A tempada arrinca tras diversas melloras nas instalacións, entre elas a renovación da cuberta do polideportivo, cun investimento de 195.000 euros, así como a substitución de portas de emerxencia, a intervención en pontóns das piscinas e o cambio das huellas de volteo. O Concello continúa así reforzando o mantemento e a seguridade dun complexo utilizado diariamente por numerosos veciños e deportistas.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
